بروشات على طريقة زخرفة.... و أنتي كيفاش ديريهم ؟

zokhrofa · 2017-09-02, 13:09

السلام عليكم ورحمه الله وبركاته

عيدكم مبارك وكل عام وانتم بالف خير و عافيه

اليوم. حبيت نشاركم بفرحة العيد و نعطيكم سر بنة البروشات ان شاء الله

طريقتي :

نقطع اللحم قبل موعد الشوي بثلاث او ساعتين و نتبلو بالكمون شويييييية برك و فلفل اسود و قصبر مرحي و ثوم و بصل و زعيترة و توابل خاصة باللحم

مانديرش الملح باش اللحم ماينزلش منو الدم و الماء

نخليه في اناء و نغطيه بالصيلوفان و ندخلو للثلاجة حتى يحين موعد الشوي

كي يجي موعد الشوي نقطعو مربعات صغار خاطش كان نديرهم كبار راح يتحرقو من برا و ما يطيبوش من الداخل

و نوجد الشحم مربعات صغار

و نوجد الخضر لي تتشوى معاه

راح ندير فلفل اخضر بصل و طماطم نديرلهم شوية زيت و ملح و فلفل اسود

و نحكم البروشات تاع الحطب نشمخهم باش ما ينحرقوش

و نبدا نستف

لحم ثم شحم ثم فلفل اخضر ثم بصل ثم طماطم ثم شحم ثم لحم و هكذا

لبنات و نتوما كيفاش طريقتكم ؟

ملاحظة: شويناه على الجمر في شواية

لي ماعندهاش شواية تحكم في مقلات تحمر مليه اللحم باش تعطيه لون ثم دخليهم للفرن حتى يطيب اللحم

أم يوسف2 · 2017-09-02, 13:53

اممممم زخروفتي بصحتكم حبيبتي كنت راح نوجد ياش نشوي راهم عندنا ضياف حطيتلهم يفطروا
نفس طريقتي برك انا منحبش ندير الفلفل قوليلي ديري ديراكت فالطابونة ام الشواية مع الفحم ام طاجين المسمن

zokhrofa · 2017-09-03, 10:32

اهلين ام يوسف راني عدلت الموضوع و جاوبت على سؤالك

nihal159 · 2017-09-03, 10:51

صباح الخير، يعطيك الصحة يبانو يشهيو؛ بصحتكم

&ام ايوب& · 2017-09-03, 11:22

يعطيك الصحة زخرفة
انا نعتمد نفس الطريقة
مشكورة

بيان 5 · 2017-09-03, 11:34

يعطيك الصحة ليوم نجربها ان شاء الله

أم فاطمه · 2017-09-03, 12:28

السلام عليكي اختي زخرفة مشاء الله عليك انا اولادي ميحبهمش بي الفلفل والبصل مقطع كبير
لهدا نخبيهم. نرحي البصل رقيق ونتبلهم بي الفلفل الملح الكمون القارص باش اللحم يبقى طري التوم القصبر المعدنوس
والزيت ونتركهم يتشربو من بعد نعمر العدان بي القطع المتبلة ونشويهم على الجمر او في الفرن يجيو روعى اتمنى طريقتي تعجبكم تحياتي

zokhrofa · 2017-09-03, 13:47

اهلا اختي ام ايوب

بيان فرحانة كي راح تجربيها ياريت تحطيلنا موضوع تطبيقهم

اختي أم فاطمة اذا قطعتي اللحم قطع صغيرة جدا يطيبو تم تم و يبقى اللحم طري

طريقتك جميلة شكرا عجبتني للناس لي ما يحبوش الخضر

انا هي رزيقة · 2017-09-03, 13:59

اهلين زخرفة صحا عيدك حنونة و كل عام و انتي تطيبي بروشات....خخخخخ شكرا على الوصفة الجميلة شهيتينا بالتحضيرات لكن اين النتيجة الجميلة يا زخرفة ...اسلتي لعابنا و خليتينا هكذاك ....الرحمة يا زخرفة ...... خخخخخ

سحابة باردة · 2017-09-03, 14:03

يعطيك الصحة زخرفة بصحة والهنا

zokhrofa · 2017-09-03, 14:09

ههههه ههههه رزيقة كنت قدام عائلة زوجي حشمت نصور اذا عاودتهم في داري نحطها ان شاء الله

سحابة الله يهنيك شكرا على مرورك العطر

غزالة الصّحراء · 2017-09-03, 23:05

يعطيك ألف عافيّة أختي زخرفة .
للأسف أنا أريد أن أعتمد الطريقة الثانيّة" لي ماعندهاش شواية تحكم في مقلات تحمر مليه اللحم باش تعطيه لون ثم دخليهم للفرن حتى يطيب اللحم" رغم أنّ مذاقه يكون ألّذ بكثير لما ينضج على الجمر. رايح يعطيه مذاق خاصّ.

zokhrofa · 2017-09-03, 23:57

معليش اختي غزالة حتى هاذيك الطريقة صدقيني تجي بنينة

الشيء الوحيد لي يجعل هذه الأمور لذيذة هي لمة لحباب

حياة نور الدين · 2017-09-04, 16:12

يعطيك الصحة زخرفة طريقتانا متختلفش كثير على بعضها

أم حمزة السلفية · 2017-09-04, 16:40

يعطيك الصحة بروشات روعة رايحين نزيدو في الوزن مع أيامات الشواء وماندوش الجائزة ههههههههه
حبيبتي زخرفة ربي يخليك لينا