صالون مغربي

امينة القالمية · 2012-04-13, 12:00

اخواتي ارجوكن اريد طريقة تفصيل لي زاكودوار الي يجيو جنب الوسادة الي تعرف طريقة الخياطة تحطلي البارترو ارجوكن
كيما هاذي

mirage de cirta · 2012-04-13, 19:40

موضوعك مميز و كنت ناوية نحط نفس السؤال وانت جازاك الله خير سبقتيني انشاء الله الأخوات يساعدونا

ماجدة4 · 2012-04-13, 21:28

انا تاني نفس السؤال لقيتهم فالسوق 5000 دج للمطرح الواحد يعني لو نخيطهم يكون خير لمجرد المودال جديد يرتفع السعر

mirage de cirta · 2012-04-17, 17:26

يعني و لاوحدة تعرف وتساعدنا

mirage de cirta · 2012-07-12, 19:28

نداء لللأخت صمت ساعدينا

البرنسيسة الجميلة · 2012-07-13, 10:58

شوفي هاذ الرابط ينفعك

لا يمكنك كتابة روابط قبل أن تصل عدد مشاركاتك إلى 30 مشاركه .

البرنسيسة الجميلة · 2012-07-13, 11:01

انا يالله عندي 9 شوفي سيري لقوقل
كتبي :
وسائد مخدات خدديات بنت مفيد راه يخرج ليك الموضوع وشوفي لي بغيتي

البرنسيسة الجميلة · 2012-07-13, 11:03

وسائد مخدات خدديات بنت مفيد

رشا العنقرية · 2012-07-25, 10:49

هذا حاجة تحفة واللون عجبني يعطيك الصحة

kakpop · 2012-11-13, 01:32

ولا وحدة تعرف وينكم يا هاويات الخياطة ؟؟؟؟؟؟؟؟؟؟؟؟؟؟؟؟؟؟

fatma1977 · 2012-11-13, 10:11

قيسى الدائر ة نتاع الكدوار الى حابة تخيطيه ومن باعد قصى مستطيل بالطول نتاع الكدواروالعرض نتاعه قيس الدائرة ما تنسيش تضيفى واحد سنتيم للطول و2سنتيم للعرض باه تخيطى فيه السلسال ثم تفصلى 2دائرة قطرها قطر دائرة الكدوار وعند الخياطة خيطى السلسال هو الأول ثم ركبى الدوائر مع الشرشيف فى نفس الوقت وإذا كانك جديدة فى الخياطة خيطى الشرشيف على الدوائر ومن باعد ركبى الدوائر فى الكدوار وباه تكون الدوائر باهيين إجعلى تحزيزات بالمقص على كامل الدائرة وحدديها مليح نتمنى تكونى فهمتينى وأى تساؤلات رانى حاضرة وإلى حابة نعاونك حتى فى خياطة الكاس ريدو لانى أنا متخصصة فى خياطة الصالوات بأنواعها

fatma1977 · 2012-11-13, 10:19

أنا رانى عطيتك طريقة الكدوار الدائرة سانبل وإذا حابتها مشرشفة كيما فى الصورة قيسى الدائرة وقصى قدر الدائرة ثلاث مرات وعند الخياطة إجعليها بليسى ثم فى وسط الدائرة شديه بالخيط وركبى عليها الشوشو بالكولا نتمنى تكونى فاهمتنى

ام عدي · 2012-11-13, 11:48

اختي راح نحاول نشرحلك لاني منعرفش نحط الصور بالمنتدى ولاكنت رسمتلك بش تفهمي مليح اولا هزي قياس طول وعرص الاكدوار تاع البونج ثم هاتي قماشك وطبقي عنه المقاسات الىقستيها ثم قصي بالمقص تحصلي على طرف كتان مستطيل ثم هاتي الستان وقصيه على حسب عرض الاكدوار (قياس الدورة تاع الاكدوار راه هو العرض المقصود) وطول ديري حوال 25سم بحيث يكون عندك طرفين وكل طرف خيطيه من جهة ثم ركبي السنسير بصح السنسير ركبيه كان عن طول الكتان والطرفالباقي من الستان خيطيه من الداخل ثم شدي فم الاكدوارالى هم من استان واكمشيهم كالسرة وعكبي عنهم لامشينة وهم مرورين بحيث انكي تحافظي على الوسط ومن بعد اقلبي الكتان عن وجهه وشدي الجهة الى بش دريها في الواجه وركبيله البروش الى تجديه عند الي يبيع في حوايج الخياطة اختي اذا مافهمتيش حاجة عاودي اكتبيلي ورا نعاود نشرحلك

مـــيار · 2012-12-09, 00:27

السلام عليكم

ممكن تقولولي قداش نحتاجو قماش من النوعين للمطرح الواحد

و تشرحولي كيفية خياطة المخدة المربعة

و ممكن تقولولي ثمن خياطة هذا المودال

في إنتظاركم الله يوفقكم

مـــيار · 2012-12-10, 18:36

جاوبوني ربي ينولكم اللي فبالكم