مايوناز ماجيك ........من اسهل و اروع ما يكون

*سماح 94* · 2015-10-05, 13:13

السلام عليكم اخواتي و حبيات قلبي ان شاء الله تكونو كااامل بخير
جبتلكم اليوم روسات جديدة للمايوناز سهلة بزااااااااااااااف و ناجحة و بنييييييييييينة ذوقها افضل من لوسيور او من اي روسات جربتها قبل
الطريقة من عند اخت مغربية جزاها الله كل خير عليها
بسم الله نبداو
نحتاجو ربع لتر زيت اي كاس كبير في الوصفة الاصلية مولاتها دارت زيت زيتون و قالت تقدرو تستعملو اي نوع زيت فيها انا درت خليط بين زيت عادي و زيت زيتون بيضة ملح فلفل اسود موطارد و مغرفة كبيرة قارص او خل و ثوم اختياري طبعا
اهم حاجة انو كلشي يكون بدرجة حرارة الغرفة ضرووووووووووري
و السر في هاذ الوصفة انك تخدميها بالبرا le bras mixeur لا باتور لا ميكسور و لا فوي لااااااااازم لازم البرا و الحاجة لي رايحين تخدمو فيها تكون جاية بالطول كيما الكاس لي في الصورة او بلارة او حاجة هك المهم ما تكونش مبسطة كيما الطبسي
في كاس الخلط نحطو المكونات بهاذ الترتيب بيضة ملح و فلفل و موطارد قارس و الزيت اخيرا يعني نخلطو كلش مع بعض مش كيما موالفين نصبو الزيت تدريجيا لااا هنا نحطوه مع كلش

نحطو البرا في قعر الكاس و نبداو نميكسيو من الاسفل و نطلعو يدنا تدريييجيا راح تبدا تتكون المايوناز في الاسفل و كل ما تتكون طبقة حنا نطلعو يدنا بالشوي و نمشيو حتى تخلاص كمية الزيت و نلقاوها ولات كااامل مايوناز الوقت تاع الخلط انا حسبتو بالضبط جاني 42ثانية تخيلو سرعة التحضير !!! ههههههه

شوفو قوامها كيفاه يجي كثييييف و البنة ما نحكيلكمش و كي درت زيت الزيتون ماجاتش ميدمة بزاف كيما موالفينها و في الذوق ماجاش يبان بلي فيها زيت زيتون خلااااص ا

هاذ المقادير دارتلي حوالي 200 غ

هاهي شفتو وش ساهلة و اكيد مضمونة و بنييينة
ما تنساونيش بدعوة في ظهر الغيب حبيباتي

سلااااااااااااااااام

دلوعة أبيها · 2015-10-05, 13:25

ربي احققلك واش تتمناي

وردة الشمس · 2015-10-05, 13:28

نفس الطريقة لي نديرها ونزيد نقلك سر كي تخلصي حطي حبة فرماج ومكسيها معاهم وتشوفي البنة والخفة اممممممممممممممم
يعطيك الصحة

زهرة الريف* · 2015-10-05, 13:29

مشكورة أختي سماح على الوصفة بارك الله فيك
ربي يسرلك أمورك ويحققلك امانيك يارب

البحر الصافي · 2015-10-05, 13:30

مشكورة سماح يجعلها في ميزان حسناتك نجربها ونردلك لخبر راهي تبان ساهلة وبنينة

*سماح 94* · 2015-10-05, 13:32

اقتباس:

المشاركة الأصلية كتبت بواسطة دلوعة أبيها

ربي احققلك واش تتمناي

ربي يخليك و يحفظك اختي ماكانش اجمل من هاذ الدعوة

*سماح 94* · 2015-10-05, 13:33

اقتباس:

المشاركة الأصلية كتبت بواسطة وردة الشمس

نفس الطريقة لي نديرها ونزيد نقلك سر كي تخلصي حطي حبة فرماج ومكسيها معاهم وتشوفي البنة والخفة اممممممممممممممم
يعطيك الصحة

تصدقي والله خممت ندير فيها فرماج قلت اكيد رايحة تجي بنينة بزاف و دوك اكدتيلي المرة الجاية ان شاء الله نديرها بيه
ربي يحفظك وردة

أم أماني وعبدو · 2015-10-05, 13:33

الله يبارك يعطيك الصحة انا نموت على المايوناز وفكرة زيت الزيتون جديدة ان شاء الله نجربها

*سماح 94* · 2015-10-05, 13:34

اقتباس:

المشاركة الأصلية كتبت بواسطة زهرة الريف*

مشكورة أختي سماح على الوصفة بارك الله فيك
ربي يسرلك أمورك ويحققلك امانيك يارب

اهلا بيك حبيبتي توحشتك من مدة ما شفتكش
ربي يخليك على الدعوة الطيبة الف شكر

زينب 83 · 2015-10-05, 13:34

يعطيك الصحة سماح تحفة تحفة ، انا ولادي يموتو على المايونيز لكن انا مانديرهاش نهايي لانو فيها كمية كبيرة من الزيت و هو غير صحي لكن راح نجربها بطريقتك بزيت الزيتون بإذن الله و هكذا راح يأكلوا زيت الزيتون بطريقة غير مباشرة ، شكرًا غاليتي

*سماح 94* · 2015-10-05, 13:36

اقتباس:

المشاركة الأصلية كتبت بواسطة البحر الصافي

مشكورة سماح يجعلها في ميزان حسناتك نجربها ونردلك لخبر راهي تبان ساهلة وبنينة

ربي يخليك يا احلى بحر
غير جربيها و رديلي الخبر ان شاء الله تعجبك

*سماح 94* · 2015-10-05, 13:38

اقتباس:

المشاركة الأصلية كتبت بواسطة أم أماني وعبدو

الله يبارك يعطيك الصحة انا نموت على المايوناز وفكرة زيت الزيتون جديدة ان شاء الله نجربها

ربي يخليك حبيبتي ام اماني جربيها اكيد مش راح تندمي عليها
و كي تجربيها رجعيلي برايك ههههه

ام ساجد · 2015-10-05, 13:38

يعطيك الصحة سماح زيدي معاها الفرماج تجي اممممممم

*سماح 94* · 2015-10-05, 13:40

اقتباس:

المشاركة الأصلية كتبت بواسطة زينب 83

يعطيك الصحة سماح تحفة تحفة ، انا ولادي يموتو على المايونيز لكن انا مانديرهاش نهايي لانو فيها كمية كبيرة من الزيت و هو غير صحي لكن راح نجربها بطريقتك بزيت الزيتون بإذن الله و هكذا راح يأكلوا زيت الزيتون بطريقة غير مباشرة ، شكرًا غاليتي

ربي يخليك حبيبتي زينب
ان شاء الله تجربيها و تعجبك و بزيت الزيتون اكيد تجي صحية اكثر و ما تجيش ميدمة وكليهالهم متهنية ههههه

*سماح 94* · 2015-10-05, 13:42

اقتباس:

المشاركة الأصلية كتبت بواسطة ام ساجد

يعطيك الصحة سماح زيدي معاها الفرماج تجي اممممممم

ربي يحفظك حبيبتي ام ساجد
اكييد المرة الجاية رايحة نجربها بيه خاصة كي اكدتولي انت و وردة