بقلاوة الضفيرة من مطبخي تقضلوا

innocent soul · 2015-05-20, 20:55

[CENTER]

السلا م عليكم
هذي البقلاوة ذارتها وحذة تتعلم في الحلوى شفتها في الفيس بوك لاكن للاسف ذارت غير الصور
ايا انا سخفت نجربها لانو عجبتني بزاف و رحت شريت اللوازم
بالنسبة للوصفة ذرت وصفة البقلاوة شفتها في سميرة ,
بالنسبة للعجينة عحبتني لانو تعطيك الطوع قذ ما تكسليها ما تتقطعش يعني تساعذك في الخذمة
الطريقة تعب شوية و تدي الوقت لاكن حاجة جديدة و مليحة
الوصفة:
: “3 كيلات فرينة، كيلة زبذة ذايبة، الماء و ماء الزهر و قرصة ملح
الحشوة: 3كيلات كوكاو ( انا خذمت بيه) او لوز كل واحد و مقدوروا، نصف كيلة سكر ، شوية زبدة ذايبة ، و ماء الزهر
الطريقة: تخلطي لفرينة و الزبدة اخدميها مليح من بعد لميها بالماء و ما الزهر كيما البقلاوة العادي لاكن لازم تكون طرية مليح باه تخدمي بيها ونتي مرتاحة و خليها تريح ساعة
الحشوة : في الطريقة هذي راح ديري حرابش يعني ، دير الكوكاو او اللوز نتاعك مع السكر و شوية زبدة ذايبة و لمي الحربوش ب ماء الزهر
بعد ما تريح لعجينة حليها اطراف اطراف بالماشينة انا درت برقم 4-6 ما تخلوهاش رقيقة بزاف لانو راح تكون طرية و كي تضفري راخ تتمزق لانو راح يكون فيها ست طبقات
حلي لعجينة نتاعك اكل و من بعد ابداي حطي الطرف الاول و ادهنيه بالزبدة زيدي حطي الطرف الثاني وكملي حتان توصلي للطرف السادس ما تدهنيهش بالزبدة و حطي في النصف الحشوة ) ماتكونش خشينة ياسر لانو كون تخشنوها راح تخرج من الاطراف)
حاولو الاطراف تاع لعجينة يكونو قد بعضاهم في الطول و العرض ، اعدلوهم مليح و من بعد ابداي حلي لعجينة كيما الصورة انا خدمت بمسطرة واحد سم و بديت نضفر عادي
كي تكملي تضفري قطعيها بالشوية لانو لعجينة راح تكون طرية بزاف سايسوها باه ما يفسدش الشكل
كملتي من الحربوش الاول زيدي كملي اباقي بنفس الطريقة لانو مش راح تكون كيما البقلاوة العادية ، هذي كل حربوش وحددو .
ادهني البلا تاعك بالزبدة وحطي الحبات قدام بعضاهم كيما نديرو المقروط لاصقين في بعضاهم و طيبوها عادي و ادهني الحبات من فوق بالزبدة و كي طيب عسليها مليح .
ملاحظة. حاولو الزبدة ديرو شوية برك في الحشوة حوالي مغرف كبيرة لانو انا في اللول كي كثرت خرجلي من الحاشية . ان شاء الله يكون الشرح كافي و مفهوم و ان شاء الله تعجبكم , تخياتي
انزلو للتحت تلقاو باقي الصور