|
|
|
|||||||
| قسم الحلويات قسم مخصص للحلويات و المواضيع فيه حصرية للمنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الكب كيك...اسهل واسرع واارقى حل لأي مناسبة
 |
|
|
أدوات الموضوع | انواع عرض الموضوع |
2013-04-29, 11:19
|
رقم المشاركة : 1 | ||||
|
الكب كيك...اسهل واسرع واارقى حل لأي مناسبة
 إضغط هنا لرؤية الصورة بحجمها الطبيعي. اللهم صل على سيدنا محمد صلاة ترضيك وترضيه وترضى بها عنا يا رب العالمين وعلى اله وصحبه اجمعين والتابعين باحسان الى يوم الدين: طولت عليكم يا بنات علابالي قصرت بزاف لكن يقولو أعط أخاك 77 عذرا  نشكر اللي سألوا عليا ربي يبارك فيهم خاصة حبيبتي ام راضية ونقوللك حبيبتي سؤالك فرحني وكنت رديت عليه ثمة بعد مانيش عارفة لاقريتي الرسالة والا لا شرحتلك اسباب التقصير.. ربي يبارك فيك اختي مريت بفترة ركود وقلت مانرجعش بيديا فارغين اكيد حشوووووووومة  نتمنى يعجبكم الموضوع وتستفادو منه الكب كيك وصفة تقريبا كلنا نعرفوها وممكن حتى اللي ماتعرفهاش باسمها تعرفها اعتباطيا وتكون في مرة من المرّات بقالها شوي من خليط اي كيكة حطتهم في كيسات وطيبتهم انا واحدة في اولى اولى بداياتي في الكوزينة درتها وحسبتها شطارة مني  كنت نحسب اكتشفت وصفة جديدة لقيت فيما بعد العالم والناس كامل يعرفوها  وعندها مسميات بكل اللغات مانيش عارفة اسمها بالعربية او اذا كان اصلا عندها اسم او لا نتمنى نحوسو على اسم بالعربية حتى نثريو لغتنا احسن من الاقتراض وش رايكم؟ دخلت فيها ترجمة ومصطلحات ماعليش ..ختكم دارت ترجمة ومازالت تحت التأثير نرجعو للموضوع كنت درتهم من قبل قداه من مرة لكن ماصورتش الخطوات كنت ديما نجرب الوصفات اللي نشوفها وما أكثرها...كل واحد كيفاه يديرهم عجبتني الوصفة هاذي لاختراه خفيفة ومش دسمة بزاف صاحبتي انتيم ترسمت كاستاذة لعقوبة للي مازلو ودرتهملها ..صورتلكم الخطوات حبيت نشارككم الوصفة... نشوفو الصور؟ وقولولي وش رايكم  les diplomes درتهم بوقالات ماكانش عندي لا وقت ولا عقل نخدمهم وجات فكرة مليحة عجبتهم كامل جاو باهيين وبنان  وهاذو كنت درتهم من قبل وقلت تشوفوهم ممكن تهزّو افكار الوحش الجائع كيما يقولو انيس  وللي يحب الفوت ...انا مانحبوش لكن الاولاد ...ياخي تعرفو  وتشكيلة اخرى   نشوفو الطريقة في المشاركة الجاية ان شاء الرحمن 
|
||||
|
|
2013-04-29, 11:20
|
رقم المشاركة : 2 | |||
|
نبداو بالمقادير
6 بيضات + كوب سكر +ثلث كوب زبدة (قولي فنجال) +فانيلا+كيس خميرة كيميائية+3 مغارف كبار فتافيت شوكولا + 5 مغارف كريمة سائلة (اختياري)+ 2 ونص كوب فرينة مغربلة  هاذ المقادير يديرولك حوالي 18 حبة كبيرة كالعادة نخلط بيض وسكر  ومبعد الزبدة الذايبة والباردة  والكريمة ولافاني  والفرينة مغربلة مع الخميرة والشوكولا  نحتاجو المول للكيك وليكيسات  واذا ماعندكش القوالب التقليدية تفي بالغرض او حتى بايط تونة فارغين  نعمرو ثلاثة ارباع كل وحدة بالخليط  ونحطوهم يطيبو على نار متوسطة من 160 ل180 على حسب الفرن  شوفو ماشاء الله جاو روعة  ممكن تكتفي بيهم هكذا وممكن شوية صوص شوكولا اللي هي شوكولا ذايبة مع شوي كريمة سائلة وممكن حتى رشة سكر بودرة ...تجي سامبل وباهية  وللي تحب ادير الكريمة ...كاين كريمات طبعا وكل واحدة وش تحب مرات نديرها بلاشونتيي ومرات بكريمة الزبدة هنا درت نص كاس حليب مع زوج نسكافي  حطيت معاهم ثلاث مغارف شانتيي مع ثلاثة سكر  نخلطو بالباتور وطبعا الحليب بعد ما ذوبنا فيه النسكافي لازم يبرد تمااااااااااااما  حتى تطلع  نحطها في الكيس الحلواني ونحطها في الثلاجة تبرد شوي  نديرو اشكال حسب الذوق  ممكن رشة كاكاو تعطي منظر باهي  انا هنا لصاحبتي ذوبت الشوكولا على ورق الخبز وقصيت مربعات وحطيتهم ممكن تديري نفس العملية وتكسريهم بيدك عشوائيا وتحطيهم فوق الكريمة يجو باهيين  شوفو من داخل   بالنسبة لكب كيك الولاد لفوق درت كريمة الزبدة نفسها تقريبا اللي دارتها الاخت فلة ربي يبارك فيها مع استبدال النسكافي بالالوان واطلقي العنان للابداع  بالنسبة للوحش الجائع للي سألوا على طريقة التزيين خاصة حبيبتي ام راضية باذن الله ندير موضوع مستقل نوضح خطوات التزيين وهذا شرح مبسط: ديري كب كيك من احسن شوكولا تبدلي 3 مغارف كبار فرينة بالكاكاو وكي يطيبو ويبردو ديري الكريمة نورمال فوقهم من احسن تكون بالشوكولا حتى هي ومرغديها من فوق بلافارميسال او اذا ماعندكش بالنواد كوكو مع شوية كاكاو وشوية سكر قلاصي على النار هادية مع التحريك ..هذا يعطي للنواد كوكو لون غامق بني...او اذا حبيتي الوان ومبعد اقسميها من الجنب بالموس توصلي حتال الكب كيك وحطي باليد الاخرى حبة قاطو نتاع لولاد صغيرة في هذاك الفراغ وتكوني من قبل ذوبتي شوكولا بيضاء واخرى سودا ديري البيضا بكيس الحلواني فوق ورق الخبز او نيلو نظيف قطرات كبار وغطي بصاشي واحد اخر بحيث تتحصلي على دوائر مسطحة كي يشيحو ديري نقاط بالشوكولا السودا وارشقيهم فوق الكب كيك بحيث يكونو بحذا بعضاهم كعينين وبالنسبة لكب كيك كرة القدم والزهور استعملت هاذ الاكسسوارات  واي استفسار اخر نحن في الخدمة  فقط حبيت نقول ماتغضبوش مني لما نقول مادرتش موضوعي باه نفيد بيه من قريب او من بعيد احياء حفلات الميلاد عندنا ديننا اللي نعتزو بيه واولادنا نقدرو نفرحوهم بمليون طريقة اخرى ربي يرضى علينا كاااامل كامل حبيباتي نتمنى يكون موضوعي عجبكم وربي يباركلنا في اولادنا واهلنا واحبابنا ويرضى علينا يارب في امان الله  إضغط هنا لرؤية الصورة بحجمها الطبيعي. |
|||
|
|
|
2013-04-29, 11:59
|
رقم المشاركة : 3 | |||
|
أهلا وسهلا ×تي الغالية والله منورة بطلتك علينا هادي غيبة صح
و يعطيك الصحة على الوصفات والله روووووووووعة و جربتهم يعطيك الصحة خرجو تحفة تحفة أفكار الكب كيك هايلة يعطيك الصحة و ان شاء الله ما يكونش هناك انقطاع آخر |
|||
|
|
|
2013-04-29, 12:09
|
رقم المشاركة : 4 | |||
|
هااااااايليييييييييييييييييين حبيييييييبة مااااا شاااااااااااء الرحماااان |
|||
|
|
|
2013-04-29, 12:32
|
رقم المشاركة : 6 | ||||
|
اقتباس:
الله لا يغيبك حنونة ربي يحفظك
هذا نوركم والله ماشاء الله عليكم هربتولي بوصفاتكم وابداعاتكم ان شاء الله حبيبتي ادعيلنا معاك ربي ييسرلنا امورنا كامل |
||||
|
|
|
2013-04-29, 12:33
|
رقم المشاركة : 7 | ||||
|
اقتباس:
ربي يحفظك حبيبتي ويبارك فيك
|
||||
|
|
|
2013-04-29, 12:35
|
رقم المشاركة : 8 | ||||
|
اقتباس:
يسلمك اختي ربي يبارك فيك
|
||||
|
|
|
2013-04-29, 12:56
|
رقم المشاركة : 10 | ||||
|
اقتباس:
الله لا يغيبك اختي ربي يهنيك
ربي يسلمك حنونة نورتيني |
||||
|
|
|
| الكلمات الدلالية (Tags) |
| مناسبة, الكت, واارقى, واسرع, كيك...اسهل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
