راني في مشكل كبيييير ساعدوني

[djihad bac]

عندي مشكل مع تماؤين المعايرة في الاكسدة و الارجاع كفاش نكتب المعادلة و على اي اساس نكتبها و كيفاش نعبر على كمية المادة في اللحظة (تي) و كمية المادة الابتدائية ووقتاش نضرب فب الحجم المضاف بلليييييز ساعدوني ربي ينجحكم

[nour alg]

سلام عليـــ الله ـــكم

[nour alg]

نقدر نساعدك اخي جهاد في ما يخص معادلة الاكسدة والارجاع " على حسب المستطاع " ونتمنى تستفيد

[nour alg]

كي يمدلك مركبين يتفاعلو مع بعضهم لازم تكتب المعادلتين النصفيتين للاكسدة والارجاع
اذا كانت المعادلة النصفية الاولى اكسدة لازم تكون الثانية ارجاع والعكس صحيح مالازمش يكونو في زوج اكسدة وماشي في زوج ارجاع

[nour alg]

كي تكتب المعادلتين النصفيتين لازم توازنهم ومن بعد تجمعهم طرفا لطرف باه تتحص على المعادلة الاجمالية اللي بيها تدير جدول التقدم

[nour alg]

طريقة الموازنة : 1) توازن الذرات اللي ماهي اكسجين ماهي هيدروجين
2) توازن ذرات الاكسجين باضافة الماء (H2O) على حسب ذرات الاكسجين وتضيفو فالطرف اللي مافيهش اكسجين ولا فيه لكن اقل من الطرف الثاني
3) توازن ذرات الهيدروجين باضافة (+H) او (+H3O) ومن الافضل تضيف (+H) خير تجيك اسهل وتضيفهم للطرف اللي فيه هيدروجين اقل
4) توازن الشحنات وذلك باضافة الالكترونات (-e) الى الطرف اللي فيه الالكترونات اكثر وليس اقل باه يتوازنو
وفي الخير تأكد بلي المعادلتين تاعك متوازنتين ودير المعادلة الاجمالية

[nour alg]

فيما يخص كمية المادة الابتدائية :
احسب بطريقة عادية بالقوانين تاع كمية المادة واللي هي :
اذا كان المحلول صلب :n =m/M
اذا كان المحلول غاز : n = v(gaz) /v(m
مع العلم ان :m هي الكتلة وM هي الكتلة المولية الذرية وV(gaz هو حجم الغاز و Vm هو حجم الغاز في الشروط النظامية

[nour alg]

فيما يخص كمية المادة في اللحظة t فاسمحلي مانقدرش نشرحهالك هكذا لازم وجها لوجه وبالورقة والستيلو الله غالب
شوف كان واحد يقولهالك من اصدقائك اللي فاهمها

[nour alg]

وتاع وقتاش نضربو فالحجم المضاف انا تاني تتخلطلي بزااف الى فهمتها فهمنا معاك اخي جهاد
وربي ينجح جميع الطلبة المقبلين على شهادات التعليم بجميع اطواره سيرتو تاع البااك

[nour alg]

نتمنى نكون افدتك ولو بالقليل وبالتوفيق انشاء الله

[khadidja_31]

merci boucoup

[nour alg]

de rien
نتمنى تستفادو