ماذا على ان افعل

[مشكلتي]

سلام عليكم حبيت تنصحوني راني كرهت من ذل ومهانة والله انا فتاة عمري25سنة تعرف علا شاب عمرو32 سنة تعارفنا علا اساس زواج ومرت شهور حوالي 4 اشهر بدات تتغير معاملة نتاعو معايا نبعثلو ما يردش عليا قلت نصبر وبصح كرهت من افريل وانا هاك مرة يرد والف ما يردش وملي تعرفت عليه ويروح كونجي لدراهم يقولي جدي مات وماما راح مريضة اخر مرة قالي بابا جاه شلل نصفي وصراحة انا مش مقتنعة بهدا شى صبرت بزاف حتا وليت كارهه روحي والله راني عارفة كلش بمكتوب ومكانش خير نت تقليدي بصح تواحد ما يقدر يتحكم في قلبو والله كرهت روحي واش ندير باه ننساه ياربي لطف بيا وبحالي ناس نهار لعيد فرحان وانا ساكتة ونرجع لقلبي اعطوني نصبحة ولا كلام نقولولو والله كرهت مش محتاجة هدار زياد لي فيا يكفني

[يسمينة الزهور]

السلام عليكم
يا أختي العزيزة ماتفعلينه حرااااام وهذه العلاقة حرام أنت تغصبين اللَّه عزَّ وجل فكيف تريدين أن تشعري بالسعادة واللَّه غاضب منك ومابني على أساس راشي سيأتي يوم وينهدم
لذلك أختي أنصحك أن تبتعدي عن هاذا الشاب فهاذا الشاب كيما يقولو مارهوش سيريو وباين تاع لعب لوكان جا ولد حلال لوكان جا خطبك من اللول لذلك أختي العزيزة إبتعدي عنه قبل أن تتطور العلاقةويقع مالا يحمد عقباه ولاشيء أفضل من الحلال
وأقول لك أن القلب الفارغ من محبة اللَّه يملئ بشيء آخر لذلك أشغلي نفسك بالذكر والصلاة في وقتها والدعاء بالزوج الصالح والإكثار من قول لاحول ولاقوة إلا باللَّه ولايتوقف لسانك عن قولها وعن الإستغفار
وتذكري أنك لن تأخذي إلا ماكتبه اللَّه لك فإبتعدي أختي عن هذه العلاقة المحرمة ولاتخيبي أمل والديك فيك وتخوني ثقتهم التي وضعوها لك أمك وأبوك وإتقي اللَّه فلن تأخذي إلا ماكتبه اللَّه لك
وأسئل اللَّه العظيم رب العرش العظيم أن يرزقك الزوج الصالح

[toulay]

وعليكم السلام ورحمة الله وبركاته
وعلاش تكره وغابنة روحك وماخصك تبكي ومنعرف واش
هذا الشخص لايستحق هو مشي سامع بيك وانت راح تهبل عليه طيش عليك
ونزيدك حاجة الاغلبية كيما هكذا تلقاه يستنى برك وقتاش تقيموا وتحكي معاه ونهار يعرف بلي خلاص متقدرش على فراقو يجبد روحو بشويا بشويا ويبدا يدير فالاسباب وراني لاهي وعندي مشاكل فالخدمة والدار وغيرها من الاكاذيب اللامتناهية مالا خليك قافزة عليه وليكيديه ودير قلبك ماتعيط ماتبعثلوا رسالة وتشوف كيفاش يولي لانو يا اختي الرجل كل ماجريتي من وراه ومديتيلوا قيمة اكثر مما لايستحق يولي حاسب روحو نجم من نجوم هوليوود وهو خلي البير بغطاه برك
هيا مالا طيش عليك الهم هذا لانو كون جاء صح يحبك ويهمه امرك ميفرطش فيك ويجي يتقدملك بصفة رسمية ميبقاش يلعب لانو الحب مواقف وافعال مشي كلام معسول
وتاني داوم على قراءة سورة البقرة يوميا وقول ياربي بعدو عليا كيما بعدت السماء عن الارض صدقني راح تنسى حتى اسمو وراح تشبع ضحك على روحك وربي راح يعوضك بسيد سيدو ان شاء الله وتقول كم كنت غبية وساذجة وضاربني العمى وحبيت انسان مشي خلاص من le genre تاعي
بالتوفيق وكيما وصيتك رد بالك رد بالك رد بالك تغلط وتعيطلوا ولا تبعثلوا ميساج متقيموش خليه ربي يسهل عليه دير قيمة لروحك

[زبدة ذايبة]

مازال مافهمتيش روحك.

كل هذ اللف والدوران ومازالكي شادة في حبال الوهم!!!!!!!!

ومازالكي تتمناي وديري في بالك أنك ستكونين السيدة ........

غير افطني لعمرك

وكوني حازمة مع نفسك.

مازال غير ماقالكش طيري عليا.

هو هارب وانت لاسقة فيه!!!!!!!

علاقة محرمة 100% وش تنتظري تكون نهايتها؟؟؟؟؟؟

بداية سيئة بنهاية أسوأ

إذا مازال فيك ذرة احترام لنفسك

وباقي خوف وتقوى من الله

توقفي عن هذا.

[ɪsℓαм]

خاصك كلام تقوليلو ؟ ما عندك ما تقوليلو و حدسك بأنّو راه يليكيدي فيك بأعذاره الواهية راه في محله لهذا من الأخير اقطعي معه هذه العلاقة التي لا يختلف فيها اثنان بأنها غير شرعية و لا ترضي الله + راكي طولتي أنك تليكيديه تاني نتي في المقابل و عذرا على المصطلح و لكن بتعلّقك به راكي قريب ترجعي لصقة ، أتسائل و كلّي حسرة عن كونك لم تستغلي شهر رمضان الفائت لتطهير قلبك و تفريغه من هذا التعلّق !! فكما هو معلوم من تعلّق قلبه بغير الله عذّب به و كنصيحة لك و لمعشر بنات جنسك خطيكم من عقلية حابة نتعرف على الرجل في السر و بعيدا عن الأهل بلا رسميات على أساس التعارف للزواج و الخرطي الكاذب فيقو برواحكم شوية و ما طيحوش برواحكم ففي قانون الغاب الرجالي كلّما كانت الفتاة ساذجة و سهلة الوقوع و مؤمنة بقصص ألف ليلة و ليلة كانت أكثر عرضة لترمى في مزبلة الذكريات الطائشة و بالطبع هذا القانون يستثني ولاد الحلال من يقصدون البيوت من أبوابها

[بـــيِسَة]

ربي معاك
ربي يفرج عليكم

[أم رقية نسرين]

تسألي سؤال و نتي عارفة الجواب هادي العلاقة حرااام و هادا يتمسخر بيك هو هارب و نتي تجري وراه علاش وكارهة وووو لي ناوي الحلال يجي طوووول من الباب متقوليش نتعارفو وووو مكانش منها خلاص
متخونيش ثقة اهلك فيك مكتوبك يلحقك للدار و هدو حكايات المسلسلات اخطيك منهم
ربي يرزقك زوج ذو خلق و دين

[ع.عيسى]

والله راه مخي مبلوكي ، ما فهمت والو في حزب النساء ، الراجل لي يطبطب الباب مباشرة ويسمعو عليه غير الخير ، الطفلة ما تقبلش بيه بحجة انها لا تعرف عقليته ، في حين لي يجي من الطاقة ويتمسخر بيها تشد فيه بسنيها ؟؟؟، اظن ان السبب هو ان المراة لديها غريزة حب الاهانة ، تحب ان تشعر بالضعف والاهانة امام الرجل ،حتى تحبه ..

[sohaibdz]

اذا كنتي على غير علم انت الان ارخص شيء في الوجود بالنسبة له

[نبض قلبي]

ربي يعينك ان شاء الله

[محارب الحمق]

حقيقة أمر يدعوا إلى الغثيان. سيد الرجال يجي يطبطب فالباب تطوطو عليه. يجي صعلوك مالطاقة يدير رايو ويزيد يرخس. هاذا كامل علاه؟ علا جال كلمات معسولين في التلفون. قصة رومنسية فالحرام. الشيطان يزين الحرام وينفر من الحلال. وهناك أيضا مقولة تكررها الجاهلات وهي: الراجل كلما لصقتي فيها وجريتي وراه يزيد يرخسك. دعوني أصحح هذا المفهوم بالمقولة التالية: الصعلوك الذي تقيمين علاقة معه في الحرام كلما لصقتي فيها وجريتي وراه يزيد يرخسك. سموا الأشياء بمسمياتها. تلقاها مدايرة الحرام مع صعلوك وممبع كي يطيشها كالقمامة تولي تقول ماكانش رجال في البلاد. والحقيقة هي: أنت جعلت نفسك كالقمامة ومن ألقاك في المزبلة هو ذئب بشري لا رجل. لذلك لكل من عانت من هذا الرمي والإهانة لا يحق لك أن تقولي: ماكانش رجال في البلاد

[رندة.]

أقطعي علاقتك بيه وماتزيديش تتصلي بيه خلاص، راكي تقولي يرد مرة ويتجاهلك ألف ويزيد يليكيدي فيك بأعذار أنتي نفسك مش مقتنعة بيها، السيد هذا راهو يقلك أخطيني أفهميها، أنتي راكي متأكدة من الكلام هذا أمالا علاه راكي متمسكة بيه؟؟.
توبي لربي سبحانه وأدعيه أنو تنساي الشخص هذا وان شاء الله ربي يرزقك الزوج الصالح إلي يسعدك ويهنيك.

[سَامِيَة]

لعلك لم تنتبهي ربما يكون ابتعاده عنك من لطف الله بك
ربما يريد الله لك الخير الذي لا تريدينه أنت لنفسك!!

لا أحد معصوم من الخطأ ولكن ربي سبحانو عادة ما ينبهنا إلى خطورة ما نحن ماضون فيه.. فلتنتبهي

كرامتك ودست عليها فكري قليلا في كرامة الرجال الذين تستندين عليهم بعد الله عزوجل..

باه تنسايه كخطوة أولى قطعي كامل وسائل التواصل بينك وبينو عادة ليبعيد عن العين بعيد عن القلب

ربي ينورك..

[noursm]

اخطيك منه و ما تزيديش خلاص تتصلي بيه

و شغلي نفسك بأمور اخرى تنسيك فيه و خذي الأمور ببساطة ، الحياة عمرها ما تتوقف على شخص

و قبل كلشي تمسكي بربي و اكثري الدعاء باش تقدري تنسايه

ربي يعوضك و يخلف عليك راكي مازلتي صغيرة و ان شاء الله ربي يرزقك بسيد الرجال.

[afrimat]

اختي انتي25 سنة راكي ماشاء الله
لو تزيدي تحبي دينك تكوني اقوى
اين حبك لرسول الله .اين حبك لاهلك
هذي العلاقة لتكلمتي عليها التعارف على اساس الزواج
حرام شرعا
اكرر حرام شرعا
كوني قوية ما تخليش عواطفك تئثر عليك
الان كسري شريحة الهاتف لتتصلي بها معاه
احذفيه من حياتك و من راسك
انضري للمستقبل و تفاءلي
و تفكري دائما ان الله هو العادل بين الناس
كيما قلتلك
طيشيه من راسك
ربي معاك و ربي احن علينا من عبادو ا