هل من اخبار عن الرئيس الجزائري.

[عبدإله16]

الله اشف الرئيس عبد العزيز الله عافه واحفظه يا رب العالمين.

رجاءا ادعوا له بالشفاء والرحمة
وكل من سمع خبرا فل يخبرنا .
جــــــــــــــــزاكــــــــــــــــــــــــم الله الف خيــــــــــــــــــــــر.

[Dj BoBo]

يقولون حالته مستقرة

نتمنى أن يظهر على التلفزيون لكي نعرف الحقيقة

أظنها مؤامرة قطرية إيرانية أمريكية صهيونية عالمية كونية

مع مشاركة مخلوقات من الفضاء



و الله أعلم

[jackin]

و الله أعلم

[حضنية28]

ربي يشفيه وسشفي المرضى المسلمين

[mehdi179]

لاول مرة يتناول الاعلام قضية مرض الرئيس ولو من مصادر فرنسية


غريب امر الرؤساء
الرئيس بوتفليقة 14سنة في الحكم وعجز عن بناء مستشفى يعالج هو فيه بدلا من الطيران الى مستشفيات فرنسا
طهوووووووور ان شاء الله

[ilyasoV]

اللهم اميـــن اين الاعلام من حقنا معرفة حال رئيسنا

[أبو معاذ محمد رضا]

من دعا لظالم بالبقاء فقد أحب أن يُعصى الله تعالى.

[السي محمد]

عندما يموت عالم من علماء الامة ...تنزل على الارض ظُلمة
عندما يموت كريم من اكارم الامة ...تنزل على الفقراء غُمة
عندما يموت ظالم من طغاة الامة ...فهذا للأُمة راحة و رحمة

[BENROBERT]

من دعا لظالم بالبقاء فقد أحب أن يُعصى الله تعالى.

وآحد مـآيغلطكـ أخي العزيز الرسول صلى الله عليه وسلمـ دعـآ لليهوديـ الليـ كـآن يرمي فالزبلة قدامـ بابـ بيته ..
ومـآبالكـ نحن هذا رئيسنـآ وليس بيهوديـ لذا كَلِمَتَيْ " ربي يشفيه " لـآ تضر أحد ...
وهذا الرئيسـ مـآكـآنش اللي كيفو ، +وهو عمر الخزينة و أنتم شفتوا أنه أعطى للبنك الدولي بزااااف صوارد
وتهافتت الدول لكي تعمل معنا علاقاتـ ...
جمي شفت في بلاد بلي يمدوا السكنة ببلاش غير فجزائر .. بصح الشعبـ اللي ومايصلح يدير البيساتون ويدي السكنة ويعاود وميخليش الدالة للغاشيـ ،،
والخدمة يقلكـ مكانش ، كاين الخدمة الغاشي ماتقراش وتحب تخدم فالبيرو اللي ماعندوش شهادة عندو يخدم ماسو ولا عساس بصح الله غالب شعب فنيان يتكبر على الخدمة تع الأرض والغنمـ ...
وبالنسبة لعندهم شهادة ليسانس برك نقلهم مادرلكم والو الله غالب تطورتـ الدنيـآ واللازم تكملوا قرايتكم كـآن عندي واحد نعرفوا عندوا ليسـآنس ملقاش خدمة بصح كي كملة قرايتو وأخد الدكتورا راه يخدم حاليا بالجامعة << شكون خرمنوا ، زاد أخد سكنة تع التعليم دركـ راه تزوج وعنده اولاد
بصح الشعبـ مفهمتوش الله غالب حاولت نفهمه ماقدرتش ، مايخدمش ومايتعبش ويروح يمنشر فالحكومة ، روحوا ربي يهدينا ويدي الجميع ، +

الرئيس بوتفليقة 14سنة في الحكم وعجز عن بناء مستشفى يعالج هو فيه بدلا من الطيران الى مستشفيات فرنسا

يـأختي المستشفيـآتـ كـآينة الطباء مكـآنش عملوا خطرة بحوث لقـآوا بلي أكثر من مئـآت الأطبـآء معندهمش شهادة الباكـ طلعوا بستون
لكنـ أكبر خطئين عملهم بوتفليقة هو معملش رقـآبة شديدة فالبلاد و دلل الشعب بزااف
المهم راني خرجت على الموضوع ربي يهدينا برك وربي يشفي بوتفليقـآ وكون غير تظهر مش حاجة كبيرة

[ام البنات الحلوات]

ليس من حقكم القول على بوتفليقة بالظالم ..اين هو الظلم
هل جعل الجزائر دولة يحسب لها الف حساب بين الدول الكبرى تسمونه ظلم,?
هل معاناتنا في العشرية السوداء من الارهاب .و مساهمته الجد فعالة في نزعه تسمونه بالظالم?
هل جعل الاف مناصب العمل للشباب البطال و جعل اعانات للشباب و كدلك للمرأة ..تسمونه بالظالم
اين تجدون في كل دول العالم الدراسة مجانية من الابتدائي الى ان يتخرج الطالب الا عند بوتفليقة و تسمونه بالظالم
انظروا الى اقرب الدول لدينا تونس هل يوجد عندهم العلاج مجاني .والله اللي ماعندوش يموت
احنا عندنا العلاج كامل بلاش و زيد فوق هدا عندنا التامين الشامل للعلاج..هل هو انسان ظالم
لدا اتقوا الله و تمنوا الشفاء لرئيسنا و حبيبنا بوتفليقة ...والله العظيم غير يخطينا نضيعوا
و اتدكروا هاد الكلام ......و نرجعوا متل سوريا ولا اكثر

[شهرزاد أم التوأم]

المشاركة الأصلية كتبت بواسطة ام البنات الحلوات

ليس من حقكم القول على بوتفليقة بالظالم ..اين هو الظلم
هل جعل الجزائر دولة يحسب لها الف حساب بين الدول الكبرى تسمونه ظلم,?
هل معاناتنا في العشرية السوداء من الارهاب .و مساهمته الجد فعالة في نزعه تسمونه بالظالم?
هل جعل الاف مناصب العمل للشباب البطال و جعل اعانات للشباب و كدلك للمرأة ..تسمونه بالظالم
اين تجدون في كل دول العالم الدراسة مجانية من الابتدائي الى ان يتخرج الطالب الا عند بوتفليقة و تسمونه بالظالم
انظروا الى اقرب الدول لدينا تونس هل يوجد عندهم العلاج مجاني .والله اللي ماعندوش يموت
احنا عندنا العلاج كامل بلاش و زيد فوق هدا عندنا التامين الشامل للعلاج..هل هو انسان ظالم
لدا اتقوا الله و تمنوا الشفاء لرئيسنا و حبيبنا بوتفليقة ...والله العظيم غير يخطينا نضيعوا
و اتدكروا هاد الكلام ......و نرجعوا متل سوريا ولا اكثر

كفاكم استغباء لنا كل ما يجي الشعب المسكين يطالب بشوية من حقو تسكتوه اسكت ولا نرجعو كيما سوريا
اختي شكون هادو لي راهم يديرو الف حساب للجزائر فرنسا ام امريكا لي راهي الجزائر غير تتنازللهم بقى غير الشعب يزيدو يبيعوه
وين راهي مناصب الشغل لي راكي تحكي عليها ولا حساء الموتى مناصب ماقبل التشغيل يحكيو عليها الناس
ا ي منهاج دراسي هدا الدي اصبح حقل تجارب من البتدائي حتى نظام lmd لي ماراهم فاهمين فيه والو
العلاج المجانييييي ههههههه مسكين لي ما عندوش المعريفة في المستشفى يموت قبل ما يوصل الموعد تاع العملية و المسؤولين راهم يعالجو في فال دو غراس
على كل حال نتمناولو الشفاء اللهم لا شماتة
و الجزائر لي جابت مليون ونصف شهيد راهي قادرة تزيد تجيب و علاه خلاصو الرجال حتى نضيعوا

[hakom]

اللهم اشف رئيسنا و ارحمه طهووووووورا ان شاء الله. كل نفس ضائقة الموت

[ام البنات الحلوات]

المشاركة الأصلية كتبت بواسطة أبو معاذ محمد رضا

من دعا لظالم بالبقاء فقد أحب أن يُعصى الله تعالى.

بالله عليك اين ترى الظلم

[ام البنات الحلوات]

[QUOTE=daysara21;1052442199]كفاكم استغباء لنا كل ما يجي الشعب المسكين يطالب بشوية من حقو تسكتوه اسكت ولا نرجعو كيما سوريا
اختي شكون هادو لي راهم يديرو الف حساب للجزائر فرنسا ام امريكا لي راهي الجزائر غير تتنازللهم بقى غير الشعب يزيدو يبيعوه
وين راهي مناصب الشغل لي راكي تحكي عليها ولا حساء الموتى مناصب ماقبل التشغيل يحكيو عليها الناس
ا ي منهاج دراسي هدا الدي اصبح حقل تجارب من البتدائي حتى نظام lmd لي ماراهم فاهمين فيه والو
العلاج المجانييييي ههههههه مسكين لي ما عندوش المعريفة في المستشفى يموت قبل ما يوصل الموعد تاع العملية و المسؤولين راهم يعالجو في فال دو غراس
على كل حال نتمناولو الشفاء اللهم لا شماتة
و الجزائر لي جابت مليون ونصف شهيد راهي قادرة تزيد تجيب و علاه خلاصو الرجال حتى ن
ضيعوا .نقلك حاجة يا أخي أنا ما نزيدش ناقش المهم عندي هو يبرى رئيسنا حتى و لو استقال .ولا ادا البقرة طاحت كثرو سكاكينها
ربي يهدينا

[ام البنات الحلوات]

نقلكم حاجة الشباب اللي يقولو بللي مادرلنا والو بغاو الماكلة تجيهم لفامهم