💁💁نصائح طبخ اجري اجري 💁💁

Nina rita · 2017-10-24, 14:47

💁🍽🍝🍔نصائح للطبخ : □كي تكون عندك بطاطا مقلية بايتة ديري فالمقلة شوية زيت وذبلي البصل و ثوم مسكرفج و ديري حبة طماطم مسكرفجة و ملعقة صغييييرة طماطم مصبرة و أرمي البطاطا تاعك في المقلة و ديري ملح و فلفل اسود و فلفل عكري و فرماج لي حبيتيه🍟 تجيكم هايلة □ كي تستعملي الخميرة من الأحسن تخلطيها مع الفرينة و ما تخليهاش تتلاقى مع الملح سواء خميرة كيميائية أو خميرة الخبز 🍰 □ كي تستعملي الفرينة أو الخميرة الكيميائية أو سكر قلاص أو مايزينة من الأحسن تغربليهم باش يخرج النفس 🍞 □ كي تحضري أي عجينة من الأحسن تسبقي في السوائل أولا🍚 □ كي تستعملي الطماطم المصبرة حليها قبل في شوية ماء و قلّيها قبل ما تمرقي🍜 □ كي تحبي تحمري الجاجة من الأحسن تدهنيها بمارغارين و تمارينيها بالتوابل و تخليها تبات ليلة كاملة في الثلاجة 🍗 □ كي تستعملي التوابل من الأحسن تخلطيهم قاع مع بعض تضيفيهم □كي تجيك الماكلة مالحة ضيفيلها السكر او قطعة خبز او قطعة تفاح 🍲 □ كي تحبي تحمري الخضرة في الكوشة أدهنيهم بزيت زيتون باش تجيك مقرمشة و محمرة 🍅🌶🍆 □كي تحضري الكريمات أو صوص بيشاميل من الأحسن خلطي كلش بارد في بارد و حطي فوق النار تعقد 🍲 □باش تنجحلك لبيتزا لازم يكون الفرن تاعك سخون بزاف 🍕 □ باش تخمرلك العجينة لازم تحطيها في مكان دافي و غطيها مليح □ كي تحضري البريوش باش تتحصلي على اللون الذهبي ديري شوية قهوة مع صفار البيض🍞 □ باش تحافظي على الحشاوش تاوعك ديريهم في قرعة تاع بلاستيك🌿☘🍃 □ كي تشربي الجنواز ولا البسبوسة تاعك بالشاربات لازم تكون الكيكة تاعك باردة و الشاربات سخونة أو العكس 🍩 □ كي تحضري الكيكة ما تنحيهش من المول حتى تبرد تماما 🎂 □ كي تحبي تعوضي الكريم فريش ديري شوية فرينة + شوية حليب + شوية ماء + شوية موتارد و حطيهم فوق النار يعقدو □ كي تكون الحشوة تاع البوراك ناقصة خلطيلها حبة بطاطا مغلية و بصل مذبل 🌯 □كي تطلعي المورانغ من الأحسن طلعيه في حمام مائي باش يشد روحو 🍥 ■●إن شاء الله يعجبوكم نصائح