بحاجة لمساعدنكم اخواتي~~~عــــــــــــــــــــــــاجـــــــل

Nour el houda93 · 2013-10-13, 17:40

السلام عليكم ورحمة الله وبركاته:
حياكم الله وبياكم وجعل الجنة مثواي ومثواكم
اخوااتي عندي عدة استفسارات واتمنى مساعدتكم
1-اشريت علبة نيسلي واريد ان تفهموني طريقة استعمالها
2-pate damende طريقة استعمالها من المفترض ملعقتين كبيرتين منها+ نصف ملعقة زبدة ادلك جيداا ~~أليس كذلك هكذا اخبرتني احدى صديقاتي
3-عندي عرس خالي رايحة ندير تشاراك وحايرة فالديكور كيفاه علما اني شريت ليوم مول الورقة قلت نخدم ورقات ببات داموند لازم يجي لونهم اخظر ولا لالا~~~~~~~~~اذا كان لازم اخضر كيقاش ندير لانو عرس راجل لازم نديكوري بالازوق دي تري ولا حاجة هك ~~~~~~~~~~~بانظاركنن على احر من الجمر

ام ايمان16 · 2013-10-13, 17:59

ربي يكون في عونك اختي
نقدر نساعدك في نيسلي
اذا شريتيه علبة حليب ابيض مركز وحابة تعمليه بني حطي العلبة بعد ماتنحيلها الورقة الجانبية تاع العلبة حطيها في كوكوط مدة3ساعات اقفلي عليها بالصفارة
ومن بعد خليه يبرد واستعمليه في القاطو لي حبيتي

بالنسبة لمول الورقة وكنتي حابة مول الوردة اذا كان المكان لي شريتيه منو قريب روحي بدلي المول وخلاص ساهلة هاذي

اما بخصوص اللون فاضن انه لو عملتي الطلية زرقا للتيشاراك تجي نورمال ورقة خظرا فوق الطلية الزرقا ((شكل عادي ))

والزواق كيما قتلك يحب وحدة يدها خفيفة استعملي لابوش رقيقة وجربي تديري خطوط وزخرفة على ذوقك

وان شاء الله يزيدو يفيدوك الاخوات

Nour el houda93 · 2013-10-13, 18:55

الله يحفظك ويعطيك ما تتمناي اختي تفااااحة
آه بصح الكوكوت تاعنا شوي عيانا نقدر نخدمو بلا كوكوت؟؟؟؟؟!!!!!!!!!!!!!!!!!!!!!!!!
بالنسبة للحانوت والله بعيد علينا منقدرش نرجع المول نزيد نشري مول اخر وخلاص الحل الوحيد

ام ايمان16 · 2013-10-13, 19:28

اه تقدري ديريه فيها بلا ماتغلقي عليها بالصفارة او ديريه في قدرة عادية بالصح خليه مدة اطول حوالي 4ساعات بالصح عسيه من ذاك زيديلها الماء باش مايخلاصش وتتحرقلك القدرة؟؟؟؟

والمول اشري مالا واحد اخر وخلاص ممكن تحتاجيهم في زوج

بالتوفيق

ام ايمان16 · 2013-10-13, 19:56

شوفي هاذو كشما تستفادي منهم

Nour el houda93 · 2013-10-15, 16:31

بارك الله فيك اختي تفاحة وجزاك عنا كل خيرر~~~~~~
ممكن تشرحيلي طريقة استعمال بات داموند قاتلي وحدة صحبتي زوج مغارف نديدلهم نص مغرفة زبدة وادلك جيداا~~~~~~!!!

ام ايمان16 · 2013-10-15, 20:19

اقتباس:

المشاركة الأصلية كتبت بواسطة nour el houda93

بارك الله فيك اختي تفاحة وجزاك عنا كل خيرر~~~~~~
ممكن تشرحيلي طريقة استعمال بات داموند قاتلي وحدة صحبتي زوج مغارف نديدلهم نص مغرفة زبدة وادلك جيداا~~~~~~!!!

للاسف اختي ماعنديش فكرة كيفاش يستعملو لابات داموند

ان شاء الله يفيدوك الاخوات

عواطف24 · 2013-10-15, 21:59

البات داموند ما تزيديلهاش الزبدة
اعجنيها بالنشاء اي المايزينة هادي احسن طريقة
او بالنوادكوكو غبرة
كل ما تعجني راهو يطرا يعني عينك هي ميزانك ...

Nour el houda93 · 2013-10-16, 21:19

تقبل الله منا ومنكم ~~غفر الله لنا ولكم~~كل عام وانتم من الله اقرب
جزاك الله خيرا اختي عوااطف يعني ندلكها بالنشاء بررك ~~~~كي تولي طرية نتوقف
و نقدر نخدم الوردات درك ونخبيهم نستعملهم مرة اخرى ولا لازم مباشرة~~~~~~~~~~~~~بانتظااركم
واقيلا قررت ندير عرايش ان شاء الله هوما لي يجوني اسها واجمل~~~~~~~~~~~~
شكرا لك اختي reimas ممم ان شاء الله نشري مول الوردة ~~~~~~~~حايرة واش نشري كابن 3ديمول مع بعض من الاصغر للاكبر ~~~~~~~وكاين شكارة فيها بزااف يشبهو لي مول تاع صابلي خفت ماهمش ملااح~~~~~~~~~

sbmwhadz · 2013-10-16, 21:29

شوفي هذا بلاك يفيدك الله يعاونك
https://www.samiratv.tk/2013/10/tcharek-glace.html

عواطف24 · 2013-10-16, 22:44

اخدمي الوردات مباشرة بعد القلاصاج احسن كما يمكن ان توجديهم من قبل شرط ان تضعيهم في البلاستيك ليسهل عليك استعمالهم
bonne courage

Nour el houda93 · 2013-10-17, 20:12

بارك الله فييييكم وجزاكم كل خيرر

كلمات مبعثرة · 2013-10-17, 20:25

السلام عليكم صح عيدكم

شوفي هاد الموديل خير من لي تخلطي في الالوان

كلمات مبعثرة · 2013-10-17, 20:28

شوفي هادي تان شابة

حلوى اقتصادية

لعجينة: كيلة سمن ذائب وبارد. كيلة زيت. ملعقة قهوة. مستخلص ماء الزهر. قرصة ملح. فرينة. للحشو: 2 كيلات لوز غير مقشر مرحي غبرة. كيلة جوز. كيلة سكر. مستخلص الجوز. ملعقة مستخلص فانيليا. دسم ذائب. ماء الزهر. التحضير ضعي كل المقادير وأضيفي الفرينة المغربلة حتى تتحصلي على عجينة ملساء، غطيها بورق غذائي وفي نفس الوقت حضري الحشو بخلط اللوز، الجوز، السكر مستخلص الفانيليا والمرغارين ذائبة، بلّلي بماء الزهر حتى تتحصلي على عجينة متجانسة وشكّلي كريات ضعيهم في صينية، غطيها بورق غذائي على طاولة العمل مرشوشة بالفرينة، شكّلي كريات 30 غراما من العجينة، ابسطيها ضعي وسطها كرية صغيرة من الحشو، اجمعي أطراف العجينة إلى الوسط. سخّني الفرن لمدة 10 دقائق. في نفس الوقت حضري الطلية بخلط بياض البيض، العسل والنيسكافيه، أضيفي ماء الزهر، السكر الناعم واعجني باليدين حتى تحصلين على عجينة، أضيفي تدريجيا الماء، السكر الناعم، حتى تحصلين على طلية متماسكة. عندما تبرد الحلوى اطليها وزيّني بواسطة ”كيردون” والطلية الممزوجة بالكاكاو قبل أن تجف الطلية، ثم ضعي في الوسط 2/1 حبة جوز. -

https://www.elkhabar.com/ar/img/artic..._443874417.jpg

soumaasma · 2013-10-17, 21:22

النيسلي ضعه من 30دقيقة الى ساعة اذ طال اكثر من ساعة يجمد بزااااااااااااااااااااااااااااف انزعي الورقة لا تنساي