البناء في بيت العايلة

[امينة مناد]

السلام عليكم
اسكن مع حماتي التي لها 7 ذكور 3متزوجين من بينهم زوجي انا اسكن في الطابق الثاني مع سلفتي التي لها بيت ومطبخ ومن ثم انا بنيت مطبخ وصالون في السطح المقابل هذا الاخير كانوا يقولون لي في البداية لا تبنين فيه لانهم مع مرور الوقت سوف يعيدون بناءه ولكني لم استسلم ضننت انه مجرد كلام فبنيت المطبخ والصالون وبعد مرور 4 سنوات جاء الوقت الدي ارادت حماتي بناءه من جديد يعني نعاود البيليات باش يطلع بنيان صحيح
وهنا قالوا لي لا بد من ان نهدم بنيانك غضبت فقلت لهم ومن ثم اين سيكون مطبخي فقالت لي حماتي اعطيكي غرفة اخرى فقلت لها يعني الذيق منخرجش منوا ............فقالت لي اذن مارايك في ان تبني في الطابق الثانث فقلت لها ابني ومن ثم تاخدونه فقالت لي لا ..فقلت لها اولادك سوف يقولون لك اننا اخدنا اكثر منهم فقالت لي هدا بيتي ولا احد يتدخل في

اني خائفة ان ابني في دار الورثة وان لم ابني فسابقى في الديق اضافتا الى انه من المستحيل لي ان اشتري بيتا لوحدي ............انا اريد ان تكتب هذا الطابق بسم زوجي فهل هذا ممكن لاني لا اثق في اخوته اطلاقا صحيح امه اعطتني وعد ولكن ان ابت ان لا تكتبه بسمه فهدا فيه شك بمادا تنصحوني .انا قلقة بات النوم بعيدا عني انا افكر في هذا الامر كثيرا

[امينة مناد]

بلله عليكم شاورتكم واحد محب يرجعلي ولا بقيت وحدي

[khalilakram]

أنصحك بعدم التفكير في هذا الأمر لأنه سيخلق مشاكل كبيرة بين أفراد العائلة . هناك صيغ عديدة للإستفادة من السكن جربي حظك و اصبري إلى غاية الفرج .

[رحيق الايمان]

اختي انا تاني في نفس موقفك بالضبط للاسف انا بنيت و ضرك راني حاصلة ما نكدبش عليك انا ندمت خاطر في اي لحظة تروح من يدي حتى و لو كتبولك باسمك كيما وعدوني الصح في الارض خاطياتك واش راح نقلك ما تزيديش تغلطي و تبني فوقهم خليهم يبنيو و اسكني خاطر انا ديت وعد كيما تاعك و تسرعت درت الدالة لقيت خوه يجيب في السلعة قالي تاعي غلبني و بقيت انا في بيت و كوزينة

[امينة مناد]

المشاركة الأصلية كتبت بواسطة رحيق الايمان

اختي انا تاني في نفس موقفك بالضبط للاسف انا بنيت و ضرك راني حاصلة ما نكدبش عليك انا ندمت خاطر في اي لحظة تروح من يدي حتى و لو كتبولك باسمك كيما وعدوني الصح في الارض خاطياتك واش راح نقلك ما تزيديش تغلطي و تبني فوقهم خليهم يبنيو و اسكني خاطر انا ديت وعد كيما تاعك و تسرعت درت الدالة لقيت خوه يجيب في السلعة قالي تاعي غلبني و بقيت انا في بيت و كوزينة

شوفي انا سلفي الي معايا محبش يبني قال اراجلي روح ابني انت انا دار وكوزينة تكفيني وعندي لديال ايجي انهار ونخرج هوما محبوش يبنوا بدراهمهم حبوا الواجد ....................قوليلي لوكا ن تكتبهانا قبل مانبداو نبنوا زعما مليح ولا
في الحقيقة راني حابا انمون وحدي نقدر اندير سلفية ولا كيفاه

[أم ريتاج زهرة]

يا ختي ناس بكري قالو البعد يجيب السلام و القرب يجيب الكلام و نتي راكي حابة تبني فأرض الناس أنا من رايي بعدي خير ليك و لراجلك و للعايلة قاع و الراي الأول و الأخير راه ليك و لزوجك

[عبدو01]

المشاركة الأصلية كتبت بواسطة امينة مناد

السلام عليكم
اسكن مع حماتي التي لها 7 ذكور 3متزوجين من بينهم زوجي انا اسكن في الطابق الثاني مع سلفتي التي لها بيت ومطبخ ومن ثم انا بنيت مطبخ وصالون في السطح المقابل هذا الاخير كانوا يقولون لي في البداية لا تبنين فيه لانهم مع مرور الوقت سوف يعيدون بناءه ولكني لم استسلم ضننت انه مجرد كلام فبنيت المطبخ والصالون وبعد مرور 4 سنوات جاء الوقت الدي ارادت حماتي بناءه من جديد يعني نعاود البيليات باش يطلع بنيان صحيح
وهنا قالوا لي لا بد من ان نهدم بنيانك غضبت فقلت لهم ومن ثم اين سيكون مطبخي فقالت لي حماتي اعطيكي غرفة اخرى فقلت لها يعني الذيق منخرجش منوا ............فقالت لي اذن مارايك في ان تبني في الطابق الثانث فقلت لها ابني ومن ثم تاخدونه فقالت لي لا ..فقلت لها اولادك سوف يقولون لك اننا اخدنا اكثر منهم فقالت لي هدا بيتي ولا احد يتدخل في

اني خائفة ان ابني في دار الورثة وان لم ابني فسابقى في الديق اضافتا الى انه من المستحيل لي ان اشتري بيتا لوحدي ............انا اريد ان تكتب هذا الطابق بسم زوجي فهل هذا ممكن لاني لا اثق في اخوته اطلاقا صحيح امه اعطتني وعد ولكن ان ابت ان لا تكتبه بسمه فهدا فيه شك بمادا تنصحوني .انا قلقة بات النوم بعيدا عني انا افكر في هذا الامر كثيرا

الثقة في الوثيقة صحيح راه في الحياة أنتاعها هي الضامن لكن لا قدر الله وماتت الضامن هو العقد الذي يتصور أن يكون هيبة او بيع رمزي بالاتفاق. وهذا ما يحث عليه الشرع الحكيم والقانون لا سد باب النزاع

[MrAHCENE07]

عمرك ما تبني في دار الوراث.... الدنية ما تعرفيها كيفاش تجي و لا تروح

خبي سويرداتك لكاش فرصة تجيك خير ملي تخرجي تيري
زيد حتى و إن كتبت الطابق لولدها يجي نهار و تكونو السبب أنت و زوجك في مشاكل بين الخاوة و قد تصل إلى ما لا يحمد عقباه ...الجيل هذا يخوف ميش كي بكري... على حقو يقتل ... ديجا كاين من خاوتو لي مازال ما تزوجش ... يجي نهار و كل واحد يقول هاذي ليا و هاذي ليك ....


نصيحة أخ متزوج و عاش مشكل مشابه تقريبا ...... خبي دراهمك و كملي كيما راكي بيت و كوزينة و الراس هاني و دراهمك في جيبك خير من 10 بيوت يجيبوا المشاكل و ممكن يدخلوا الخاوة فيما بعد للعدالة .
وإذا حبت الأم تكتب لبنها .... ربي يسهل عليها ..... لكن لا تبنـــــــــــــــــــــــــــــــــــــــــــــي

[soufi91]

في دار ورثة فقط اسكني و بني بيتا يمكنك العيش فيه هنيئا و احسن تسكني وحدك

[ابراهيم داود]

عن تجربة شخصية لا تضيعي نقودك او نقود زوجك في البناء في ارض ليست ملكك و كما قال الاخوة الثقة في الوثيقة

[الاءنهال]

نعرف مثل يقول زينها تبقى فيها ,صح دار الورثة بصح الى بنيتي طابق واخذتيه وين راه المشكل الى جا نهار وباعوه يردولك حقك (صوري البيت قبل البناء وحافظي على الفاتورات ) الى راكي خايفة وفي نفس الوقت حوسي على ارض او سكن اخر المهم حقك يوصلك يوصلك تبني ثم ولا تخرجي منوا المهم الانسان ما يبقاش في الضيق وظيع اطفالوا على جال المادة والميراث

[محمد رحماني1]

المشاركة الأصلية كتبت بواسطة الاءنهال

نعرف مثل يقول زينها تبقى فيها ,صح دار الورثة بصح الى بنيتي طابق واخذتيه وين راه المشكل الى جا نهار وباعوه يردولك حقك (صوري البيت قبل البناء وحافظي على الفاتورات ) الى راكي خايفة وفي نفس الوقت حوسي على ارض او سكن اخر المهم حقك يوصلك يوصلك تبني ثم ولا تخرجي منوا المهم الانسان ما يبقاش في الضيق وظيع اطفالوا على جال المادة والميراث

أرى أن رأي الأخت صواب ، الإنسان يوسع على روحو ويتوكل على الله أفضل من الكراء خارج المنزل أو العيش في الضيق

ويا حبذا لو أم زوجك تكتب لكم وثيقة على شكل هبة قدر ما تحتاجون والله الموفق.

[nabil ofc]

انت تبني وبعد ما يموت صاحب البيت يقولولك نقسمو او نبيع البيت ونتقاسمو الدراهم
اذا عندك الذكور شوفي شحال يصحلك من القسمة في حالة الميراث اذا قسمة لاباس بيها ابني اذا لا قوليلها تكتب لزوجك مع انها راح تزعف منك