قبول او رفض الزواج

[مشكلتي]

السلام عليكم و رحمة الله تعالى و بركاته
تقدم لاختي شاب متدين 24 سنة و يقال عنه خلوق عامل حر و في مثل سنها مستواه بكالويا وهي ماستر 2 رياضيات و اشترطت هي العمل كاستاذة و هي حلمها استاذة ثانوي في الرياضيات و حظوظها كبيرة للنجاح في الثانوي على العكس بالمتوسط و الابتدائي لان الفروع المشاركة كثيرة و بالتالي تبقى حظوظها ضئيلة جدا الا ان هذا الشاب رفض قطعا عملها بالثانوي و قبل بالمتوسط و الابتدائي و فرض عليها لبس الجلباب و هي غير مقتنعة به الا انها قبلت به علما انها تلبس لباسا شرعيا روب مونطو طويل و هي غير مكترثة بالمستوى بالعكس و هدا شيئ عادي و يبقى حلم التعليم بالثانوي يقلقها بين الرفض و القبول و هي تصلي الاستخارة ارجوووكم لا تبخلونا بارائكم فما خاب من استخار و ما خسر من استشار و شكرا

[mino 19]

حسب حالة راني نشوف بلى ولا عمل سوف يقبله هدا الشاب لانه متدين ويطلب جلباب ايضا...هدا بخصوص العمل
يعنى زواج به = عدم العمل
قرار اخير يرجع لها
الله يوفق

[محمد جديدي التبسي]

أكيد أن التعليم الثانوي غير لائق تماما للفتاة خاصة في حال الثانويات المختلطة هذا أمر قطعي لأنها تدرس شباب بالغين ينظرون لها بشهوة ولا يرضى رجل غيور ذلك لزوجته
يبقى التعليم المتوسط والابتدائي اقل سوء واظن ان هذا الشاب لن يعجبه عملها مطلقا فلتكن مستعدة للتوقف في اي لحظة ان هي قبلت هذا الزواج
مشكلة مستواه الثانوي لا أظنه تقلقه هو فهو سيجد عشرات من النساء يتمنين الزواج به
أما الروب مونظو فليس حجاب شرعي اطلاقا راجعي شروط الحجاب الشرعي
ان كانت أختك تريد الستر والعفاف مع رجل غيور متفتح بعض الشيء فلتقبل بهذا الشخص ما دام قبل عملها في المتوسط والابتدائي
ان أرادت مزيدا من التحرر فلتترك الشاب وشأنه وربي يرزقها اللي يقبل بيها كيما هي

[cezar algerien]

إذا كان هاذا الشاب المتقدم لها لاباس بيه ومتخلق ويقدر يوفر لها العيش الكريم ويكفيها في حدود مقبولة تقبل بيه أحسن وتتخلى عن التعليم في الثانوي وتحاول تبحث في المتوسط او الابتدائي لأنه في الأخير الرزق على الله عز وجل ولي يترك شي لوجه الله عزو جل يعوضو بأحسن منو

[bennou28]

من الأفضل لها أن ترفض.. زوج كي يتزوجو لازم يكون عندهم نفس المستوى.. المرأة كي تكون قارية على راجلها يولي يحس روحو أقل شأنا منها يفقد ثقته في نفسه وهي تخلصها غالية,, أستاذة رياضيات في الثانوي راهي حاجة مليحة بزاف.. واش يكون هو باش يرفض؟ غير قوليها باش ترفض وربي يبعثلها خير منو ان شاء الله

[ranou gigi]

مادام الشاب حاب لها الجنة لما لا

[nnihal]

انا كون جيت في بلاصتها ما انقبلش بيه هي تعبت وقرات ومبعد تقعد في الدار اصلا مكانش فرق بين المتوسط والثانوي بصح القرار ليها لكان ماهيش حابة تخدم تديه

[Hana 67]

ساقول راي بكل صراحة هذا الشاب لا يليق باختك وهويريد يمشي كلمته لا اكثر و لا اقل عن احساس بالنقص فما الفرق بين الثانوي و المتوسط احد الردود قال سوف يرونها بشهوة لا لانها لا تبقي في سن 24 لكن التلاميذ يبقو في نفس السن اي مع الوقت تصبح مثل اختهم الكبري ثم مثل امهم لما تصبح في 40 هذا ليس عذرا هو فقط لا يريد المراتب العليا و عن الجلباب انا في راي هي التي تقرر كونها راشدة هو لا يعرف مصلحتها اكثر منها انا في راي مازالت صغيرة و في ميدان العمل تجد ما احسن منه و الفرق في المستوي التعليمي يسبب مشاكل و عقد لالرجل قولي لاختك ان تصبر ولا تدفن عمرها مع هذا الرجل المعقد و حتي كلمة متدين لا يمكنكم ان تعرفوه جيدا الا بعد العشرة و المظاهر خداعة

[AMINA.Z]

احساسو بالنقص بدا يبان

[**عاشقة الفردوس**]

ماعندي ما نقول !!!!!!

[samirovich]

معه حق لان التلاميذ في الثانوية يكونون كبار وبالغين
وهي حتى لو ارتتدت جلباب وسقط من يدها طبشور مثلا وارادت ان تلتقطه من الارض
فسينظر الشباب مباشرة الى ماحرم الله ولن ينفعها الجلباب في تلك اللحظة
لان كل شئ سيتضح

بالتوفيق

[amira1989]

صعيب الشي الزواج مليح و التعليم مليح ربي معاك

[عبد الله 22]

اعتقد انه لا يلق بها اختلاف جوهري تخفيه فقط مرحلة الرفض و القبول و الخطوبة هي تحب عملها وهولا ربما لأسباب قد تكون متعدد أعتقد انها تبحث على رجل يقبل بعملها لكي لا تقع في صرع ترك العمل الذي غالبا ما ينتهي بالطلاق الفعلي او النفسي بالتوفيق

[kadidak]

ما عليها سوى ان تكثر من الاستغفار و الدعاء و ان تستخير الله فهو سبحانه اعلم بمستقبلها

[radia25]

انا في رايي راها مازل صغيرة وممكن تجيها قداه من فرصة اخرى خصوصا انها استادة وعلاه ضيع فرصة العمل على جال الزواج تخدم واكيد رايحا تلقا راجل يقبل بعملها وكيما قالو الاخوات هذا باين متشدد بزاف وهي رايحا تعاني معاه في رايي تتريث وربي يجيبلها الي فيه الخير