السلام عليكم مرحبا بكم معي في الكوزينة147 شعارنا نعم للتفاؤل - الصفحة 2

دائمة الشكر · 2015-10-04, 08:06

ام تاجو حبيبتي ربي يطلعك على خير كيما مرت اخي والله قالت جاتها الزيادة كي شربة الماء ربي يعطيك زيادة كيفها ساهلة ماهلة اللهم امين

ام عبدو و ملاك · 2015-10-04, 08:09

صباح الخير يا وجةه الخير
ام حبوبة مبروك الكوزينة الجديدة و طيابك ما شاء الله يشهي
ام جوجو التارت تهبل بصحتها بنتك و لعقوبة ل 100 سنة
ام اماني ام ساجد بسمة سرور اسمهان وهيبة
دائمة الشكر ام باسم و بيسان
سجدة ام تاجو
و كل الملتحقات صباحكم فل
نروح نطيب الغدا لعجوزي نديرلها شربة و نحمرلها شوي لحم و دائما بطريقة ام انس ربي يحفظها وندير كسرة
كي نخلص ان شاء الله نرجع
سلام لكل الملتحقات

oum anas 69 · 2015-10-04, 08:12

صباح الخير على الفحلات النحلات النشيطات
أسأل الله أن يرزقنا جميعا خير هذا اليوم و خير مابعده و نعوذ بالله من شر هذا اليوم و شر مابعده و صلي اللهم و سلم على سيدنا محمد و على آله و صحبه أجمعين

ماشاء الله عليك أم حبوبة أطباقك لوحات فنية و زيد روحك المرحة و قلبك الكبير .. ربي يحفظك و يسترك
نحب نصبح على جميع أخواتي لي يدخلو و لي وراء الكواليس ..صباح الخير و البهجة و السرور لجميع الأخوات
عندي هدة تاع صور بصح في الهاتف حتى ندخلهم للميكرو و نعدلهم و نحطهم لخياتي
الغداء ممكن جدا نعمل لأطفالي بغرير عندنا الحال بارد و الأمطار و زوجي نشوف واش نديرلو
البارح درت محاجب لأصحاب زوجي ل 5 أشخاص نحس ظهري تحل من الوقوف و الحمد لله كانت يدي في الزيت فقلت لزوجي صورلي البلاطو ..
ماتنساوش تدعو لأم تاجو و لهونة بدى العد التنازلي .. يارب يسر و لا تعسر آآآآآآمين

أم ياسين الزهراء · 2015-10-04, 08:14

صباح الانوار
راني جيت شبعت عرس وزهو والعرس ماشاء الله كان روعة وتحفة وحطى وانا طبعا الشابة والمسرارة بصح للاسف ماصورتش الماكلى واللي كانت بنينة خاصة الشياح امممممم والقاطو صورت وعندي منبعد نحطلكم

ام محمدج ياموصيبة ماتهنيتش في العرس نشطح شطحة ونولي نشوف البورتابل ادا جاني ميساجك وسلكتي على خير واش نسيتي تزيدي ههههههههههههههههه ربي يسلكك على خير
ام جوجو التارت تحفة دوق توالفي وتخدم احلى واحلى وسنة حلوة
ام سراج واش جابلك كادو الرومنسي

ام ماجد سنة حلوة ياتوامي قريب نلحقك ل 45 هههههههههههههههه ماتقوليليش المرة هدي حوت جابلك ههههههههههههههه

ام حبوبة اهنا يلبس الدهب والجوهر وكلش بصح انا ماعادي نلبس واش عندي

حقى مبروك الكوزينا الله يجعلها عامرة بالخيرات

نزنق شوي

مريم* · 2015-10-04, 08:17

اقتباس:

المشاركة الأصلية كتبت بواسطة ام عبدو و ملاك

صباح الخير يا وجةه الخير
ام حبوبة مبروك الكوزينة الجديدة و طيابك ما شاء الله يشهي
ام جوجو التارت تهبل بصحتها بنتك و لعقوبة ل 100 سنة
ام اماني ام ساجد بسمة سرور اسمهان وهيبة
دائمة الشكر ام باسم و بيسان
سجدة ام تاجو
و كل الملتحقات صباحكم فل
نروح نطيب الغدا لعجوزي نديرلها شربة و نحمرلها شوي لحم و دائما بطريقة ام انس ربي يحفظها وندير كسرة
كي نخلص ان شاء الله نرجع
سلام لكل الملتحقات

صباح الخير .والف مبروك الكوزينة الجديدة ان شا الله فال خير علينا يارب

اختي المعلمة حبيت نقلك يعطيك الصحة وربي يكون معاك راكي قايمة بالواجب هاذا دليل. علي معدنك الطيب وان شا الله تلقاي اجرك عند ربي وفي اولادك وربي يهدي العرايس لي مضيعين الاجر في عجوزهم…… .
وربي يشفي والدتي وعجوزك وكل المرضي امين

lyzzabel · 2015-10-04, 08:17

صبااح الخييير حبييباتي الغالياات و نهااركم طيييب

ام حبوووبة الف مبروووك الكوزيينة الجدييدة حبييبتي ربي يجعلها فال خيير علييك و عليينا و يسلكو فييها الحواامل اولهم سكروورتيي هههه

مازتال ما شفتش تطبااقك ما خرجولييش الصور بصح أكييييد نرجعلهم

ام جووجوو و سرووور و ام عبدو يعطييكم الصحة على البارووك تسلم الأياااديي حبييبااتيي

ام حبووبة البارووك تسالييهلي ولا كان تبغي نجييبلك مالأرشييف بيلاا ما :d:d:d

مازاال ما ديسيدييتش شا نديير للفطوور كي ندبر علييه نقووللكم

سكروورتي الدااية المسراارة أكييد راهي مهرسة مالعرس هههه

أصبحنا على فطرة الإسلام و على كلمة الإخلاص و على دين نبينا محمد صلى الله عليه وسلم و على ملة أبينا إبراهيم حنيفا مسلما و ما كان من المشركين

zahra30 · 2015-10-04, 08:18

احلى صبااااح الخييير لاحلى احبة وان شاء الله تكونو كااامل. بخيييير
ام حبوبة مبروك العتبة الجديدة وربي يجعلها عتبةخييير وبركة عليكم وعلينا سمحيلي اعييت نحطلك الباروك من التابلات نستنى اختي تجي وتجيب الميكروانتاعها
كنت نراجع شوية في كوزينة ملاك ربي يحفظها شكرأاااااااااا لكل وحدة ادعاتلي بالجدد والقدم ربي يهنيكم ان شاء الله
ام سااااجد راني نستنى في الرسالة انتاعك عندك تنسايني حبيبتي
ام الجووود عيد ميلاد سعيييد وربي يكبرنا في طاعتو
ام ياسوووو مانيش نشوف فيها. ان شاء الله خييير
غدانا باذن الله لوبيا بالكرعين ومطلوع والحمد لله

lyzzabel · 2015-10-04, 08:22

آهااا المسراارة هناا صبااح الفل حبييبتي بصحتك الهمة و الحطى العقوبا لوليدااتك تفرحي بييهم و تشبعي زغارييت ياااارب هههه و في انتظاار الصور أكييييد

ام ملااك و ام انووسيي و زهرتيي الحلوة و مريم صبااحكن سعييييد غواااالييي

ام انوووسي الغاالية بصحتهم جمااعة الخيير امهااتهم داعيينلهم هههه و ربي يكملك و يطلعك بألف سلاااامة نتيا و كل الحواامل اللهم آمييييين

نبراس للامل · 2015-10-04, 08:23

صباح الانوار خياتي ربي يهنيكم ويستر عليكم ويجعل أيامكم فرح وسعادة وهناء ويدوم لمحبة بيناتنا كاملين ويعطيكم الصحة ومزيد من الإبداعات

أم أماني وعبدو · 2015-10-04, 08:23

اقتباس:

المشاركة الأصلية كتبت بواسطة ام عبدو و ملاك

صباح الخير يا وجةه الخير
ام حبوبة مبروك الكوزينة الجديدة و طيابك ما شاء الله يشهي
ام جوجو التارت تهبل بصحتها بنتك و لعقوبة ل 100 سنة
ام اماني ام ساجد بسمة سرور اسمهان وهيبة
دائمة الشكر ام باسم و بيسان
سجدة ام تاجو
و كل الملتحقات صباحكم فل
نروح نطيب الغدا لعجوزي نديرلها شربة و نحمرلها شوي لحم و دائما بطريقة ام انس ربي يحفظها وندير كسرة
كي نخلص ان شاء الله نرجع
سلام لكل الملتحقات

صباح الخير ام عبدو وملاك الله يسعد ايامك حبيبتي

omjoujou · 2015-10-04, 08:29

ام تاجوووووووووووووووووو يسعدلي صباحك وربي يسهلك ويعطيك وقفة ساهلة
ام ياسين تسلميلي بصحتك العرس
المعلمة الجديدة تسلميلي وربي يعينك ويجازيك =
ام ساجد اسمهانام انس لييييييييزا لعزيزة دائمة الشكر ام اماني وعبدو زهرة يسعدلي صباحكم
ام رحاب لعزيزة تاعي وينك مبنتيش البارح وهاذ الصباح عساكي تكوني بخير
ام وابنة متقوليليش مزالكي راقدة؟؟؟؟؟؟؟

lyzzabel · 2015-10-04, 08:29

ام حبوووبة شفت طيابااتك الرااااائعة ياسلاااام تحف تحف الله يباااارك ،، كااين طبق ما عرفتهش تااع المعجناات لي حدا لي كوورنيي ، يعطييك الصصصصححححة حنووووونة

أم محمد تاج · 2015-10-04, 08:30

اللهم آمين ام بسمة ودائمة الشكر وام ياسوووو وعسل سل وام جوجو الله يخليكم ليا يا اعز رفقة وحبايب وكل وحدة تدعيلي انا ولهونتي الحلوة راهي مابانتش الظاهرة سبقتني ههه الله يسلك وحلها ووحلي يارب
ام ياسووو بصحتك يالمسرارة والله نتخيل فيك في العرس ههههههه
ام انوووس حنوونة الله يقبل عليك يالفحلة ويرحم الكرش لي جاباتك وماتخافيش دعاوي الخير لي تدي فيهم يطلعوك بخير يالحبيبة وشفت دعائك ليا في الكوزينة لقديمة اللهم آمين ليا وليك وللهووونة وعقرووبة وام عبدووو الخوافة وكاووكا وكل الحوامل يارب
ام جوجووو سنة حلوة لجوجووو والعمر كله يارب والتارت تهبل يالحبيبة استمري
نحمل باروووكي تاع البارح عرضنا بابا الغالي رووووووووعة انتظروني

أم محمد تاج · 2015-10-04, 08:41

شخشوووووووخة تهبل تهبل بصح للاسف ماكليتش بزاف عمبالكم مصراني قتلني

المعلمة حنووونة الله يشفي عجوزتك وشيخك يارب ويعطيك الصحة كي قايمة بيهم يالفحلة
زهووورة الهرة حنوونة مراحب وكاش محاجب هههههههه

Oum Habouba · 2015-10-04, 08:45

صبااااااااح الفل والخيرات والمسراااااات شكرااا اخجلتم تواضعنا عيونكم الحلوين
هااااااا بن عمييييي غي تديرو هكا حتا نصيب الصفحات يتورقو تطيرو ها خاوتي الله يجعلكم دايما حاضرين يا العميرات
ام الجوج بصحتك التارت البارح اديتيها وما عاودتيش بنتي صح قوليلي كي حسيتي روحك مع دارك وليتي زايدة شوية قراد وليتي تفريمي عليهم مين كانو يشكرو فيك يااااك هههههه
سرور شكرا عزيزتي انت واسمهان وام بيساااان وبسمة راكي منورة وهيبة مشكورة ام اماني وعبدو الله يبارك على التارت انت خدمتيها
دائمة الشكر واش راكي ومرحبا بيك ساجدة ربي معاك نبراس الامل سلااام ام عبدو وملاك الله يعينك حبيبتي ويجعلها في ميزان حسناتك راكي تخدمي لعاقبتك واصلي مريم شكرا ومرحبا بيك
ام ساااااااجد مشكورة على جوابك على بالي هبلتك غادي نعاود نزيد نسقسيك الله غالب راسي مبوهر خخخخ
ام ياسو والله يا الشطيح بصحتك
ليزااااا صباح الفل يا وردة هداك معجنات على شكل حوتة
ام تااااااج مازلتي هنا ان شاء الله تزيدي في كوزينتي وانا ناكل الطمينة والبركوكس الاولى
ام انس مرورك اسعدني وزاد قيمة ورفعة لكوزينتي طبعا قيمتها زايدة بحباباتي الي شاركوني