دروس السنة الاولى صعبة

[وراء الشمس]

السلام عليكم يا امهات و يا معلمات
حبيت تفضفض معاكم شوية على خاطر كل ما نراجع لولدي الدروس تحكمني الغمة
بغيت نعرف انا الوحيدة او هذا هو حال جميع الامهات
انا نحس باللي الدروس راهي كثيفة مقارنة مع سنهم و مستوى الذكاء عند الطفل العادي لا يستوعب بعض الدروس خصوصا الرياضيات
يعني ساعات ما نلقاش حتى طريقة مبسطة باش ننزل المعلومة الى مستواه الذهني
وليت نخمم ساعات باللي ولدي هو اللي مستواه ضعيف
فضفضو معايا ربي يخليكم

[ام لجين و فيصل]

السلام عليكم اختي الكريمة
حتى انا عندي نفس وجهة نظرك من حيث صعوبة الدروس من جهة و الحيرة الكبيرة كيفاش نوصل المعلومات لبنتي
في الاول كنت نقول بنتي ما تحبش تقراامبصح مع الوقت بديت نحس بالذكاء نتاعها مع حجم المعاناة في استيعاب و فهم الدروس
و شفت بلي كاين بعض المواضيع في الرياضيات ما يشرحملهمش المعلم و يطلب منهم ينجزو التمارين في البيت
يرحم باباك قوليلي كيفاش الواحد ما يهبلش مع برنامج الجيل الجديد
مثلا حنا بكري تعلمنا الساعة و قراءة الوقت في السنة الثالثة و ضرك راهم برمجوها لاصحاب السنة الاولى
و الله ما لقيت طريقة باش نفهمهالها كيما يلزم