لنتعرف على singer 20u43 و ملحقاتها مع ...........سطايفيه - الصفحة 14

بسمة2009 · 2016-04-28, 22:20

مشينتي sencer بصح مهبلتني دورة يخرجولها خيوط من لكانات مافهمتش لاااه
وجاك الله خيراااا

zikafansso · 2016-05-01, 15:29

merci pourle sujet

حنين سطيف · 2016-05-04, 22:40

سلام عليكم سطايفية جارتنا ممكن نقوليلي نتي تخيطي لناس ولا اها

الله المستعان · 2016-05-08, 20:43

سطايفية بارك الله فيك

بريق الدجى · 2016-05-15, 09:15

الصور ماخرجوليش من فضلك اعيدي وضع الصور حتى نستفادو جميعا

المتألقة · 2016-06-08, 01:31

السلام عليكم

شريت ماكينة جامسي الصناعية لكن لم اعرف كيف انقص سرعة المحرك و صور الموضوع محذوفة

ساعدوني الله يحفضكم

rahima123 · 2016-06-14, 10:58

السلام عليكم اولا اشكركى اخت على كل التوضيحات الى قدمتيها انا عندى مشينة industrielle RLM20U43 الحمد لله راهى مليحة طلبي حبيت نشوف كل ماتقدمتى بيه من شرح يكون موضح بالصور باش نشوف الدوسات الى ممكن نشريها. بارك الله فيك راكى تعاونى بزاف النساء الماكثات فى البيت وانا وحد منهن. ورمضان كريم يااختى السطايفية

ريم الفلا · 2016-06-15, 23:02

السلام عليكم ورحمة الله، الله يفتح عليك يا اخت سطايفية عندي مشينة gemsy 20u43 ودائما مكسورة فيها الابرة او داخل فيها الخيط و لحد الساعة ما لقيتلها حل، افيديني من فضلك

zouzou2010 · 2016-07-08, 22:03

اقتباس:

المشاركة الأصلية كتبت بواسطة stayfiya

السلام عليكم و رحمة الله و بركاته

Singer 20U43
اليوم حبيت نقدم درس مفصل على مشينة السانجار واش دير و وحوايجها
و كيفاش تخيطي بيها
اول شي لي تبحث على مشينه اندوستريال كاين انواع كثيره متوفره في السوق
و الاكثر توفراً هوما هاذ الانواع
جامسي سانجار جوكي جاكي .....
و انا ناكد على هاذو خاطر ممكن تشري
وحده مليحه بصح من بعد تحصلي في بياسها لذلك من الافضل تشوفي
واش متوفر في السوق و يكون حاجه مليحه انا شاريه السانجار بتجربتي
هي حاجه مليح في الحقيقه كامل يتشابهو تبانلي تغيير الاوتوكولون
لانو في ماشينتي من فوق سانجار و الموتور جامسي ههه

ماعليناش المهم حاجه مليحه و هاذو كامل كيف كيف
مؤخرا خرجو ماشن بموتور سيلونسيو عجبوني
اسعارهم مثال السانجار 29000 بموتور سيلونسيو 35000
على الاقل دير الحس غير كي تخيطي ماتضطريش تسمعي حسها طول يوم
في الشارع في العلمه كاين من كل نوع نتي شوفي واش يساعدك
الان راح نتعرفو
كيفاش نمشيوها راح نبسطلكم على قدما نقدر
هايليك المشينه

قبل ما تبداياي اول شي لازم تمسحيها

تزيتيها تخليها ترودي هاذا هو الزيت لمليح مايكونش ثقيل

لي تقولي وين نديرلها الزيت تتوله وين مثقوب الغطاء و سطح المشينه و قطريلها

و من بعد تبداي تركبي الخيط
تبعي الخطوات

من هنا لاطونسيون تاع الخيط يعني يا ترخفي يا تشبحي

الابره بااالاكي تغلطي في الماركه نتاعك

و الارقام اكيد حسب عرض لقماش
واتاكدي من اتجاه الابره
لازم يقابلك الخط الطويل
هوما ما داروهش بها برك بصح عملوه على خاطر الابره منين تدخل
في لقماش لازم يكون عندنا ايسباس حق الخيط باش مايتشوكاش
الخيط منين يتلاقا مع القماش و يتقطعلنا
(وهنا تعرفي علاش كي متكونش الابره في بلاصتها يتقطع الخيط)

نروحو للكانات
و هذا الفيس هو لي نشبحو منو الخيط ولا نرخفوه باش ما يطلعش
فوق لقماش كي نعودو نخيطو

باش تعمري الكانات بالخيط تنحيهامن البورت كانات و تثبتيها
في هاذ المكان تقومي بكبس اللسان الى هاذ الاتجاه و
الخطوه التاليه تفتحي العجله بطريقه وين العجله
الداخليه تكون عكس عقارب الساعة و الخارجيه العكس
و تقومي بالحركه في نفس الوقت
ضك بمجرد تلضي على الرجل تاع المشينه
تبدى الكانات تتعمر و كي تخلص وحدها تتوقف
بهاذ الاتجاه تركب

و تبداي تخيطي
تخيري الدواسه العاديه و تركبيها

و جربي خياطتك هل هي عاديه ام لا
اذا كان اشكال ريقليه قبل مانخيطو و نطرطقو
نروحو نتعرفو على الديكور الخارجي و واش وظيفة كل زر
هذا البوان داري point d'arrêt كي نبدى الخياطه و كي
نخلصها نثبت بهاذا الزر لانو يرجع للخلف معناه ياكد الخياطه

هذا يخلينا نخيرو اتجاه الابره تحبي الخياطه على الحافه اليمين او اليسار او الوسط

الزرين هاذو يثبتولنا الزرين لي تحتهم

و لي في اليمين مرقم يتحكم في طول الغرزه انا دائما نخير 3
الزر. لي على اليسار يتحكم في عرض الزيقزاق
و هنا نقدرو نتحكم فيها ايضاً من مكان آخر
لي هو اسفل الطاوله و هذا اكثر الاحيان يفيدنا اثناء الطرز
(نرقق و نعرض على حساب الرشمه) من بعد نتعلمو الطرز و تشوفو
يعني تحكم حر

بزاف لي عندهم مشكل خاصه المبتدئات ما يقدروش يتحكمو في سرعة الماشينه
الحل ابسط مما تتوقعن
هاذ المفتاح كل ما دورتيه. راح تنقصي في سرعة المشينه حتى تتعودي عليها

و هنا ايسباس تحطي فيه ليباري و الكانات

هاذو الدواسات فيهم لي يجيو معاها و فيهم لي تشريهم وحدك انا كل مره نشري واحد جديد هوايه هههه

اذن راح كل مره نديرو درس على نوع و نتعلمو كيفاش نخيطو بيه انتظروني بالتوفيق
دعواتكم للسطايفيه

سلام

شكرااااااااااااااااااااااااااااااا

حمودي حليمه · 2016-08-05, 21:38

بارك الله فيك أختي

متفوقة بامتياز · 2016-09-16, 07:34

اختي الصور لاتظهر

ميمي2012 · 2016-09-21, 06:48

ربي يحفضك عزيزتي السطايفية ومشكورة وبوركت جهودك .
ولكن للأسف معضم الأخوات لا تظهر عندهم الصور

saberbtgh · 2016-09-29, 18:07

baraka ellaho fiki wa ja3alaho fi mizane hasanatiki

أم منتصر · 2016-10-03, 19:10

أختي سطايفية ـ ربي يحفظك و يجازيك على المجهودات المبذولة، أنا عضوة جديدة ، لكني مطلعة على مشاركاتك في المنتدى منذ مدة و معجبة بإبداعاتك في الخياطة،
إذا كان بالإمكان تعطيني رأيك ، فأنا أريد شراء آلة خياطة بسيطة لأعمال البيت فقط، لأني هاوية للخياطة و لست محترفة ، يعني تخيط بها مع السيرفيلاج، فما هي الماركة المناسبة؟

سهام طبيب · 2016-10-21, 11:38

شكرا على الموضوع