سهلة اقتصادية سريعة

[almazalina22]

البسملة1

حبيباتي ممكن الوصفة تكون عادية بصح حبيت نفيدكم كي نكون حااااصلة ولا ندخل للدار روطار كيفاش نسلكها في نص ساعة يوجد الفطور وممكن تزيدو معاها كاش حاجة كيما مرقاز او ليزابا وانتوما وشطارتكم

بطاطا سهلة وسريعة وبنينة

في قدر البطاطا دوائر ماشي رقيقة بزاف حسب افراد العائلة+ملح +فلفل عكري +فلفل عكري حار +فلفل اسود +ثوم 5فصوص مكرفجين+

زيت شوية بزاف حوالي 5 م ك+نقليهاشوية برك ونمرق الماء قيس ما تتغطى برك ونخليعا تطيب مليح يعني قريب تتحرق تنشف وتحسي بيها لصقت وتشمي الريحة هههههههههههه تكوني وجدتي حبات بيض + معدنوس +تخلطي وتصبيها فوقها وذري شوية جبن مبشور وطيها لمدة 2دقايق وخلالالالالالاص

انا هنا راني درت شوية لحم مرحي متبل بالثوم وملح وفلفل اسود وزيت وحطيتو قبل ما نحط البيض والمعدنوس

وممكن تاني تحطي تونة نتاع الزيت صفيه وحطيه وكملي البيض والمعدنوس

والله بنينة بزااااااااااااااااف وقت الحصلة تسلكني والاهم من دون اواني يعني كلش في القدر لا فرن لا وااالو

حتى بديت ناكل تفكرت وصورت مع عصير مممممممممممممم







اتفكرووووووو لالالالالالالالالالالالالالالازم تخلوها تلصق شوية باش تجي مقرمشة من تحت وتطلق البنة






سلالالالالالالالالالالام

[cuisineshowdalatifa]

ممممممممم نموت على الساهل و الاقتصادي , تشكريين نجربها و نقولك

[أم تسنيم 2017]

مممممممممممممممممممممم نبغيها بصح زوجي ميبغيهاش خساااااااااااااارة شكرا على الوصفة

[هالة اسماء]

ساهلة وتشهي بارك الله فيك واسرع تطبيق عادي نديرها للعشا حتى انا كنت مودرة

[zamilio]

ممممممممم والله غير موالفة نديرها هى بنينة بزاف انا منزيدش البيض شكرا

[ام جزائرية]

روووووووووووووووووووووعة بصحتك

[ام الهضاب]

اممممم اتهبل المازة انا نديرلها حبات زيتون خضر و بلا بيض لكن هذي بالبيض تبان اتهبل انجربها ان شاء الله ياخي اعلابالك بالجزايريين عايشين غير بالبطاطا

[الأمنيات]

يعطيك الصحه موالفه نديرها ساهله وسريعه التحضير

[أم ريمة*]

ممممممم باينة بنينة وسريعة ربى يعطيك صحتك ويصلحلك ذريتك امين

[idron0]

يعطيك الصحة

[wahibaazel]

تسلم الأيادي اختي المازة

[chez biba]

شكرا المازة على الوصفة فعلا سريعة وباين بنينة، يعطيك الصحة

[Omrihem]

يعطيك الصحة المازة حنا نديروها ونزيدومعاها فلفل اخضر دواير من دون بيض نجرب. باذن الله الوصفة نتاعك

[عازفة الناي]

امممممممممممممممممممم باينة تشهي تسلميي

[أم ياسين الزهراء]

تسلمي ياحلوة ساهلة وبنينة