نموت ونعرف واشي هو

[مشكلتي]

راني توسوست
نموت ونعرف مود باس تاع راجلي تاع ميكرو وتيلفون
تخيلوا مستحيل علي لمس حاسوبه ( وفيه كلمة مرور ) نفس الشيء بالنسبة للهاتف
نحن متزوجين يعني نورمالمو ماتكونش اسرار بيننا
ودائما عندما اقترت منه وهو بالحاسوب يغلقه
لاه واش فيه الميكرو
مرة جربت الهاتف الذكي ( توشيتو لمسة واحدة برك ) علاباك دار عليا 180 درجة وليلة سوداء
كلاني قلبي واش فيهم التيليفون والميكرو
لازم نعرف

[كاميلا]

وعلاش هاد السرية كاملة يخدم في المخابرات؟ كون دارتها الزوجة يقولك خاينة ودايرة لخرايب دوك يقولولك محاضرة على التجسس والحدود ومنعرف واش
انا زوجي مداير مودباس للهاتف وانا كذلك بصح علابالي وعلاباله واش هو ربي يهديه واش نقولك صراحة عقلية رجال الجزاير متقدريش تفهمي الخبث تاعهم وين واصل ؟

[وَحْـــ القلَمْ ـــيُ]

السلام عليكم ورحمة الله وبركاته
ربي يطيحنا في الازواج لي يثيقو فينا ونثيقو فيهم
برك دي المسألة بحسن ظن هذا ماكان خير من انك تخربي دارك

[إسلام الفاروق]

هذا زاد عليها شوية ربي يهديه
ولكن احذري تحسسيه انك لا تثقين فيه خليه وحدو يجي ليك و يعطيك تلفونو و حاسوب ولكن لا تضغطي عليه انت خاسرة
ملاحظة زعما انتوما النساء ماعندومش اسرار بركاونا لي في قلوبكم ما يعرفو غير ربي
سلام

[sarl02]

كثر خير صاحب فكرة المود باس وجعلها الله له في ميزان حسناته ...انا مع زوجك هذا 100/100 في تصرفه .....هذه امور شخصية بحتة...لا داعي للنبش والتطفل في امور انت في غنى عنها .

[فرح 97]

اختي عندك لا تبينيلو انك شاكة فيه لانو عدم الثقة بين الازواج تفسد العلاقة الزوجية و احسني الظن بزوج و اب اولادك و توكلي على ربي و نحي هذي الافكار من راسك و ما تخليش الشيطان يفرق بيناتكم

[bello angel]

لا تسالو عن اشياء ان تبدو لكم تسؤكم
احسني الظن بزوجك حتى نهار لي تحمي عليه حاجة تما ماترحميهش

[نور لاتراه]

السلام عليكم
ان كان يغلق بكلمة مرور فلما كل ذلك الخوف ان كنت لاتعرفينها أصلا
ربما تكونين هاكر او خبيرة في البرمجة!
إخفاء كلمة المرور لك أو له ليس مسالة ثقة بقدر ماهي تجسيد لنظرتكما لخصوصياتكما
فالطبيعي أن تكون معروفة لكليكما,والأهم عدم التطفل منكما
لا أعلم لكل نظرته
بدل تلك الأفكار التي وسوستك ,راجعي علاقتك معه
فحينها لن يلتف لهاتف ولا حاسوب
أراح الله بالكِ

[النجمة القطبية]

يا حبيبتي ادا حب ربي يكشف الغطاء على عبدو ما ينفع معاه لا مو دوباس لا هم يحزنون امالا هنى راسك واخطيك من التوسويس
وادا كاينة حاجة وربي سترو متكشفيهش انتى ومتحاوليش
وادا خفتى على نفسك معاه ومحسيتيش بالامان وكلى امرك لله سبحانه وتعالى مستحيل يخيبك راح تنكشفلك كل الامور صدقينى استخارة وركعتين لله تجيك اخبارو ولا احسن مخابرات
موفقة

[AMINA.Z]

من المفروض لا يوجد ما يسمى بالامور الشخصية و السرية بين الزوجين
انا شخصيا مستحيل اقبل بهذا الوضع
احكي معاه و اتفاهمو

[thorpe]

ذات يوم كنت اصول واجول بين صفحات الفيس بوك
حتى نلقا سؤال مطروح
هل يحق للاخ تفتيش هاتف اخته
جاني الفضول وبديت نقرا الردود
99 بالمية من البنات
قالو لا يحق
علاه ؟؟؟؟ الجواب عندهن
يقولو بلي خصوصية من خصوصياتهم
وش هاذي الخصوصية هل هي خصوصية تنفرد بيها الانثى كيما الامور الي فالحقيبة والامور الي في خزانتها
ومنه استنتجت
كون ماجاش الهاتف معمر بالرذيلة والخماج
عمرهم ما يشوفوه خصوصية
هاكضا تبانلي
نلبسو السروال باش نسترو عوراتنا
ومادام كاين حاجة رانا ساترينها
فهي حتما من ضرب العورات
وربي العالم
ممكن هاتف راجلك
فيه ما في هواتف الاناث الائي يعتبرنه امر خصوصي
ممكن فيه اسرار تاع دولة بالاك راه يخدم مع المخابرات
ممكن فيه امور جاسوسية يعني بالاك هو جاسوس لدولة ثانية عايش هنا عندنا هههه
ابصر واش
لمهم ربي ورحمتو ونشالله ربي يصلح الاحوال
سلام

[اياد حياتي]

علاه تموتي وتعرفي تقعدي غير تاكلي في روحك وما تعيشيش حياتك خليك منو اذا هو مليح معاك انا ملي زوجت كامل ما قتلوش اعطنيني موت باس حتى هو مرة قالي فتحيلي فايسبوك تاعي وقالي على كلمة مرور اذا كاين حاجة مع وقت راح تبان ومتقلقيش روحك وحتى وكان عرفتيها قادر يفتح فايسبوك اخر دمرتنا هذه التكنولوجيا

[kala11]

لا تسالو عن اشياء ان تبدو لكم تسؤكم
احسني الظن بزوجك حتى نهار لي تحمي عليه حاجة تما ماترحميهش

[oumhana]

صباح الخير علاه تموتي باه تعرفي لهذا الحد عمرك سايبة؟؟؟تموتي على مودباس ؟فوضي أمرك لله ولا راه عامل عملة ربي يكشفوغير متخافيش.اهتمي بروحك واعملي روحك نسيتي لحكايه والباقي على ربي؛ متوسوسيش روحك على الباطل. ربي معاك.

[نورسين.داية]

السلام عليكم هي توجد طريقة سهلة جدا

بالنسبة للحاسوب تدهبين الى ستار و من خلال ستار إضغطي على rechercher و أكتبي داخلها كلمة cokies بعدما يقوم بالبحث سوف يخرج جميع كلمات السر المستعملة على الحاسوب

و ذا لم تفلح الطريقة لكي اليوتوب سوف تتمكنين من الطريقة سواء كان جهاز محمول أو حاسوب المهمأحرصي على كتابة الإسم الصحيح لنوع جهاز المحمول و تتبعي الخطوات بدقة سهلة جدا .

صح : عزيزتي يجب أن تعرفي شيئ مهم أن لكلى الزوجين حياة خاصة بعيدا عن الطرف الثاني مساحة تمثل حريته الشخصية أنتي ممكن لا تعترفين بهده المساحة .........هنا سوف تظهرالمشكلة بينكما فليس كل حيثيات حياتنا بالضرورة نقتسمها مع الغير مهما كان هذا الشخص
أنا لو مكانك لن أبحث و لن أشغل نفسي بما يخفيه ....لي أمور أهم من دلك منها حياتي الشخصية ....عملي أبنائي ....و البااقي الله لا يردو .....ماذام وضعني في مكانة من يوضع عليهم كلمة السر

وفقكي الله عزيزتي