عدد الملتحقين مدرسة اطارات المشاة س.بلعباس - الصفحة 2

صمت الرجوله · 2014-09-18, 16:06

اقتباس:

المشاركة الأصلية كتبت بواسطة العصفور الهائم

يا خويا راك حبستلي راسي

انت بارك الله فيك على النصيحة مي كاينة حاجة حبيت انقولهالك انا نعرف جماعة راحو وطلقوهم فائض نورمال وحكاية جماعة الدوسي كاين الي راهم شدو عليهم نورمال كاين كيما قلت انت "خبطوه بسورسي" مي كاين أيضا الي هز الاعفاء انتاعو نورمال
وزيد حكاية الدوسي انا قالولي الناس الطبيب راهو ثاني يخاف على روحو اذا كان صح واحد مريض و دارلو apte لكان كشما يصرا للمجند لقدر الله حاجة مش مليحة راهو يروح فيها الطبيب نورمال

وزيد وش رايح نقلك الي كاتبها ربي تجي

كاين ناس فوتت في هذه المدرسة وقالك نورمال وكاين ناس قالك ماهيش مليحة و العلم راهو عند ربي سبحانو

معنداش وش نديرو ديجا انا راني بلوكيت الخدمة انتاعي باش نروح نتهنا منها يعني ضرك منقدرش نرجع للخدمة بلا وثيقة معاكسة للوردبال الى عطيتولهم باش وقفولي الخدمة

يعني الله غالب مكره اخوك لا بطل

الله يكون معانا وخلاص

يا اخي انا ماقلتلكش ماكانش فائض...قلتلك ماتقدرش تحسب لانو مرات يطلقو اللوالا و مرات التوالا...و زيد جماعة الفائض اغلبيتهم بالمعرفة " اصحاب المعارف حطوهم مقبول جزئي و قاع طلقوهم ريفورم"...و الجماعة لي راك تقول شدوا عليهم الدواسا يتحسبوا على اصابع اليد الله اعلم حوالي العشرة و هم ممن دخلوا الاوائل....و خطيك من كلام الناس لانه لا خوف ولا هم يحزنون...صدقني معانا اصحاب العمليات و معنا اصحاب اللازم و معانا لي مايقدرش ياكل خاطارك عندوا ليستوما ومعانا لي رجلوا طابي هادوا قاع خافوا من سورسي و محطوش دواساهم وانا واحد منهم ... و نزيدك معانا حتى المهبول و زادوا ميتاوه للصحراء حسبنا الله ونعم الوكيل
يا اخي ربي يفرج احوالكم انت صل صلاة استخارة و كلشي على ربي

amine eco · 2014-09-18, 16:10

بلعباس فرص فائض ضعيف كيما قلكم عقبة نقطة انتهى

ملف طبي صعب شوي واغلبية سورسي

العصفور الهائم · 2014-09-18, 19:45

يا خاوتي ربي يحفظكم ان شاء الله

شكرا جزيلا ليكم أمين و عقبة

ربي يفرج وخلاص

لا للظلم · 2014-09-18, 19:52

الكلام الدي يقوله أخينا عقبة صحيح لأني كنت هناك في المارس الما ضي و تحصلت عى سورسي .

رأيت بعيني قصار الطول (على الأقل واحد) أخد سورسي لا أعلم لمادا ؟ (قانونيا يحصل على إعفاء) )

و جماعة العيادة أغلبيتهم أخدو سورسي .

ليكن في علمكم أنه يوم خروج جماعة السورسي تم إستبدال 10 من المقبولين ب10 أخرين من الفائض لأن أغلبية هؤلاء 10 مرضى لم يعطو الطبيب الملف الطبي و منهم المتزوج. لأنهم تدمروا لمدير المدرسة أثناء التدريب و لأحد ضباط الأمن العسكري.

المهم لي معندهمش لكتاف راحو فيها.