الجزء184 من واش طيبتي اليوم.... كوزينة التألق و النجاح

[nihal159]

المشاركة الأصلية كتبت بواسطة mimi_belle

الاخوات لي باغيين يديرو المقروض تاع المقلة نقولهم كي تشكلو الحبة احكمو غرفية فيها ماء او خليط ماء معاه شوية ماء زهر و غطسو فيها الحبة و اقلوها مباشرة في زيت سخون هاكا ما ينحلش في المقلة و يجي السطح املس و جميل.

ميمي بال يعطيك الصحة على الإضافات؛ ربي يجعل مجهوداتك في ميزان حسناتك.

[nihal159]

ميمي بل؛ أنا نستعمل الأكياس البلاستيكية لي يتباعو؛ ممكن شفتيهم في قناة سميرة؟ يجو شفافين.
فيفي مرحبا بيك أختي.

[أم فاطمه]

سحابة بصحتك المقروط خرج تحفة
انا غديا بطاطة بي اللفت نحبها مممممممم

لبنات كفاش تقدمي الوصفة مكتوبة على الصور ادا حبتو من فضلكم چوبوني

[nihal159]

أهلين أم فاطمة؛ بصحتك البطاطا باللفت.
أنا جربت ندير وصفة مصوّرة لكن مانجحتش؛ إن شاء الله تذخل حيوتة أو أمنية و يفيدونا

[x ام رحاب x]

لبنات سامحوني خرجت بلا ماكملت حكاياتي معاكم جاني سلفي وصاحبو رحت نجري طيبتلهم القهوة ولاتاي وطولو ماخرجوش من الصالون علابيها ماقدرتش انكمل حكاياتي
ام هدول تعبك راحة حبيبتي تستاهلي كل خير
ام فاطمة ربي يلاقينا في ساعة الخير يارب تسلمي
فيفي صباحو حنونة وشكرا على كلامك الطيب
صحة فطوركم انا طيبت شطيطحة بطاطا برك والحمد لله سلالالالالالالالالالالالالالالالالالا

[nihal159]

أهلين أم رحاب؛ هذو موما ضياف الغفلة ماتدري وقتاش يزدمو ههههههه بصحتهم القهوة و لاتاي؛ و بصحتكم شطيطحة بطاطا نموت عليها

[mimi_belle]

بغيت نحطلكم بعض الصور بصح و الله ما عقلت كيفاش ندير يا ريت تقولولي

[أم يوسف2]

السلام عليكم ان شاء الله تكونوا بخير
توحشتكم بزاف
اليوم سخنت شربة لي بقاتلي مالبارح

[nihal159]

أهلين أم يوسف؛ حتى حنا توحشناك بزاف؛ بصحتكم الشربة
ميمي بال قوليلي بواش راكي تكونكتي باش نقدرو نساعدوك

[سحابة باردة]

صح غداكم معذرة مصبتش نرجع الصباح ذرك نجيب كاس أتاي ونرجع

[nihal159]

آه ياسحابة دوّختيني ههههههههه راني ديت الصحن نفطر به؛ يخي علابالك ليوم صايمة؛ اللوبيا تشهي و مع طريفات اللحم الله الله كيما يحب الخاطر؛ بصحتكم

[سحابة باردة]

مساء النور مرة أخرى
حيوتة بصحتك العرس أأكيد زهيتو الحالة ومزية جبتينا ريحة العرس معاك طورطة الطوابق
منعرف ام فاطمة وأم هدول وأم رحاب خلولي طرونشا ولا والو ههه
نهال يامولات الخيمة مرحبا عشاك يشهي قراتان معمر فرامج أمممممم
بحورة الحمص يهوس هذا وقتو ذرك ندي الصحن الأول بصحتكم والمقروط نتاعك يشهي المرة الجاية نصغرو كيفك
سعيدة ومريومة وأم يوسف كنتو ناشطين هنا وينكم محلا زينكم

[Fifilondon]

سلااااام راني جبت فطوري جواز بالخضر وكسرة قمح في الكوشة وللله الحمد
من بعد نرجع نراجع ونعلق هههه

[سحابة باردة]

نهولة شكرا حبيبتي أدي الصحن بصحتك بصح سخنيه كي يقرب المغرب
ربي يتقبل صيامك أن شالله

[سحابة باردة]

فيفي فطورك يشهي نحب المراقي في هذا البرد بصحة والهنا