كوووكيز

[fella food art]

المقادير
*400غ فرينة
*200غ زبدة
*200غ سكر عادي
*1ملعقة كاكاو (اختياري تقدري ماديريش)
*1ملعقة كبيرة لافاني
*1حبة بيض+1صفار بيضة
*قرصة ملح
*نص باكي لالوفوغ شيميك
و لي بيبيت الشوكولاpépite de chocolat

طريقة التحضير
خلطي المواد الجافة كامل من بعد ديري الزبدة و اعجني الكل باطراف الاصابع كيما لابات بريزي من بعد زيدي البيض وpépite de chocolat هادا مكان
من بعد ديري كويرات صغار حطيهم فوق السنيوا في فرن متوسط لمدة 15دقيقة او حتى يحمارو علا حساب الفوغ تاعك

العجينة جي ناشفة شوية نوغمال متتقلقوش ادا محبتش تنطم زيدولها ملعقة صغيرة زبدة طرية




يطيبو لمدة 15د و كي يطيبو يجيو طريين من بعد يوليو يابسين نوغمال هادي متتقلقوش
و تقدرو ديروهم بلا pépite de chocolat

[oumraja]

ya3tik essaha Fella larecette viiiiiiiiiiiiiiiiite

[lofi]

لي الشرف نرد عليك
ماشاء الله
راني سميتك حورية البليدة
ممكن الوصفة والشرح كيما عودتينا

[الامل نور]

يعطيك الصحة فلتنا الغالية
اعطينا الوصفة تعيشي

[ام رويدة]

روووعة....شكرا

[kokotg]

يعطيك الصحة

[كوزينة هديل]

شكرا ليك أختي فلة

[sarahbouda]

merciiiiiiiiii pour la recette

[أم سراج الدين]

ما شاء الله
من عشاااااااااق الكووووووووووووكيز
ربي يخليك على الوصفة الجميلة درك كي عادت من عندك نجربهم و ما نخافش ههههههه
شكرا لكي

[أم ياسين الزهراء]

نموت عليهم وجلابت مرة درتهم وجاوني هايلين يعطيك الصحة

[oum yahya]

يعطيك الصحة قداه و انا نحوس على هده الوصفة خاصة انها من عندك يعني تصلح 100 ب100

[wahiba T]

والله يافلة تقول طليتيلي على قلبي البارح جاوني في بالي وحبيت نطلب منك الوصفة مي حشمت يعطييييك الصحة

[fella food art]

مشكورييييييييييينننننننننن

[أم أولادي*]

فلتي انت دائما مبدعة كاش نهار نزدم لداركم ههههه هبلتيني بواصفاتك وطريقة تصويرك روعة وديكور ماعندي مانقول ربي يحفضك ويعطيك ما في بالك

[الوهرانية 1]

الله يبارك حبيبتي دائما متالقة بوصفاتك شكرا