نصائح لأشبال بكالوريا 2018 من مجرب لبكالوريتين 2016 و 2015

[Mr-Y]

بسم الله الرحمان الرحيم و الصلاة و السلام على أشرف المرسلين ,
بادئا فكرت في كتابة هذا الموضوع عدة مرات لكن لضيق الوقت فقد أجلت هذا الموضوع إلى حد الآن .
نتوما اشبال باك 2018 انا فوتت باك 2015 و ما نجحتش , و فوتت باك 2016 نجحت لكن بمعدل ضعيف , ننصحكم :
في الصيف اقراو لكن المواد العلمية برك خلوكم من الأدبية , الرياضيات في الباك ما نقولش ساهلة و ما نقولش صعيبة , تحتاج برك شوي تركيز و شوي جهد برك , مثلا انا كي رحت نفوت مادة الرياضيات كنت أكثر واحد ما يحلش التمارين في القسم تاعي , كامل قتلو رواحهم وانا نحل غير الوحدات اللي يعجبوني كيما الدوال الاسية و اللوغارتمية و شوي من الاعداد المركبة و شوي من الهندسة ... الخ ضمنت نقطة 10/20 , اما اللي قتلو رواحهم في العام كامل و 3 من صحابي قريت معاهم كانو خير مني في المواد الاساسية الثلاثة : واحد خير منا في العلوم , و واحد خير منا في الفيزياء , و واحد خير منا في الرياضيات , انا كنت الأسوأ بيناتهم في المواد الثلاثة هاذو , كي كنا نقراو مجموعة طوال العام , هوما يقتلو رواحهم وانا نحل غير الدوال في الرياضيات و شوي من الهندسة و شوي من الاعداد المركبة و توجور مورالي طالع و نكونكتي و ناكل و انا مرتاح عكسهم هم قاتلين رواحهم بكل معنى الكلمة , ثانيا بالنسبة للفيزياء كنت انا و الفيزياء عبارة عن خطان متوازيان لا يلتقيان ابداااااااا , كنت حمار في هاذي المادة بكل معنى الكلمة لدرجة جانا سؤال : لماذا نضيف الماء البارد للتجربة , قلتلهم : لان الماء البارد منعش هههه , داب لا نعرف وش نجاوب الا شوي من الوحدة الاولى و شوي من الوحدة الثانية و الثالثة , اما الباقي عبارة عن كرسي فوق كرسي , كنت نقرى مع مجموعة كيما قلتلكم , واحد فينا هو العبقري في الفيزياء نقولولو اينشتاين , ياكلها اكلاااااااااا , اعطيلو سؤالا في ثانية يجاوبك هههههه انا كي كانو يقولولي : نتا الباك قرب و ما تعرف والو , ههههه في الباك انا اديت اكبر نقطة في القسم هههه 6.5 / 20 , و العبقري فينا ادا 5.5 ههههههه , بالنسبة للعلوم كنت لاباس في الوحدات الثلاثة الاولى , و اللي نقرا معاهم في مجموعة واحد فيهم نقولولو " خلية معوية " من كثرة انسجامو في العلوم هههههههه كانو يجريو عندو يعطولو سؤال يجاوبهم ثمثم , في الباك انا اديت 9/20 اكبر نقطة ههههه و هو ادى 7.5 /20 , المهم الزهر و الزهر , بالنسبة للمواد الادبية , كنت المخير في الفلسفة و التاريخ , يعيطولي الفيلسوف المؤرخ , وانا في الحقيقة كنت ندير من راسي لدرجة انو المقولات تاع الفلاسفة في الباك درتلهم من عندي مقولاتي انا و زدتلهم قال سقراط و قال افلاطون هههههه كنت نحول مقولاتي لدرجة انو لي يقراهم يحسابهم تاع فلاسفة صح , اديت 14/20 و انا ماني حافظ والو مجرد خيال فقط , التاريخ كنت نخرطلهم في التاريخ لكن صحيح , ما حفظت ما والو لكن اجاباتي كانت منطقية , مثلا يعطوك سؤال : سبب خروج الاستعمار من الجزائر , نلقى صحابي قاتلين رواحهم بالحفاظة , و انا نحير نقولهم : ا عباد ربي نتوما اغبياء , وشبيك خرج الاستعمار من الجزائر بسبب الكفاح المسلح المطول , و الضغط الدولي , و هوما يقولولي : كيفاه عرفت ؟؟؟؟ انا نقولهم : نتوما اغبياء للدرجة هاذي , باين الكفاح , اعطيتلهم سر قلتلهم باه تنجحو في التاريخ , اربطو الحرب العالمية الثانية و الاولى بالثورة التحريرية , استقلال مثلا فرنسا عن المانيا في الحرب العالمية الثانية تقريبا الاسباب متشابهة مع الثورة , و هوما يحيرو , بالنسبة اللفرنسية و الانجليزية كنت نديرلهم من راسي ثاني هههههه كي كنت صغير تفرجت كوميكات و شرائط وثائقية بالفرنسية هزيت شوي كلمات , و مزجتهم مع هذا الباك ههههه اديت في الفرنسية 16 / 20 بالرقدة و الانجليزية 13/20 بالرقدة هههههه العلوم الشرعية جامي طليت عليها شوي ثقافة عامة اديت 13 / 20 , اللي حفظو اداو 2.5 و 5 و 7 هههههههه الادب ما نكذبش عليكم داب مقفوووول ههههههه اديت 8.5 / 20 من راسي ههههه و هكذا تمتعت بالباك تاعي 2016 و قريتلو شوي .
يعني نستنتجو انو الزهر داخل في الباك و ما تطيحوش المورال هاذي نصيحتي في كلاصتي نجحت انا و الباقي ما نجحوش هههههههه

[Mr-Y]

المهم نصيحتي : شوي جهد + شوي تركيز + زهر + لعب + مورال طالع =========== نجاح في الباك

[اَشْرَفْ اَنيِسْ]

شكرا على النصاءح

[مريم المتفائلة]

ربي يوفقك يا اخي لكن الله لا يضييع اجر من جد وكد ولي يتعب ربي يعوضواا
على العموم ربي يوفقك اخي وشكراا على النصائئئئئئح

[Mr-Y]

مشكوريييييييييين خاوتي , موش كي قلتلكم الزهر , تنوضو تطلقو الباك بكل هههههههه لازم شوي تعاب

[مريم المتفائلة]

والحظ لا يلعب دوووور أساسي للنجاح اذا راك حاب تحقق الامتياااز لا زم تدرس بذكاء وليس بجهددددددد

[طالبة لها هدف]

لي تعب و قرا و شقى يربح
اما هذاك لي يبات راقد و يكونكتي يربح الشعر
باسكو ربي يقول
ان الله لا يضيع اجر من احسن عملا
المهم حنا نديروا لي علينا الباقي على ربي سبحانو

[Mr-Y]

المشاركة الأصلية كتبت بواسطة المثقفة الصغيرة

لي تعب و قرا و شقى يربح
اما هذاك لي يبات راقد و يكونكتي يربح الشعر
باسكو ربي يقول
ان الله لا يضيع اجر من احسن عملا
المهم حنا نديروا لي علينا الباقي على ربي سبحانو

وش تقولي لوكان نقلك انا من النوع اللي يبات يكونكتي و راقد هههههههههه

[طالبة لها هدف]

المشاركة الأصلية كتبت بواسطة harry poter

وش تقولي لوكان نقلك انا من النوع اللي يبات يكونكتي و راقد هههههههههه

ممكن عندك ثقافة عامة قدرت تجمع بيها نقاط
ولا ضربة حظ و دعوة الوالدين

[Mr-Y]

المشاركة الأصلية كتبت بواسطة المثقفة الصغيرة

ممكن عندك ثقافة عامة قدرت تجمع بيها نقاط
ولا ضربة حظ و دعوة الوالدين

ههههههه شكرا على الرد

[طالبة لها هدف]

المشاركة الأصلية كتبت بواسطة harry poter

ههههههه شكرا على الرد

ممكن تقلي الا الرياضيات تع الباك صعيبة ولا لا

[المُعادلة الصّعبة]

سلام اخي
خويا لاحظت بلي استعملت مصطلحات وصفت روحك بأنك مثلا فاشل في ماده ما ولكن من كلامك وخصوصا الجزء الاخير من هدرتك تبينلي بلي عندك قدرات وامكانيات كبيره وذكي ومميز ؟ فقط انت ما استغليتش كل هذا وما منحتيش لقدراتك الفرصه انها تبان
صدقني خويا ماكش حابس كيما تقول انا من كلامك تاكدت انو عندك جانب ذكاء وتفوق كون استغليتيه برك تجيب معدل كبير فالباك , مي نتا حبيت هكاك كيما قلت كونكسيو و لعب وتمسخير وضحك و "زهر"
ربي يوفقنا اخي شكرا على الموضوع

[Mr-Y]

المشاركة الأصلية كتبت بواسطة الريانة الطموحة

سلام اخي
خويا لاحظت بلي استعملت مصطلحات وصفت روحك بأنك مثلا فاشل في ماده ما ولكن من كلامك وخصوصا الجزء الاخير من هدرتك تبينلي بلي عندك قدرات وامكانيات كبيره وذكي ومميز ؟ فقط انت ما استغليتش كل هذا وما منحتيش لقدراتك الفرصه انها تبان
صدقني خويا ماكش حابس كيما تقول انا من كلامك تاكدت انو عندك جانب ذكاء وتفوق كون استغليتيه برك تجيب معدل كبير فالباك , مي نتا حبيت هكاك كيما قلت كونكسيو و لعب وتمسخير وضحك و "زهر"
ربي يوفقنا اخي شكرا على الموضوع

مشكووووورة اختي , والله حشمتيني ههههههه انا ما نقولش على روحي ذكي ولا مميز , لكن عندي شوي خيال وظفتو و نجحت :d:d

[اللوتس الاحمر]

شخصيـــــــــا أرى ان الشاذ لا تقامـ عليه القاعدة

ربما انت حالفك الحظ و لما لا

و لكن لا أظن ان البكالوريا مجرد حظوظ فقط (لا انفي وجود الحظ و لكن بنسبة ضعيفة و يقتصر على الاستاذ الذي يصحح ورقتك فقد يكون جديدا لا يفهم ما تقصده ) هل تعتقد ان من تحصل على 18 او 19 كان ينامـ و يجلس على النت و اتى ذلك المعدل بالحظ قطعا لا بل اجتهد

ان الله لن يضيع عمل احد و تعبه كن على ثقة

[²"عَاشِقَةُ النُّجُومِ*>>]

شكرا على نصائح
ولكن يا اخي الزهر ميلعبش الدور كيما يقولو الناس بكرري كل واحد ومكتوبو
مي مليييح ربي يوفقك وينجحك اخي سلام