بيتزاااااااااااااا

Awatifomadem · 2014-05-15, 20:17

المقادير
4 كيسان فرينة
3 م ك لحضة
1 م ك سكر رطب
1م ك خميرة الخبز
1 م ص ملح
1/4 كاس زيت
التحضير
خلطي المقادير كامل مع بعض و دخلي الزيت مليح في الفرينة ثم كبي الماء بالتدريج حتى تتحصلي على عجينة طرية غطيها و خليها تخمر

الان تحضير لاصوص
2 حبات طماطم
راس فلفل حار
2 سنات ثوم
شوي دبشة

اغسليهم و قطعيهم وارحيهم في الروبو

بعد ما ترحيهم ديريلهم شوي مح فلفل اسود و 3 م ك زيت و شوي دبشة مقطعة و خليهم ما طيبيهمش

بعد ما تخمر العجينة يكون شكلها كالاتي

نعاود نفشها و نعمل منها 6 كريات صغيرة

و نتركها تخمر للمرة الثانية حيث يكون شكلها هكدا

نجيب بلاطو الطياب مدهون بشوية زيت و نحلو بالحلال قرصة البيتزا و نخرقو ها بزاف

ندهنوها بهاداك لاصوص اللي ماطيبناهش

نزينوها بالزيتون و الفلفل و الدبشة

ثم ا ندخلوها للفور و نشعلولها طيب غير من تحت لانو البيتزا عمرك ما طيبيها من الفوق
و بخصوص الطياب تاع لاصوص انا كي يعود عندي الوقت نطيبها و كي يعود معنديش الوقت مانطيبهاش عادي البنة وحدة
الان نوجد حوايج التزيين باه منين تخرج من الفور نديكوريوها و ناكلوها سخونة

و هده هي النتيجة النهائية

10000000000000 عافية :

idron0 · 2014-05-15, 20:44

444444444444444444

الجواهر · 2014-05-15, 20:55

يعطيك الصحة

MINA-NINA16 · 2014-05-16, 20:26

يعظيك الصحة اختي بلينة هاااااااااااااااايلة

tahiya · 2014-05-16, 20:42

شكرا جزيلا لك اختي....لكن قلت الصوص ما نطيبهاش...وهل في الاخير تطيب مليح ولا لا.؟

anfal folla · 2014-05-16, 20:57

كيفاش تخمر بلا خمارة؟؟؟؟؟؟؟؟؟؟؟؟؟؟

ahlem nounou · 2014-05-16, 21:47

مشكككككككككككككككككككككككككككككككككورة

Awatifomadem · 2014-05-20, 08:24

اقتباس:

المشاركة الأصلية كتبت بواسطة tahiya

شكرا جزيلا لك اختي....لكن قلت الصوص ما نطيبهاش...وهل في الاخير تطيب مليح ولا لا.؟

ايه صح اختي لاصوص مانطيبهاش خاصة كي تكون الطماطم طرية و حمراء يعني ماهيش حامضة جي تهبل و حتى البيتزا كي تبغاي طيبيها شعليلها غير من التحت كون تشعليلها من الفوق خلاص يروح الدوق الخاص تاعها

Awatifomadem · 2014-05-20, 08:32

بارك الله فيك انفال فلة ربي عيشك و نطب من العضوات يسامحوني لهاد الغلطة مناه كي كنت نكتب في الوصفة راح عليا التريسيتي راح كل شي ومن الحماس تاعي باه نزرب نشارك مناه راني عضوة جديدة كي حالتك نسيت نضيف الخميرة اللي هي اهم حاجة ...معليش المرة الجاية نتوله مليح مليح اكرر شكري لك

Awatifomadem · 2014-05-20, 08:34

بارك الله فيك انفال فلة ربي عيشك و نطلب من العضوات يسامحوني لهاد الغلطة مناه كي كنت نكتب في الوصفة راح عليا التريسيتي راح كل شي ومن الحماس تاعي باه نزرب نشارك مناه راني عضوة جديدة كي حالتك نسيت نضيف الخميرة اللي هي اهم حاجة ...معليش المرة الجاية نتوله مليح مليح اكرر شكري لك __________________

اقتباس:

المشاركة الأصلية كتبت بواسطة anfal folla

كيفاش تخمر بلا خمارة؟؟؟؟؟؟؟؟؟؟؟؟؟؟

عطرالذهب · 2014-05-20, 08:36

يعطيك الصحة

أم إناس · 2014-05-20, 08:59

اممممم يعطيك الصحه

hano.jimi · 2014-05-20, 10:44