تابع لموضوع مشكلتي

[مشكلتي]

السلام عليكم و رحمة الله و بركاته

انا صاحبة الموضوع https://www.djelfa.info/vb/showthread.php?t=1855339

اشكركم على تفاعلكم و بارك الله فيكم

على كل حال حبيت نحكيلكم بعدما قاطعت امي .رحت ليها و تكلمت معاها امام ابي فهو لا يعلم بالقصة .قلتلها لازم تكوني عادلة بين اولادك كامل و ماغاضنيش الدهب بقدر ما غاضتني عمري كي نسيتيني و مادرتينيش فالحساب حسيت روحي مانيش من العايلة يالوكان قسمتيهولنا شوية شوية المهم العدل.قالتلي بزاف عليا قولي لباباك يديرلك الدهب فجأة هو قاطعها و قاللها انا ما نديرلهاش كملي تني كيما درتي لوخرين . طبعا انا سكتت و اني نحاول نهدر معاها و ما نقاطعهاش و درك هي راهي زعفانة عليا ان شاء الله يهديها . و نعاود و نكرر ما غاضنيش الدهب .الرزق من عند ربي يرزق من يشاء و الحمد لله غاضني. التصرف تاعها

[رهف هبة الرحمان]

معليش اختي اصبري رانا قاع كيف كيف ها نصبرو وصاي الاهم نباقو نطيعو والدينا هدا مكان
سلام

[إكليل]

الأم نتاع ك راح تتحاسب على عملها إذا لم توفق بين أبناءها لكن أنت يا اختي ربي يهديك ليس من حقك نهائيا أن تطالبي بالذهب .

إذا أعطتك عن طيب خاطر كان و بها و إن لم تعطك و طالبتها أنت و أعطتك مكرهة فما الفائدة من ذلك هل سيرضيك هذا .

أنا عن نفسي لن أرضى بشيء لم يعطى لي عن طيب خاطر ومن تلقاء الشخص نفسه.

لذلك لا تحاولي و لا تكرري طلبك هذا .

[مجرّد إنسان]

أنتي الآن واقعة في العقوق ربي يهديك
من أجل وسخ الدنيا تربحي العيب مع يماك ؟
لا بغا هي اللي غلطت معاك لازم تعامليها معاملة زينة ومتغضبهاش وادعي ربي يهديها راهي يماك مهما كان الحال
إذا عقيتي يماك راح تخصري الدنيا ولاخرة
لازم تعاودي ترضي يماك وتصلحي العلاقة بيناتكم وفي أقرب وقت
وديري في بالك بلي الأم تاعك كي تشوفك تعامليها معاملة حسنة راح تحس بيك وتعاملك نفس المعاملة وتعطيك ما هو أفضل من الذهب تعطيك رضاها الذي لا يُشترى بمال الدنيا

[houssem zizou]

أعلم ما تحسين به و معك الحق مئة بالمئة
لكن لو استعنت بأحد أقاربك (مثل خالك) للتكلم معها و تذكيرها بالعدل بين الابناء ربما كانت لتراجع نفسها و تعطيك حقك و هذا هو الأفضل
أما مثل ما فعلت يخشى عليك من العقوق و تخيلي اختاه حتى إدخال الحزن على الوالدين يعتبر عقوقا
أسأل الله أن يصلح أحوالك

[om rym]

السلام عليكم
اختي على حساب واش فهمت امك ما قاتلكش ما نديلكش قاتلك مبعد يعني راهي دايرة حسابك تصرفك فيه نوع من الحساسية المفرطة اعتقد فانتن ٥ بنات ما شاء الله ماهيش ساهلة باه توفرلكم كامل الذهب.
راضي امك ومتضغطيش عليها راهو رضاها يسوا ذهب الدنيا وزيد ديري النية بلاك الديرلك كثر منهم .

[AMINA.Z]

واش ربحتي درك
قلنالك انساي الحكاية
غاضتك روحك و حسيتيها ظلمتك ياخي كاين ربي
خلي الخلق للخالق

[nihal159]

السلام عليكم و رحمة الله و بركاته
أختي الحل الوحيد اللي بقالك أنك تنحي موضوع الذهب من بالك و تطلبي السماح من أمك.
في دارنا رانا 4 بنات متقاربات في السن و ذكر واحد، و أمي حبيبتي و تاج راسي وصّاتنا أنو الذهب انتاعها يدوه البنتين الصغيرتين و المحزمة للطفل، و أنا و أختي الكبيرة مادينا والو و رانا مقتنعين بهذه القسمة و ماصرا لا نقاش لا هم يحزنون.

[rose de sable s]

ذكريها بحدث الرسول صلي الله عليه و سلم عندما اتي له رجل يشهده علي شئ سيعطيه لاحد ابنائه فقال له رسول الله -ص- هل اعطيت ابنائك مثله اجابه الرجل بالتفي فقال عليه الصلاه و السلام كيف تشهدني ..................... وفي معناه انه سيعاقب من اعطي شئ لاحد اولاده دون الاهر ابحثي عن قصة و عن فتوي في ذلك و اخبريها لامك