افكاركم لعمل الستاك

[ام ابتهال 02]

السلام عليكم ،
بغيت ندير ستاك بطريقة جديدة وسهلة وبنينة
اذا عندكم وصفات سهلة ماتبخلونيش بيها

[ام ابتهال 02]

ايــــــــــــــن انتم ،انا في حاجة لكم

[ام ابتهال 02]

ماكان حتى رد ، راني غي نقارع راح الحال على العشاء

[هبة ام عبدو]

انا نقول لاختي بالنسبة للحموم البيضاء بصدر الدجاج
شرائح صدر الدجاج مملحة بالملح والكمون ديري شريحة ثم حبة فورماج ورابي فوقها ثوم ثم اغلقيها بشريحة اخرى
غمسيها في البيض مضربة معاه مغرف ميزينة ورشة ملح ثم رمديها في الفرينة ثم في لاشابلوغ وقليها في كمية من الزيت الساخن
بالنسبة للحوم الحمراء تبليها
التتبيلة عبارة عن 2 مغارف زيت الزيتون مغرف كمون ورشة ملح وفلفل اسود لي حبها شوية حارة وشوية زعتر ومعدنوس ورقة رند 2 مغارف قارص وديري فيها شرائج اللحم خليها على اقل 8سا من احسن خليها تبات فيها ثم اشوي شرائح اللحم في الشواية ولا حمريهم في الفرن يجو روعة

[MINA-NINA16]

كاين بيكاتا و هبي عبارة عن لحم ستيك مقطع شرائح مثل الاصابع يحمر في قليل من الزبدة او الزيت ويترك جانبا وفي نفس المقلاة نحمر الفطر وكي يتحمر نضيفلو ملح وفلفل اسود نخلط ونتركه على جنب
في قدر نحط الكريمة الطازجة +عصرة ليمون+1/2م ص موطارد على نار هادئة ونتبل بالملح و رشة فلفل اسود وكي تسخن نضيف شرائح اللحم ونخلط نتركه قليلا ثم نصيف الفطر ونتركها على النار ونخلط من حين لاخر حتى تبدا الكريمة تعمل فقاعات وتثقال نطفي عليها وتفدم اما الى جانب رز او تاكل بالخبز
انا نعملها لكن باسكلوب الداند نقطعهم مكعبات ونخلطهم مع ملح+فلفل اسود+ثوم مفروم ونخليهم ليلة كاملة وفي الصباح نحمرهم ونعملهم بنفس طريقة الستيك صدقيني اختي الطعم روعة في الكيفيتين الا ان اصل البيكاتاpikata تنعمل بالستيك جربيها اختي و اكيد راح تدعيلي وبالتوفيق اتمنى ان اكون قد افدتك والسلام علبكم