سر البنة في حمص المطاعم ......من عند أم كوثر

[*أم كوثر*]

السلام عليكم
شكون فينا ماكلاتش الحمص تاع المطاعم ؟؟وشكون لي ماتساءلتش علاه نطيبو في الدار ومايخرجليش بنفس البنة؟؟؟
اليوم حبيباتي حبيت نفيدكم بهد السر
وان شاء الله تتحصلي على حمص بنيييييين وكما يديروه في المطاعم
لا بصل لا تقلية لا طماطم ولا تكسار راس هههههه
اليكم الطريقة
حمص منقوع قبل بليلة



نغسلوا ملييح ونحطو في كوكوت فيها ماء سخون
نحضر حبتين متوسطتين من الجزر ونقطعهم وسنات توم


ونضيفهم على الحمص ونزيد 2 مغارف زيت وملح وشوية كمون وتوابل مخلطة وفلفل اكحل



لما يغلي نغلق الكوكوت ونخليه يطيب 45 دلما يطيب
نحضر سنات توم ونفس التوابل ومقدار لوش تع حمص مع المرق تاعو ومغرف هريسة ونرحيهم في ميكسور
ونضيفهم للكوكوت







لما يغلي نغلق الكوكوت 15 دقيقة اخرى ونطفي

حتى يخثااار مليح مالازمش يكون مااايه
التقديم يكون مع القليل من البصل الاخضر والمعدنوس وزيت الزيتون ولي مايحبهمش يقدمه مع زيت الزيتون وحده






بنيييييين وينفع في هدا البرد
تحياتي

[ام ملاك.]

يعطيك الصحة شهيتيني يم يم يم

[زينة نور]

مممممممممممم يعطيك الصحة

[omaymen]

يعطيك الصحة ام كوثر على الوصفة

[meriama13]

مشكورة يا الغالية على الطريقة

[اولادي حياتي]

يممممممممممم شهيتيني فيه يعطيك الصحة اختي ام كوثر .

[monitaa]

merci alah ya3tik asaha

[aminabent]

اممممممم يعطيك الصحة يا ام كوثر شهيتيني فيه غدوة ان شاالله نجربو

[فوزية1975]

شكرا لكي يا ام كوثر

[*أم كوثر*]

العفو اخواتي منورين الصفحة

[نبض الفؤاد]

يعطيك الصحة حنونة وصفاتك دايما في القمة

[أم ماجد]

معطاءة ياام كوثر وستظلين ان شاء الله

[أم ياسين الزهراء]

رغم اني ماناكلش الحمص بصح شهيتيني راح نجربو للولاد يموت عليه حبيت نسقسيك الزردية نرحوها مع المزيج

[بسمة فرح07]

شكرا جزيلا اختي ام كوثر الله يعطيك الف صحة وعافية

[بريق الامل&]

سبحان الله كنت رايحة نسقسيك عليه درتو يغلي وجيت وانت حطيتي الموضوع
يعطيك الصحة انتظري صور تطبيقي