قريوش بأشكال جميلة من مطبخي مقرمشة و لذييييذة

[وردة الشمس]

زنوبة خرجلك هايل الله يبارك راني ديت السحن كامل ليوم نتغدا بيه ونتعشا بيه ههههههههههه مناه راني نموت عليه زاد من يديك انتيا علابالي منشبعش

[kaouka]

روعة روعة روعة نقدر ندير مرغرين في بﻻصة توريق معنديش خﻻصتلي لي جبت من لبﻻد

[*فاتن*]

مشاء الله فنانة

[زينب 83]

المشاركة الأصلية كتبت بواسطة kaouka

روعة روعة روعة نقدر ندير مرغرين في بﻻصة توريق معنديش خﻻصتلي لي جبت من لبﻻد

انا دايما نديرها لتاع التوريق جي خفيفة و مورقة ، لكن نظن تقدري ديريها بالمارغربن

[زينب 83]

المشاركة الأصلية كتبت بواسطة أم ياسين الزهراء

عليه افضل الصلاة

الله يعطيك الصحة هايل نقدر نعوض زبدة التوريق بالسمن

اهلين ام ياسين ، نظن تقدري حنونة لكن بزبدة التوريق يجي خفيف و مورق و يتقرمش

[طالبة النجاحْ~]

روعة ماشاء الله عليك زينب
كلش من يدك تحفة
بارك الله فيك ويعطيك الصحة علي كل مجهوداتك

[(( هبة الرحمن ))]

بارك الله فيك

روووووووووووووووووعة

[زينب 83]

شكرًا حبيباتي ربي يجازيكم كل خير

[رزان.]

يعطيك الصّحّة رووووعة

[زينب 83]

شكرًا عزيزتي

[lamis.imen]

رووووووووعة يعطيك الصحة

[oum rahma]

ماشاء الله تحفة
مممممممم حسيتها مقرمشة جدا
بارك الله فيك

[omaymen]

مممممم شهيتيني يعطيك الصحة على الأشكال الرائعة و الذوق اكيد يكون رائع تسلمي

[fadiladora]

يعطيك الصحة افكار جديدة و نصاءح قيمة مشكورة ختي

[miri_27]

المشاركة الأصلية كتبت بواسطة زينب 83

هذه وصفة القريوش انا معتامدتها عندي مدة و انا هزيمتها من كتاب طبخ لكن حرفت فيها شوية ، و هي هايلة ، راح نعرضها عليكم مع بعض اشكال القراوش لي انا تعلمتهم و ان شاء الله يعجبوكم




وصفة عجينة القريوش

كيلة زبدة توريق صالحة

4 كيلات فرينة

ذرة ملح

ملعقة صغيرة فانيليا

ملعقة اكل ماء زهر

ملعقة اكل خل

حليب

عسل و فستق او جلجلانية للتزيين

نذوب الزبدة و نزيد الفرينة و الملح و الفاني و نلم بالحليب حتى تصبح عندنا عجينة ملساء و متماسكة يعني ماشي مرخوفة



نقطعو العجينة الى أقسام و نبدأ التشكيل




الشكل الاول شكل البابيون

نمرر العجينة في الة البقلاوة في الرقم 1 ثم 2 ثم 5 و نقطعو مربعات و نشكلوها كما في الصورة ، و كل ما نطبقو قسم ندهنو ببياض البيض كي لا تنفك اثناء الطهي



و هذ النتيجة بعد القلي و التعسيل












الشكل الثاني على شكل وردة الرمال

نمرر العجينة في الة البقلاوة في الرقم و 2 و 4 ثم 6 . نقطع العجينة الى دوائر نضع ثلاث دوائر فوق بعضها و نلصقوهم في الوسط ببياض البيض و نشكلوها حسب الصورة




وهذه النتيجة












الشكل الثالث على شكل مروحة

نمرر العجينة في الة البقلاوة في الرقم 1 و 3و 5 نقطعوها مربعات و نشكلها وفق المراحل في الصورة مع إلصاق الأطراف ببياض البيض



وهذه النتيجة








الشكل الرابع وردة

نمرو العجينة في الة البقلاوة في الرقم و 2 و 4 ثم 6 ثم نقطعوها شرائط و و ندوروها حول المركز وفق المراحل المصورة و نلصق النهاية ببياض البيض



وهذه النتيجة









الشكل الخامس الحنفيات

نمرر العجينة في الة البقلاوة في الرقم و 2 و 4 ثم 6 ، نرشوها ملييييح بالنشاء و نلفوها ثم نقطعوها بشكل مائل و نبسطوها من الجيهتين حتى تتورق كل حبة



وهذه النتيجة











الشكل السادس الظفائر

نمرر العجينة في الة البقلاوة في الرقم و 2 و 4 ثم 6 ، ثم نمررها في الة الرشتة و نظفرها مع الضغط على الأطراف




وهذه النتيجة












الشكل السادس قريوش المول

نمرو العجينة في الة البقلاوة في الرقم و 2 و 4 ثم 6 ثم نقطعوها دوائر حسب حجم المول لي عندنا ، الاولى ندخلوها مليح في المول و راح تكون قاعدة و الأخريات نحطوهم وحدة فوق الثانية و ندهنو بينهم بالبيض و نشكلوهم مثل الصورة و نقلوهم في زيت سخون و نرميو فوقهم بالملعقة حتى يحمارو مليح ، وراح ينفاصلو بسهولة عن المول




و هذه النتيجة










وهذه صور جماعية












ملاحظات

زيت القلي لازم يكون غزير و لازم يكون سخون كي نحطو لقراوش و مباعد نقصو شوية لكن ماشي بزاف باه لقراوش يطيب من داخل كيما برا

بياض البيض ضروري لتلصيق الأطراف

اذا كان لقريوش سخون العسل لازم يكون بارد باه يبقى مقرمش


السعرات في حبة لقراوش بين 150 و 200 سعرة حسب الحجم ، لانو القراوش خفيف مايوزنش بزاف



ان شاء الله يعجبكم الموضوع و تستفادوا أخواتي

من فضلك أختي بتلنسبة الحنيفيات شعال طول الشريط