طلب -قاطو زاكي

محبة عبد الرحمان · 2016-09-03, 09:16

السلام عليكم تعيشو نحوس على وصفة صابلي سامبل وهشيش و يقطع بزاف . واذا وحدة فيكم جربت صابلي الميرانغ ل ladymillion تقلي قداش يقطع من حبة

zokhrofa · 2016-09-03, 10:12

شوفي اختي السابلي ميقطعش بزاف لكن عندي ليك وصفة مليحة تقطعلك بنينة و اقتصادية

المقادير :
كاس بيض (نحي صفار منهم)
2 فاني
قشر الليمون
شوية ملح
كاس و نصف سكر
خلطي الكل حتى يصبح لونه ابيض
أضيفي :
كاس زيت و 2 معالق كبيرة زبدة
خلطي
أضيفي:
1 خميرة فورية
2 كاس ميزينة
وفرينة حتى تنطم

مديريهاش بزاف ناشفة

ديري الأشكال و دخليها للفرن كي طيب خرجيها

و ديكوريها كيما تجبي (شكولا/ او جوز الهند)
أنا اطاتني أختي الوصفة شابة

حياتي نبع امل · 2016-09-04, 06:52

صابلي المورانغ جربيه وعينيك مغمضين .هاااااايل ويقطع انا معتمدة الوصفة يخرجلك من 40 حتى 45 حبة طبعا حبة فوق حبة .بالصح انا ندير الصابلي فقط بالمورانغ ماجربتوش .نهدر على الوصفة .مقاديرها مضبوطة ويدوب فالفم جد رائع .بالمناسبة ربي يحفظها ويجازيها الاخت ladymillion

حياتي نبع امل · 2016-09-04, 06:54

وكاين صابلي بالزيت للاخت ريهام 16 .ان شاء الله الاخوات يعاونوك سقسيهم فالكوزينة .هداك تان كااامل جربوه .اقتصادي وراااائع ويقطع بزاااف

حياتي نبع امل · 2016-09-05, 05:48

صابلي الزيت للمتالقة ryhem16

المقادير

6بيض
قرصة ملح

3 كأس سكر عادي(كأس تاع قازوز)
3 كأس زيت
3 كأس مايزينة
3 خميره حلوة (نوارة)

لافاني
الفرينة حسب العجينة
التحضير
خلطي باليد البيض+سكر جيدا
ضفي الزيت+لافاني
و في الأخير زيدي المايزينة + قرصة ملح + الفرينة و الخميرة

شكلها حسب الرغبة

أختي اذا استعملتي الباتور نقصي شوية من الخميرة باش ما تتشققلكش الحلوة وميزة هذه الوصفة أنها زاكية بزاف