شوربة الكرنب حارقة للدهون / ياو سبيسيال للسمنات

أم يحي صهيب · 2013-09-20, 20:29

استحلفك يا قارئة موضوعي بالرد والدعاء لي بالدرية الصالحة

لكل متابعة الريجيم تقولنا البرنامج ديالهاا وعلى هادي الصفحة ان شااء الله ننقصو يا الله

السلام عليكم
عارفة انو كل اخت راها تعاني من الكريشة والسمونية
وانا وحدة منهم الصراحة الا ساعفتي هم هم راها صعيبة تضعافي ومع عقاد الدااار الله يستر
ايوا انو جربت شوربة الكرنب
الله الله
راني ضعافيت عليها ب5 كيلو
قولو الله يبارك هههههههههههههه اضربوني بعين باش نزيد

طريقة التحظير

1كرنب
ربطة معدنوس
2بصلات
1 فصة ثوم
1فلفل اخضر
قارس
مغرف صغيرة ملح
مغرف كبيرة زيت

تديري كل شي في طنجرة ولا كوكوت وتحرقيهم وضيفي الماااء وخليهم يطيبو مليح ومنبعد اطحنيها وكل ما تاكلي ضيفي القااارس تجي بنينة وحامضة

واشربي 8 كيسان ماء
وانا راني مداومة على زريعة الكتان مطحونة ناكلها في دانون 0

يا الله اهي صور ديالها
ولا تنسوني من الدعاااء اكرمكم الله

فوائد الكرنب
يعتبر مصدرا غنيا للفيتامينات والمعادن
يكافح آثار الشيخوخة
الملفوف الأحمر او الكرنب يعتبر مصدر رائع لفيتامين ج الذي يساعد في مكافحة الأكسدة بالتالي في الحفاظ على بشرة جميلة وتأخير الشيخوخة بشكل طبيعي. الأوراق الخارجية هي جد غنية بفيتامين E
الذي يساعد في الحصول على بشرة متوهجة
جيد للعيون والجلد
الملفوف الأحمريعتبر مصدرا غنيا بالفيتامين A
الذي له دور في الحفاظ على البصر. فيتامين A أيضا بمثابة مرطب طبيعي.
يعزز المناعة
الملفوف الأحمر هو مصدر وفير بفيتامين E.
يطهر الجسم
الملفوف الأحمر يحتوى على كميات كبيرة من الكبريت وغيرها من المعادن التي تعمل على تطهير الجهاز الهضمي

هانا شاطرة جبت ليكم الطريقة وفوائد ديال الكرنب

وكل ما تجوعي كولي الفاكهة بلا حساب

لازم تبعدي على الخبز كليااا ودوامي تاني على اكل تمرات مع اللبن
فيما يخص شوربة الكرنب لازم تاكليها كل ما تجوعي

ladymillion · 2013-09-20, 20:36

مممممممممممممم راني انا وحدة نعاني من الكريشة والسمنة ههههههههههههههههه شكرا لك كثيرا على المعلومات والوصفة

ريتان · 2013-09-20, 20:39

رووووووووووووووووووووووووعة

hanane220 · 2013-09-20, 20:40

أنا نشجع لبنات أنا جربتها كنت نأكل مليح في نهار و مين إنجي من خدم في مساء على السادسة مساءا نأكل غرفية و ما نزيدش نأكل أي شء لكن تقريبا لتر من الماء نشربه و مين نجوع نأكل حبة تفاح و نروح نجري ههههه نغسل أسناني بالمعجون هههههه باش مانكلش و كانت نتيجة رائعة نقصت 2 كيلو في أسبوع و مصران وداعا مام كوستيبي بأي بأي و الحمد لله جربها رائعة

أم يحي صهيب · 2013-09-20, 20:47

الله يبارك يا حنااان ايوا عندك شئ وصفة قولينا بعداااا بااش لبنات يستفاادو ان شااء الله

فايزة44 · 2013-09-20, 20:59

شكررررررررررررررررررا سارة على الوصفة انشاء الله في ميزان حسناتك ورزقك الله اجرها الذرية الصالحة عاجلا غييييييييييير اجل يارب

ام الهضاب · 2013-09-20, 21:05

يعطيك الصحة
انا راني مجربة زوج بيضات مشرشمين و من وراهم مباشرة كأس تاي كبير راه يقطع الشهية تماماً لساعات طويلة ان شاء الله استفادوا منها

منى 22 · 2013-09-20, 21:11

شكرااختي سعيدة هل تاكل غير في الليل فقط وزريعة الكتان هل دخل الكرش ام تنقص ا لوزن

أم ماجد · 2013-09-20, 21:38

سارة حطيت يدك على الجرح كون تشوفيني تقولي بالحمل ههههههههه
لكن عمري جربت الريجيم ومانحبوش خلاص
مانحبش نكون مقيدة هاذي طبيعتي الله غالب
ونحب الحلويات بزاف لازم ناكل ولو مرة حاجة حلوة في النهار كي مانلقاش نروح ناكل ملعقة سكر واعععععععععع
ساعديني

أم يحي صهيب · 2013-09-20, 22:33

اقتباس:

المشاركة الأصلية كتبت بواسطة فايزة44

شكررررررررررررررررررا سارة على الوصفة انشاء الله في ميزان حسناتك ورزقك الله اجرها الذرية الصالحة عاجلا غييييييييييير اجل يارب

اللهم امين يا اختي جزاك الله خيرا على الدعاااء

أم يحي صهيب · 2013-09-20, 22:37

اقتباس:

المشاركة الأصلية كتبت بواسطة أم ماجد

سارة حطيت يدك على الجرح كون تشوفيني تقولي بالحمل ههههههههه
لكن عمري جربت الريجيم ومانحبوش خلاص
مانحبش نكون مقيدة هاذي طبيعتي الله غالب
ونحب الحلويات بزاف لازم ناكل ولو مرة حاجة حلوة في النهار كي مانلقاش نروح ناكل ملعقة سكر واعععععععععع
ساعديني

الله الله يا اختي السكر تاني

انا الصراحة راني 80 كيلو الله يبارك ويليقلي نزيد نضعاف
وليت مننين نخرج يقولو واش بالحمل
مرضتني الكرش هههههههههههه
يا الله ديري الريجيم معاياا وبسم الله