السلام عليكم اخواتي رمضان مبارك انشاء الله اعاده الله عليكم و على المسلمين كافة باخير و البركة
اليوم في جعبتي تحلية درتها البارح واااااااو تهبل
فبعد بحث مطول عن جبن الماسكاربون مالقيتوش وليت شريت كريمة التيراميسو الجاهزة كاين نوعين انا شريت تاع 18000 وجات مليحة
فهاد التيراميسو درت تعديلات لكن جا روعة
مستعملنش ls boudoirs واستعملت biscuit roulé شريتو واجد بدوق الشوكولا يجي طري و بنين نحطوه هو الاول في الاكواب وممبعد نديرو كريمة التيراميسو ليتلقاو طريقة العمل تاعها في العلبة تاعها ثم ترشو الكاكاو يكون من نوع جيد او ديرو شوكولا بودر بسخااااء وتزيدو شوي بيسكوي وتزيدو طبقة اخرى من كريمة التيراميسو ثم تحطو شوي جوز مكسر رح يمد دوق رهيييب والكريمة الاخير هي كريمة بدوق البراليني تخدمو شوي كاراميل وتصبوه فوق لوز بقشوره مكسر اكيد فوق ورق زبدة او المنيوم وممبعد كيتيبس الكاراميل ارحيوه وزيدوه لكمية تاع كرام فراش تكونو طلعتوها مع شوي سكر قلاص ....صدقوني دوقها رهيب بنينة بزاف ....نرجعو للاكواب تاعنا نحطو كمية تاع الكريمة ونرشو بالكاكاو ونزينوها بالجوز او ممكن تخليوها هاكداك واكيد لازم تريح في الثلاجة
انشاء الله تجربوهاادا عجبتكم لانها رائعة وكانكم تاكلو في افخم محل حلويات ....بدون مبالغة
وادا معجبتكمش ثاني جربوها خهخهه
وصح فطوركم اميرات المنتدى
( تقرير عن مشاركة سيئة )، و الموجودة أسفل كل مشاركة .
2014-07-10, 15:26
تحلية روايال
العرض العادي
