ساعدوني ، عاجل جدا

mehdi_mascara · 2017-09-10, 18:49

السلام عليكم

الصباح توجهت للمعهد الوطني للتكوين المهني بولايتي ، و هو الأساسي تقريبا في الولاية و ليس فرعي ،

دخلت سألت العامل هناك عن مكتب التوجيه ،

توجهت إلى المكتب شفت التخصصات المتاحة ،
بعدها دخلت عند واحد هناك للتوجيه ، قالي شا خاصك ، يرحم باباكم واحد رايح لمركز التكوين !! رايح يشري لوطو مثلا !!

المهم ما علينا قلتله خاصني نسجل ، قالي وين راه دوسيك قتله لا غير جيت نستفسر على التسجيل ، و الله غير حسيتو يطرد فيا ، ما جاوبنيش ، و قعد يتكلم مع وحد المرأة ثما معا بنتها ،

و بعدها قتله غير بغيت نسقسي أنا تلميذ نقرا في الجامعة هاذ العام سنة أولى ، ما جاوبنيش حتى كي الناس ، قالي و بسرعة ، مكاش مفيهاش ، قعدت نفكر كيفاش ندير أنا ضك ،

زدت جلست وحد الدقائق معدودة و مبعد كمل الهدرة معا المرأة هاذيك و كي جا خارج ، خزر فيا و قالي ماكاش ،

و أنا قالولي ناس انو نقدر نقرا في الجامعة و نقرا تكوين عن بعد في نفس الوقت ، قولولي كيفاش ندير ،

واحد نصحني قالي ادفع دوسيك بلا ما تجبدلهم على الجامعة أصلا ، يعني بشهادة مدرسية تثبت المستوى فقط و ما تقولهمش بلي تقرا في الجامعة ،

و شفت في موضوع أنو مالازمكش تكون مؤمن نففسك في الجامعة لأنو إذا راح مركز التكوين باش يأمنك راح يلقاك ديجا من قبل في التأمين تاع الجامعة و راح يوقفك من المعهد ، قولولي واش يقصدو بالتأمين الجامعي ؟و كيفاش نقدر ما نأمنش نفسي في الجامعة ؟

و لكن هل مضمونة أنها خالية من التبعات القانونية ؟!!

أرجو منكم المساعدة في أقرب وقت ، لأن الأجل الأخير قد إقترب ،، شكرا لكم

rap2005 · 2017-09-11, 11:33

على ما اظن اخي تستطيع التسجيل عادي كانو يقرو معايا في التكوين و يقرو في الجامعة لكن عن طريق التمهين يوم واحد في الاسبوع

mehdi_mascara · 2017-09-12, 20:49

أجل لي راني جاب نسجل فيها هي تمهين ، ، إعلام آلي ، قواعد بيانات ، تكوين عن بعد ،

شهرزاد الجزائر · 2017-09-13, 14:31

اذا كنت راح تقرا تمهين تقدر نورمال تجيك ساهلة نهار ولا نهارين في سمانة اما ادا باش تقرا تكوين راح تكون عندك مشاكل بالنسبة للغيابات
انا في معهد يقروا في الجامعة والتكوين
بصح انت كي تسجل في المعهد سجل بمستوى بكالوريا متجبدلهمش على الجامعة اصلا

mehdi_mascara · 2017-09-13, 18:16

اقتباس:

المشاركة الأصلية كتبت بواسطة شهرزاد الجزائر

اذا كنت راح تقرا تمهين تقدر نورمال تجيك ساهلة نهار ولا نهارين في سمانة اما ادا باش تقرا تكوين راح تكون عندك مشاكل بالنسبة للغيابات
انا في معهد يقروا في الجامعة والتكوين
بصح انت كي تسجل في المعهد سجل بمستوى بكالوريا متجبدلهمش على الجامعة اصلا

آآه في المعهد لما قعدت نشوف في الإختصاصات لقيت الإختصاص لي راني حابو كاتبين فيه تمهين ، اللي هو المعلوماتية : قواعد بيانات ،

بالنسبة ليهم مع الجامعة ، شكرا على النصيحة ماراحش نجبدلهم عليها أصلا ، و لكن ماراحش يكون مشاكل مبعد ؟ ماراحش يفيقولي ؟ مكاش مشكل إذا خلص la bourse تاع الجامعة و في نفس الوقت شبه الراتب تاع المعهد ؟

شمرا لك أختي و الله أفدتني كنت حاير و غدوة إن شا الله نروح ليهم ندفع الdossier لكن نظن راح يقولولي جيب موافقة كاش مؤسسة بلي راح تتكون عندها أليس كذلك ؟ و أنا كيفاه نقدر ندير في هذه الحالة ، مع العلم راح نفع الدوسي غدوة ، و الجمعة كيما تعرفي كل المؤسسات ما يخدموش ، و السبت آخر أجل ، و الله راني حاير جداا ، راني روطار بزاااف

مروة14 · 2017-09-13, 21:12

كاين لي يقروا ليكور دو سواغ
انا فى راي هدي خير بالنسبة ليك
و زيد سقسي عليها

mehdi_mascara · 2017-09-14, 16:00

المشكلة ان هذا المجال لم أجد فيه كور دي سوار ، و المعاهد الثانية مافيهاش نفس المجال ،

و قالي الصباح انك لازم تحضر يومين في السونتر و باقي الأيام في المكان لي تفوت فيه السطاج ،

و أنا مكاش كيفاش بسبب الجامعة ،

راح نشوف مع الأيام الأولى إذا فيها نقدر نتغيب عادي و نروح سطاج يوم أو حتى يومين ، فيها براكة ، أما إذا لا ، راح نتوقف إن شاء الله ..

مروة14 · 2017-09-17, 20:25

ايه انت اتفهم مع لى دير عندو سطاج وقولو بلاك يخليك تروح للجامعة
و ربي يوفقك