شوفو ما طبخت لعزومة زوجي و اصحابه واش رايكم

imenadam · 2012-09-11, 13:53

السلام عليكم انا جديدة مممعكم و قد اعجبني بزاف النادي فتقبلوني معكم
هذه عزومة زوجي لاصحابه فما رايكم
ديرت الشربة فريك ما صورتهاش نسيت لاني وحدي بصح باينة شربة هي الشربة
ثاني السلطة و الحميص[URL="https://www.gulfup.com/show/X2crrd9ltshc04]"][/url

[

بطاطا محشية في الفرن

طاجين الكفتة بالبيض
طاجين الحلو[URL="https://www.gulfup.com/show/X2crrxnhb54sgs]"]

دجاجة محمرة في الفرن بصح ماصورتهاش

ديسار عملت تيراميسو
[/url]

وردة الشمس · 2012-09-11, 13:57

اطباق رائعة سلمت يداك

spirit angel · 2012-09-11, 13:57

lah ybarek madabiya ta3tina les restte khti wallah 3ajbouni bazef

أم ماجد · 2012-09-11, 14:12

يعطيك الصحة يا السطايفية الفحلة
من فضلك الوصفات خاصة البطا طا المحشية في الفرن

imenadam · 2012-09-11, 15:08

اشكركم اخواتي بالنسبة للوصفات والله سهلة لكن البنة مضمونة
طاجين الكفتة بالبيض:شوفي تاخذي اللحم كفتة +بيضة+ملح+فلفل اسود+فلفل حار مقطع صغير(اذا حبيتي)+شابلور(خبز مرحي اليابس)+معدنوس ونكورها
من جهة ناخذ البصل نقطع بالطول كيما تاع التشكتشوكة ثم ذبليها في شوية زبدة+شوية زيت ولما تذبال ديريها في مول الفرن والزيت الي يبقا حمري تحمار فيه كرات الكفتة على نار هادية ولما تحمار زيديلها 4مغارف ماء على هذاك الزيت ثم ضيفيها للبصل خطيها بورق الالمنيوم والى الفرن نصف ساعة ثم نحي الالمنيوم كسيري البيض حسب حجم المول وضيفي رشة ملح للبيض ثم ارجعيه للفرن شعلي من فوق فقط حتى يجمد شوية البيض لكن ماطيبيش البيض حتى ينشف وخلاص واعدك اختي الملاك نعاود الوصفات بالصور احسن و نحطهم

imenadam · 2012-09-11, 15:45

اقتباس:

المشاركة الأصلية كتبت بواسطة أم ماجد

يعطيك الصحة يا السطايفية الفحلة
من فضلك الوصفات خاصة البطا طا المحشية في الفرن

اشكرك يا اختي وبنسبة للبطاطا سهلة :نداي لحم مرحي كيما تحبي انتي انا درت:بيضة+معدنوس+ثوم+ملح+خبز المرحي+كمون+فلفل حار مقطع صغير
من جهة البطاطا خيري حبات شوية كبار قشريها(طبعا) قطعيها بالطول وفرغيها تتحصلي على شكل قوارب ,اقليها ,قطريها مليح من الزيت وعمريها باللحم ,ثم حطيها في قالب الفرن و حاولي ترصيها حتى مايبقاش فراغ وانا نزيد نقلي بقايا البطاطا اللي فرغتها باش مانرميهاش و نعمر بيها الفراغات اللي بين قوارب بطاطا ثم نحط عليها مرقة بيضاء كنت طيبتها من قبل (طيبيهابالعضام برك باش البنة برك)غطيها بورق الالمنيم و الى الفرن في هذا الوقت ناخذ بيض+كاس من المرقة البيضاء +مغرف فرينة +فرماج مرحي ونخلط جيدا ولما يطيب اللحم (حوالي نصف الساعة) نحي الالمنيوم نحط خليط البيض ونرجع للفرن حتى يطيب البيض وشهية طيبة

safou safaa · 2012-09-11, 15:49

mmmmm chatra b slamtekk ana mandounch netzawaj mana3ref ndir walou

sabrina constantine · 2012-09-11, 16:02

Ya3tiiiiik Sa7alah yselem yediiiik c tr magnifique

imenadam · 2012-09-11, 18:23

اقتباس:

المشاركة الأصلية كتبت بواسطة sabrina constantine

Ya3tiiiiik Sa7alah yselem yediiiik c tr magnifique

يسلمك حبيبتي

بشرى2008 · 2012-09-11, 18:46

يعطيك الصحة

أم ماجد · 2012-09-11, 18:50

يعطيك الصحة يا العمرية

imenadam · 2012-09-11, 18:54

اقتباس:

المشاركة الأصلية كتبت بواسطة safou safaa

mmmmm chatra b slamtekk ana mandounch netzawaj mana3ref ndir walou

يسلمك حبيبتي لكن حبيت نقولك بلي قبل ما نتزوج (عقبالك حبيبتي) كنت حبة بطاطا مانعرفش نقليها لاني كنت في الجامعة وامي حفظها الله(قولو امين)تقولي:غير روحي تقراي لكن لما تزوجت لقيت زوجي يحب الاكل البنين(يعني كل الرجال هكذا)صممت على الكوزينة وركزت والحمد لله ماعلياش (كيما يقول زوجي)خير من الاول .
. والان اكتشفت هذا منتدى الكنز وصدقيني مالقيتش كيفو في نت

linat · 2012-09-12, 16:53

اطباق رائعة سلمت يداك

سوسو92 · 2012-09-12, 19:24

اووووووووووه ماكلة تشهي ممكن وصفة انتاع شلاطة بليزززززززززززززز

آمنت بالله · 2012-09-12, 21:52

تحفة ،لا أظن انني أفعل مثلك