إلى كل نساء المنتدى الفحلات ....اكلات تقليدية

[nadiem]

[QUOTE=merieme hassi;5754273]السلام عليكم
واش راكم يا الحبيبات
في تلمسان نعملو هدا النوع من المعجنات و نسميه المشعد لانو يطيب علي الطاجين
و نفس النوع نقليوه في الزيت و نسميه المسمن
https://www.djelfa.info/vb/showthread...=568496&page=2

و هدا هو المشهد و لا المسمن على الطريقة المغربية من مطبخي

حنونة حنا نديرو هم كيف كيف ونسميوهم سمنيات بصح بلا خميرة واحيانا بالسميد وحدو كي ما تكونش كاينة الفرينة يتعجن مليح كي الفارمسة =الشخشوخة كيما يسميها لبعض او الرقاق .... وتجي رقيقة بزاف على لي في الصورة ...اما التوريق يكون بالزيت برك واحيانا كي ندير الفارمسة نخدم ايضا سمنيات..... حبة طايبة نطبقها ونغلفها بوحدة ماشي طايبة ....تجي تحفة ..مورقة ونشربو بيها لحليب..

[nadiem]

تحفة وباين ينين راهو جوّعنيييييييييييييي

[nadiem]

المشاركة الأصلية كتبت بواسطة merieme hassi

نسيت باش نقلكم احنا ناس الغرب مشهورين بالحريرة
في الايام القادمة ان شاء الله نوضع موضوع عليها
و السر في نجاحها في استعمال التوابل و القصبر
انا نخدمها في بعض المرات بلا لحم و لا دجاج و تجي هايلة
جيراني يحبوها بزااااااااااااااااااااااف
ليا عودة ان شاء الله

راني نستنا فيها شكراااااااااااا

[البلبلة]

[nadiem]

المشاركة الأصلية كتبت بواسطة البلبلة

وفيك بركة بصح ما تروحيش بلا متحطيلنا وصفة يا جارتي ....واش كاش ملوخية

[nadiem]

سمنيات = هي نفس عجينة المحاجب =الرقاق او الفارمسة =الشخشوخة


كيلو طحين يمكنك ان تمزجي بين الطحين و السميد الرقيق او نستعمل سميد رطب وحدو

ملح حسب الرغبة

زيت وزبدة للدهن

ماء لخلط العجين

في إناء نضع الدقيق والملح نضيف بعد ذلك الماء حتى نحصل على عجين متماسك ورطب.نعجنها جيدا دون تمزيق مع اضافة الماء لتصبح مطاطية

نقطع العجين كويرات صغيرة بحجم كرة التنس بعدما يخلص العجين نحط الكل الكويرات في صحن كبير مدهون بالزيت حتى ما يلصق العجين. ونتركها ترتاح

نأخداول كرة ونبسطها بازيت والزبدة المذوبة
نبدأ نطوي الجوانب
وفي الاخير نبسط المسمنة حتى تاخد شكل مربع نضعها فى مقلة مسخنة من قبل ومدهونة بالزيت او طاجين الحديد
حتى تتحمر من الوجهين .

وممكن نعملو 2في بعضاهم باه تجي مورقة
; وهي نفسها العجينة تاع المحاجب بصح تتحشى بصل وطماطم


وايضا نفسها عجينة الرقاق




بصح في سطيف يديروها بالفرماس على بيها يسميوها مفرمسة او بالزبيب

المقــادير

المــرق

- اللحم

- البصلة

- الثوم

- فلفل اسود

- فلفل احمر حلو وحار

- كسبر

- راس فلفل حار اخضر

- الزيت

- الملح

- الطماطم نتاع الحب زوج

- والباقي نتاع لباطات

- الزبيب

- الحمص.

طريقــة التــحضير معروفة
واي سؤال راني هنا
ملاحظة : الرقاق يتفور مرة وحدة وما يتجمرش يعني يتسقى برك خاطر يتعجّن

[nadiem]

البوراك :
البوراك معروف طبعا ويحشى اي شيء
حنا طريقتنا ساهلة
بطاطا مشرشمة ومسكرفجة في السكرفاج الخشين نخلطو معاها قطع فرماج والتون والحشيش ملح والبهارات ونخلطو بلا ما نعجنّوا البطاطا لازم تبقى مفتفتة ومنحشيو البوراكات ونقليوهم


وكاين البريك نفس الحشو و نكسرو حبة بيض نية في الوسط ثم نقفلو البوراك على شكل مربع



وكاين ايضا بوراك العجينة : الحشو كيما السابق وممكن يكون سلق او لحم مرحي
العجينة :

3 كيسان فرينة +فنجان زيت وزبدة +حبة بيض +ملح +ماء تعجن وتترك ترتاح ثم تطرح وتقطع دوائر وتحشى وممكن تقلى او الى الفرن




:1 9:

[nadiem]

خبز الدار التقليدي:ا

المقادير
سميد حسب الحاجة +زيت (مبسس )+سينوج وجلجلانية+خميرة خبز +ملح وماء
الطريقة :
نبسس السميد مع الملح والخميرة والسينوج والجلجلانية والزيت ثم نبل بماء دافي ونعجن مليح ونخليه يخمر ثم نحطو في بلاطوات مدهونين بالزيت وندهنو بالبيض ونرش جلجلانية وسينوج وممكن نزينو بدوائر باستعمال كاس
نزيد نخليه يخمر والى الفرن

في العيد نعملو من نفس العجينة خبز والباقي نعملوه دمى بسروال للذكور وبتنورة للبنات باستعمال المقص واسمهم حنونات

[merieme hassi]

[QUOTE=nadiem;5759629]البوراك :
البوراك معروف طبعا ويحشى اي شيء
حنا طريقتنا ساهلة
بطاطا مشرشمة ومسكرفجة في السكرفاج الخشين نخلطو معاها قطع فرماج والتون والحشيش ملح والبهارات ونخلطو بلا ما نعجنّوا البطاطا لازم تبقى مفتفتة ومنحشيو البوراكات ونقليوهم


وكاين البريك نفس الحشو و نكسرو حبة بيض نية في الوسط ثم نقفلو البوراك على شكل مربع



وكاين ايضا بوراك العجينة : الحشو كيما السابق وممكن يكون سلق او لحم مرحي
العجينة :

3 كيسان فرينة +فنجان زيت وزبدة +حبة بيض +ملح +ماء تعجن وتترك ترتاح ثم تطرح وتقطع دوائر وتحشى وممكن تقلى او الى الفرن




:1 9:
[/QUOTE
السلام عليكم
واش راكم
يا اختي احنا البوراك منعملوش فيه البطاطا
نخدم البوراك بالكفتة و الفرماج و تحبي تزيدي البيض المسلوق كل واحد كيما يحب
اما البريك نعملو بالبيض و الفرماج و تحبي تزيدي التون و لا الكفتة كل واحد ودوقه
المهم البطاطا منعملوهاش في البزراك ولا البريك
شفت هدي الطريقة عند حبيبتي من قسنطينة و كدلك من عند حبيبتي شاوية من باتنة
حاجة مليحة نتعلمومن بعضنا
ربي يهنيك يا الحبيبة

[نينا الجزائرية]

فكرة هايلة يعطيكم الصحة

[nadiem]

[QUOTE=merieme hassi;5760843]

المشاركة الأصلية كتبت بواسطة nadiem

ا









:1 9:
[/QUOTE
السلام عليكم
واش راكم
يا اختي احنا البوراك منعملوش فيه البطاطا
نخدم البوراك بالكفتة و الفرماج و تحبي تزيدي البيض المسلوق كل واحد كيما يحب
اما البريك نعملو بالبيض و الفرماج و تحبي تزيدي التون و لا الكفتة كل واحد ودوقه
المهم البطاطا منعملوهاش في البزراك ولا البريك
شفت هدي الطريقة عند حبيبتي من قسنطينة و كدلك من عند حبيبتي شاوية من باتنة
حاجة مليحة نتعلمومن بعضنا
ربي يهنيك يا الحبيبة

وعليكم السلام اختي جربيه في رمضان الجاي نشالله على الاقل تقتصدي شوية في اللحم ههههههههههههههههه
يجي خفيف بصح ما لازمش تعجني بطاطا خليها مفرفتة وكثري الفرماج والتون

[nadiem]

المشاركة الأصلية كتبت بواسطة نينا الجزائرية

فكرة هايلة يعطيكم الصحة

شكراااااااااااااا لمرورك

[nadiem]

سردين :مممممممممممممممممممممممممممممم
سردين مقلي:

في 1كغ سردين نقيه مليح ونحيلو كرشو مع السلسول يبقى غير ذيلو ..اغسليه بالماء والخل وديريه في صفاية يقطر...من جهة اخرى خلطي 2 ملاعق كبار تاع طماطم العلب مع 1ملعقة كبيرة كمون و1ملعقة ص ثوم غبرة وملح +شوية ماء باه توليلك كي العجينة ..ديري زوج حبات سردين فوق بعضاهم بيناتهم شوي حشو ....حتى تكملي كل السردين ..اذا بقالك الحشو ديره من فوق...وخلي السردين في الثلاجة 2ساعة.... وكي تجي تقليه مرغيه في لا شابلير =خبز مرحي...و اقليه من الجهتين..........
كرات السردين..

اذا كان السردين صغير بزاف ارحيه و زيديلو نفس الخليط السابق تاع الطماطم و البهارات ما عدى الماء ما تزيديهش....وكملي بلاشابلير حتى تولي تقدري تتحكمي فيه ....ديري كرات صغيرة .......واعملي صوص عادي احمر(بصل مرحي+بهارات+طماطم علب+ملح ممكن تحطي بطاطا اولا) ...وكي تغلي لوحي الكرات....20 دقيقة وتاكلي بالصحة... ..

[merieme hassi]

السلام عليكم
حبيت نقولك بلي في الغرب نستعملو التوابل بزااااف
كيما نشوف من حباباتي من الشرق ياكلو الحار بزاااف عكسنا

[merieme hassi]

راني جيت حنونة
المقروض ديالنا نقليوه في الزيت
اما حباباتي يعملوه في الفرن و عجبتني طريقتهم باش نقلصو شوية من الدهون
بصح منكدبش تاعنا بنين
كيما يقولو اي حاجة مقلية تجي بنينة