بزاف هاد الحلويات والا معليش وماهو العدد الاقصى

كاميلا · 2013-01-13, 13:40

السلام عليكم حباباتي قربت خطبتي والحلاوات رح نديرها انا بربي ان شاء الله الا البقلاوة والمقروط
المهم حبيت ندير مقروط اللوز والمخبز وطمينة اللوز ندير منها الشكل العادي وندير منها les fruit وحبيت ندير تاني الغريبية ومرت خويا قتلي نديرلك القاطو تاع النستلي وزوج قاطوات اخرين
يعني بزاف ؟؟؟؟؟؟؟؟؟؟

basmala farah · 2013-01-13, 13:49

اولا الف مبروك

انا من رايي زيدي نوع يكون شباب شكلا ومداقا

لان الخطبة تكو مرة في العمر

10000000000 مبروك مرة اخرى

kakinova · 2013-01-13, 14:02

الف مبروك اختي و ربي يسعدك و يهنيك و لعقوبة للعازبات

بزاف و خير و براكة

لكن من الأفضل لو تنوعي احسن

مثلا فالبداية تعملي ميني بيتزا مع ميني كرواصون مالحين و تارتولات مالحين كمقبلات أو ميني بوراك و مشروبات غازية

هكذا الواحد ما يدورش قلبو بزاف من الحلويات

ثم لما تجي تقعدي معاهم و تكوني لابسة و حاطة الحطة تعملو حليب و قهوة مع القاطوات

و بعد ما يحنيولك تحطولهم الفلون و المحلبي و الشريك مع فواكه منوعة برتقال و تفاح و موز و عصير حنا هكذا نعملو

هكذا الواحد يكون دار حاجة و عليها لكلام بما انو فالخطبة الناس ماشي بزاف و زيد نوع من القاطوات بزاف

كاميلا · 2013-01-13, 14:07

شكرا حبيباتي مي انا قصدي هل هذه الانواع كافية في العدد قصدي في انواع الحلويات ؟؟؟

natacabell · 2013-01-13, 14:25

hnaouna koulchi mabrouk alik ana liya barakat ghire tathanay bark dirihoum betba3 ou channnn khire matkatri ou lbana makach rabi yasa3dak ou yhanik khtitou

أمال المستغانمية · 2013-01-13, 14:31

انا نظن هادو وبزاف انا تاني الخطبة تاعي في مارس وغادي ندير غير 6 انواع تاع حلوة برك

كاميلا · 2013-01-13, 14:37

هيه لانه كون نكتر تبشاع الصينية هههههههههههههه

أم مروان · 2013-01-13, 14:45

الف مبروك ربي يكملك و يهنيك
انا في رايي هاذو يكفيو ربي يكون في عونكم

الامل نور · 2013-01-13, 14:59

ربي يهنيك
فيهم ميات بركة مع الجودة و الذوق البنين

oum radja · 2013-01-13, 15:07

شوفي اختي نصيحة من عندي ديري زوج انواع ولا 3 يكونو ستيل و جدد خير من10 يديروهم قاع الناس
و هذا مجرد رأي لاني نحب ندير الجديد
و ننصحك باش تديري gateau espagnoi تاع فلة هو راااااائع

أم ماجد · 2013-01-13, 15:24

النوعية اهم من الكمية

nousa 06 · 2013-01-13, 16:15

كل شيء مبروك اختي وربي يهنيك

أم ياسين الزهراء · 2013-01-13, 16:34

مبروك عليك وربي يكملك

شوفي انا من راي يكفي بصح لكان زدتي قاطو بالشيكولا يكسر الالوان

ميرة31 · 2013-01-13, 16:44

يعطيك الصحة

زينة نور · 2013-01-13, 16:59

مبرووووووك
انا نقولك بزاف
ربي يهنيك