اقتباس:
المشاركة الأصلية كتبت بواسطة allaedine
عليكم ديرو رطل فرينة + ملعقة كبيرة خمارة الكسرة + ملعقة صغيرة سكر + ملعقة صغيرة ملح + ماء دافئ
خلطي كل المقادير مع بعض ثم كبي الماء بشوية حتى يولي العجين مطلوق إبداي تخبطي العجين حتى يولي كتلة واحدة هذاك الخبيط يدخل الهواء و مليح ليه الخبيط ميديش وقت بزاف أنا ندير 10 دقايق برك
خليه يخمر من بعد هات سنيوة إدهنيها بالزيت و إبداي تقرصي بشوية
وجدي زو ج مقلات و حدة حطي فيها قد 5 ملاعق زيت و الأخرى كثري
هزي خبزة و ديري ثقبة و حطيها فالمقلة بصح متوشيهاش خلاص خليها حتى تشوفيها حمارت إرفديها و حطيها فالمقلة الزاوجة بصح متقلبيهاش حطيها نفس الجهة و خليها تزيد تتحمر من بعد إقلبيها
السر في النجاح تاعو فالقليان كي تحطي الخبزة متقيسي عليها زيت م تقلبيها ثم ثم و العجين خلوه مطلوق مليح هو ثان إخلي السفنج خفييييييف
و الله جربو هذي الوصفة و تيعو واش قلت تشوفو السفنج
انها طريقة رائعة جربتها عدة مرات والنتيجة رائعة لاعرف من هي صاحبتها لكن يعطيها الصحة
|
مشكورة ختي هذا السفنج تاعي انا حطيتو
دير بحث فالمنتدى تلقاه بعنوان
شوفو السفنج تاعي اذا مانيش ناسياتو
منقدرش نحط الرابط راني نخدم بالتابلات