فرغ قلبك

[GOFRANEKRABI]

السلام عليكم اخوتي ، بعد ادن المشرفين والمشرفات ، حبيت نفتح هد الصفحة ، لكل واحد قلبو تعمر وفاض بيه ، وملقاش وين يفرغ ، همو ، على الاقل بالكتابة يمكن يخفف شوي ، عليه يمكن يلقى لي يسمعلو ، ويفهمو ، مصاعب الحياة كترت ، ناس بعدت على بعضاها وجفات ، معاد حد يسمع لحد ، وادا شكيت تحس بلي تقلت عليهم ، المهم ،، لي تعمر قلبو ، وحب غير يفضفض ،بلا محاسبة ، وﻻ قيود ، اليكم الخط

[GOFRANEKRABI]

نبدى بروحي اليوم بالدات منيش مليحة خلاص ، شكيت تعبي لاقرب الناس لي وياريتني ماشكيت وفتحت فمي ، ندمت ، اشد ندم ، يمكن كترث شكوى ، يمكن منستاهلش اني نشكي اصلا ، المهم ، راني نشوف فيها كحلة وخلاص ،

[غيمة بيضاء]

المشكل نتاعي انا الي يسرالي نحكموا ونبقا غير نعاودوا اففففف
استغفر الله
مي عادي
لي عودة

[أم عاكف ( الأم المعلمة )]

المشاركة الأصلية كتبت بواسطة gofranekrabi

نبدى بروحي اليوم بالدات منيش مليحة خلاص ، شكيت تعبي لاقرب الناس لي وياريتني ماشكيت وفتحت فمي ، ندمت ، اشد ندم ، يمكن كترث شكوى ، يمكن منستاهلش اني نشكي اصلا ، المهم ، راني نشوف فيها كحلة وخلاص ،

لا تقلقي أختي ...هذا هو حال الدنيا.....لا يوجد انسان خالي من المشاكل والهموم
صحيح أحيانا تتفاقم ونحس بأن الدنيا اسودت في وجهنا .....لكن هذا لا يمنعنا من ابقاء الأمل
لأن الحياة بلا أمل كالجسد بلا بروح .....
اتمنى أن تزول مشاكلك وتعدين الى حياتك الطبيعية ...تفائلي بالخير تجدينه ...تحياتي .

[goraya]

اولا السلام عليكم ورحمه الله وبركاته اشكركي على هذا الموضوع الذي كنت محتاجه له انا قلقه جدا انا فتاه متزوجه عندي عشر سنين تزوجت وعمري 18في بلاد بعيده عن اهلي في بدايه حياتي كنت فرحه ولم احس بلبعد ولكن مع مرور الوقت تغيرت وصرت دايما ابكي اريد عن اهلي رغم انني عندي اولاد وزوجي يحبني والحمد لله لكن للاسف لااستطيع ان اكون سعيده بعيده عن اهلي والمشكل اين ان زوجي لايوجد عنده اهل ولا اجد اين اذهب هنا في هذه البلاد الجيران نمشولهم غير في المناسبات حاولت ان اذهب زوجات اصحاب زوجي محبوش ايجوني حاولت وحاولت ان يكون لي صديقات لكن للاسف كرهت الروتين طبخ غسيل تربيه الاطفال نوم ودايما نفس اليوم يتكرر اسمحولي كثرت اعليكم بصح الله غالب احكمتوني كنت ديجى نبكي

[♥ياسمين عاشقة العلم♥]

المشاركة الأصلية كتبت بواسطة goraya

اولا السلام عليكم ورحمه الله وبركاته اشكركي على هذا الموضوع الذي كنت محتاجه له انا قلقه جدا انا فتاه متزوجه عندي عشر سنين تزوجت وعمري 18في بلاد بعيده عن اهلي في بدايه حياتي كنت فرحه ولم احس بلبعد ولكن مع مرور الوقت تغيرت وصرت دايما ابكي اريد عن اهلي رغم انني عندي اولاد وزوجي يحبني والحمد لله لكن للاسف لااستطيع ان اكون سعيده بعيده عن اهلي والمشكل اين ان زوجي لايوجد عنده اهل ولا اجد اين اذهب هنا في هذه البلاد الجيران نمشولهم غير في المناسبات حاولت ان اذهب زوجات اصحاب زوجي محبوش ايجوني حاولت وحاولت ان يكون لي صديقات لكن للاسف كرهت الروتين طبخ غسيل تربيه الاطفال نوم ودايما نفس اليوم يتكرر اسمحولي كثرت اعليكم بصح الله غالب احكمتوني كنت ديجى نبكي

السلام عليكم حبيبتي.......لاتقلقي حاولي جعل أولادك هم أصدقائك الأوفياء....اتّصلي بعائلتك دوما لتطمئنّي على حالهم..........وعندي حلّ ثان لك مارأيك أن تنضمّي إلى قسم دردشة بنات...ستجدين مواضيع كثيييرة للدردشة ومنها فرغ قلبك....وهو موضوع تجتمع فيه أعداد كبييييرة من نساء المنتدى ليحكين انشغالاتهن ويدردشن ويرفهن عن نفسهن ستجدين أنّ الأمر ممتع وسيصحبن صديقات وفياات لك ....تأكّدي

أي مساعدة أنا هنا

[goraya]

اشكركي اختي ساطرح على زوجي الفكره لان زوجي ضد احوايج بزاف منهم الفايسبوك وربما لاحضتي اسم goraya قالي باش ميعرفوكش راكي امراه هههههه

[azpak]

المشاركة الأصلية كتبت بواسطة gofranekrabi

نبدى بروحي اليوم بالدات منيش مليحة خلاص ، شكيت تعبي لاقرب الناس لي وياريتني ماشكيت وفتحت فمي ، ندمت ، اشد ندم ، يمكن كترث شكوى ، يمكن منستاهلش اني نشكي اصلا ، المهم ، راني نشوف فيها كحلة وخلاص ،

هههه سيفري ديفوا الواحد يشكي همو لناس ماعندهم حتى قيمة ومايفيدوه بوالو ...ويندم عليها ياسر..
مي راي حاجة عادي نورمال العبد يديفولي وخلاص
وربي يفرج عليك وعلينا باين عليك تهدري من نيتك..

[GOFRANEKRABI]

المشاركة الأصلية كتبت بواسطة goraya

اولا السلام عليكم ورحمه الله وبركاته اشكركي على هذا الموضوع الذي كنت محتاجه له انا قلقه جدا انا فتاه متزوجه عندي عشر سنين تزوجت وعمري 18في بلاد بعيده عن اهلي في بدايه حياتي كنت فرحه ولم احس بلبعد ولكن مع مرور الوقت تغيرت وصرت دايما ابكي اريد عن اهلي رغم انني عندي اولاد وزوجي يحبني والحمد لله لكن للاسف لااستطيع ان اكون سعيده بعيده عن اهلي والمشكل اين ان زوجي لايوجد عنده اهل ولا اجد اين اذهب هنا في هذه البلاد الجيران نمشولهم غير في المناسبات حاولت ان اذهب زوجات اصحاب زوجي محبوش ايجوني حاولت وحاولت ان يكون لي صديقات لكن للاسف كرهت الروتين طبخ غسيل تربيه الاطفال نوم ودايما نفس اليوم يتكرر اسمحولي كثرت اعليكم بصح الله غالب احكمتوني كنت ديجى نبكي

، سلام حنونة ، اسمحيلي يمكن قلبت عليك الواجع ، بصح والله راكي زيي واش نقولك اختي انا راني مغربة وبعيدة خلاص على ماليا ، وراني وحدانية خلاص عييت مندير معارف مي متقدريش جيبيهم للدار ، مسالة تاع ثقة ووو ، وزيد وحدة فيهم مقاتلي ارواحي ، لكن مع الفيس بوك الحمد لله عندي اخوات نحسبهم ، ونحبهم فالله والله نعم ، نتوانسو نفرغو قلبنا ، وهي رايحة واش حنديرو هدي هي الدنيا وهدا هو مكتوبنا

[goraya]

سلام السماح مكان حتى واجع ان شا الله صح شفتي الوقت اللي رانا فيه من غير اهلك او داركم متلقاي حتى واحد مكان اللي ايقلك ارواحي انا لكان مجاش ال***** راني اهبلت الحق ديما نهدر امعاهم بصح ساعات اتجيني انحب نخرج من داري انروح ليهم اتبعدي على راجلك اشويه هههه انفوت انهار مثلا اونرجع لداري وولادي انا لا لا مروحش او كي انروح نسكن واولادي يتوحشو ويكثرو البكي او راكي عارفه اسفه جدا جدا على الثرثره حابه نحكي واحشمت ههههههه

[المحامية الناجحة]

سلام و ارجو من الله ان يخفف عنا و عنكم الهم و الحزن انا حبيت نحكي قصتي حتان نقاسم الاخرين احزانهم و لاني راضية بقدر الله لم اجد من الامر ما يزعجني او يقلقني لاني صابرة و احتتسب امري عند ربي انا متخرجة من الجامعة حصلت على منصب شغل في اطار الادماج المهني و لكن المشكلة هي اني اشتغل عن خاص اي مكتب استشارات قانونية كانت الامور في الاول تمشي على طبيعتها حتى بدات رويدا و تدريجيا بالتغير اذ ان صاحب المكتب اي المستخدم قام بغلق حسابه في الصندوق الوطني للتامين cnas و لما قمت بتجديد العقد رفضو تجديده و السبب لما وجدوا المستخدم غير مسجل في الصندوق للتامين الاجتماعي و من تسعة اشهر اشتغل دون راتب فما رايكم

[اغادير]

قلبي معمر وحابة غير نخرج للزنقة ونتربع في الطريق ونطيييييح نندب .... نندب ونندب...... حتى يتريقل زهري وتزهالي ليااااااام... والله يئست من حياتي ومن الدنيا لعايشة فيها.......

[نور لاتراه]

المشاركة الأصلية كتبت بواسطة اغادير

قلبي معمر وحابة غير نخرج للزنقة ونتربع في الطريق ونطيييييح نندب .... نندب ونندب...... حتى يتريقل زهري وتزهالي ليااااااام... والله يئست من حياتي ومن الدنيا لعايشة فيها.......

ساحارب التشاؤمية بكل مااوتيت من افكار على حد علمي
ماهذه المصطلحات "يتريقل زهري"
اهذا الايمان اللذي في قلوبنا
اجل قد تسقطين الف مرة وقد تتاذين
لكن مااجمله من شعور
ان تحاولي حتى الرمق الاخير ولاتقارني نفسك بغيرك
الحياة فرص وليست واحدة فقط ..اذن لتسعي للقادم ولاتقفي مكانك

[اغادير]

المشاركة الأصلية كتبت بواسطة نور لاتراه

ساحارب التشاؤمية بكل مااوتيت من افكار على حد علمي
ماهذه المصطلحات "يتريقل زهري"
اهذا الايمان اللذي في قلوبنا
اجل قد تسقطين الف مرة وقد تتاذين
لكن مااجمله من شعور
ان تحاولي حتى الرمق الاخير ولاتقارني نفسك بغيرك
الحياة فرص وليست واحدة فقط ..اذن لتسعي للقادم ولاتقفي مكانك

مابقالي حتى حل..... مليييييييت ..... ليا ربي سبحانو فقط

[نور لاتراه]

المشاركة الأصلية كتبت بواسطة اغادير

مابقالي حتى حل..... مليييييييت ..... ليا ربي سبحانو فقط

السلام عليكم
كلا الحلول امامك لكنك تعصبين عينك عن رؤيتها
https://www.djelfa.info/vb/showthread.php?t=1897258