~ ~ ~طلباتكم مجابة بإذن الله ~ ~ ~

[*بنت الاسلام*]

الله يعطيك الصحة فكرة هليلة زدت زينت بها المنتدى

[salii24]

السلام عليكم
فكرة الموضوع روووووووعة يعطيك ا لصحة زينوبة و كل الاخوات اللي يجابوا بكل رحابة صدر ما شاء الله عليكم
أمانا سؤالي كنت راح نعملو موضوع جديد وممبعد لقيت هذا الموضوع قلت و الله نجرب هنا و اكيد راح نلقا الجواب ان شاء الله

أولا انا حامل في الشهر السادس تقريبا
و حملي ضعيف وضعفني معاه
الطبيبة كل ما نروحلها تقولي لازم تاكلي مليح و انا عادتي من الفطور للغذاء، من الغداء العشاء

و أحيانا ما نقدرش ناكل و بصراحة من ضعفي وليت ما نقدر حتى نوقف بزاف و بالتالي نعمل غير الضروري في البيت وما نخممش على روحي و حتى الطبيبة عاملتلي روبو يعني حتى الخدمة ما نقدرش نروح 😓😩😢

ولهذا نتمنى تحطولي برنامج من الفطور حتى العشاء من الوجبات اللذيذة السهلة و المغذية في نفس الوقت خاصة بين الوجبات الرئيسية

و الجدول المرفق يشرح الفكرة
كان وزني قبل الحمل 79 كغ و الان 77 كغ ( مع العلم اني في الشهر السادس من الحمل!؟)

املي فيكم كبير

[ام محمد 05]

السلام عليكم اختي زينب من فضلك حطيلي وصفتك نتاع عجينة الهمبرغر والسوفلي هبلوني مشاء الله عليك فنانة

[أم أنفال 80]

كيفاش نصنعو دهان تع العرب لدهن الطعام

[fadila34]

المشاركة الأصلية كتبت بواسطة أم أنفال 80

كيفاش نصنعو دهان تع العرب لدهن الطعام

مساء النور اختي شفتك تسقسي على الدهان تحكمي زبدة تاع اللبن تشريها من عند اللبان تغسليها بلماء مليح يعني تغسلي وتعودي تزيدي الملء وتغسليها مليح وانتي تدلكي فيها وصفيها من الماء مليح مليح بعسرها بيديك ومبعد زيديلها الملح تحب الملح بزيدا ودلكيها وحطيها فى بلارات او علب بلاستيك واغلقي عليها زيدي روحي لقسم حراير الكوزينة صفحة 50

[*فاتن*]

مساء الخير عندي كمية من الشوفان المرحي و معرفتش فاش نستخدمو
ممكن تفيدوني باي وصفات نقدر نضيفو او حاجة نستعملو فيها و تكون مفيدة و صحية .و بارك الله فيكم

[أم ياسين الزهراء]

ادخلي لبروفيل عازفة الناي عندها مواضيع على الشوفان

[*فاتن*]

يعطيك الصحة ام ياسين
بصح صبت عندها غير وصفة وحدة تع خبز يا ريت الي عندها وصفات اخرى تفيدني بيها

[جنى سندس]

جزاك الله خيرا

[أم عبد الرحيم يوسف]

شكرا على هذه الصفحة نتمنى تساعديني جربت عدة طرق باش نحضر المطلوع هزيت حتى من المنتدى لكن مطلوعي هو مطلوعي مهما اختلفت الوصفات اعطيني اسرار العجين ربي يخليك حابة نحسن كسرتي ونديرها تبردلي قلبي ربي يجازيك خير

[عاازفة الأمل]

السلام عليكم
تعيشو قولولي علاه كي ندير الخبز ولا المعجنات تجيني فيهم ريحة لخميرة
كيفاه نتخلص منها

[سماح 26]

المشاركة الأصلية كتبت بواسطة أم عبد الرحيم يوسف

شكرا على هذه الصفحة نتمنى تساعديني جربت عدة طرق باش نحضر المطلوع هزيت حتى من المنتدى لكن مطلوعي هو مطلوعي مهما اختلفت الوصفات اعطيني اسرار العجين ربي يخليك حابة نحسن كسرتي ونديرها تبردلي قلبي ربي يجازيك خير

https://www.djelfa.info/vb/showthread.php?t=1229176

[فايزة1207]

زيدي شوية سكر للخميرة ونقصي من كمية الخميرة خاصة في الصيف

[zoubidaas]

السلام عليكم

اريد الاستفسار منكم عن احسن ماركة كما في السؤال four encastrable / plaque chauffante / la haute

و بخصوص الفور يوجد اريده بالمروحة و لكن لا ادري ايهما الاحسن :

اللي فيه بالغاز من الاسفل و الفوق غاز
او اللي فيه من الاعلى و الاسفل غاز


و كم الاسعار لو امكن

[ام احبتي]

مرحبازينب كيف حالك حبيت نسالك على الماشينة تاعك تاع السبور شحال تخدمي مرة فاليوم وشحال المدة حتان دخلت كرشك جاوبيني الله يجازيك