حتى يعقد الجواز

[saja safia]

أخواتي قولولي واش تديري للجواز حتى يعقد

انا ندير بيضة ونضربها مليح ونزيدلها الفرينة

زوجي يقلي ريحة البيض فيها ، عاونوني ربي يجازيكم

[hasna19]

تحلي مغرف فرينة في فنجان ماء وتحطيها كي تقربي تطفي على النار مع عصرة ليمون

[mounia5]

salam
ana n'dir 2 mgharef ncha ou chwia ma ou nkhelethoum mlih ou ki n zidhoum fi el bourma nebka n khalet ou ki taaked n tafi
salam

[ام الهضاب]

الحل انك ما تمرقيش بزاااف فقط و كثري شوي بصل لان عقدة البيض ما تصلحش مع جميع انواع المرق

[hope of life]

ماتمرقيش بزاف.....وماتمرقيش حتى تحطي باقي المكونات...باه تعرفي شحال ديري الماء.....حطي قيس ماتغطي المكونات...وزيدي شوية برك...سكري الكوكت نتاعك.35داو40...انت ولا كوكوت نتاعك...وحلي اذا لقيتيها مازال شوي زيدي خليها تغلي حتى تعقد....ولازم البصل يكون كمية مليحة ماهي ناقصة ماهي زايدة......او حلي شوية فرينة في شوية ماء وزيديهم للمرقة نتاك...نتمنى اني نكون قدرت نعاونك

[ادرارية]

كيما قالو الاخوات البل هو اللي يتحكم في تعقاد المرقة وكيما البقوليات الجافة ما يحتاجوش بزاف البصل بصح الخضار الخضراء العكس تحب البصل كيما الجلبانة لوبياء ماشطو الزيتون .............