الزيتون هبلني

رحيق الايمان · 2013-01-22, 12:56

السلام عليكم
المراة هذه لعبتها فحلة و رقدت الزيتون في الدار تبعت طريقة مجربة طاب جاني يهبل بالصح المشكلة وين انه خرجلي مر خلاص ما فهمتش علاش وواش نقدر ندير باه نحيلو المرارة هذه خاصة انه مازال عندي قرعة اخرى ما طابتش نلحقها على الاقل قبل هي تاني ما تفضح بيا
الي عندها خبرة مع الزيتون تفيدني انا اول مرة نتلاقاه فاس افاس موالفة نلقاه واجد

pharmajiji · 2013-01-22, 13:22

ديريلو الملح و البسباس و الليمون وقشور البرتقال و شوفي

ferial oran · 2013-01-22, 13:25

نتمنى يفيدوك

الوهرانية 1 · 2013-01-22, 13:29

حبيبتي كم من مرة بدلتيلو الماء
لان الترقاد الصحيح كي تبدلي الماء يوم بيوم يعني نها ر ايه ونهار لا وكي تدوقيه وتلقيه فقد المرورية نتاعه ديريله الملح والاعشاب نتمنى اني افدتك

رحيق الايمان · 2013-01-22, 13:58

اختي الوهرانية انا كنت نبدلو الماء يوم بيوم سمانة كاملة وكي لقيته طراء درت ليه الخل و الملح و رميت فيه الفلفل الحار و كعبة قارس و درت فيه بسباس و سنارية و شوفلور

مزيونهِ · 2013-01-22, 14:22

شكر جزيلا للطرح القيم

ننتظر المزيد من الابداع من اقلامكم الرائعه
تحيتي لك

وددي قبل ردي .....!!

فساتين نجوى كرم فساتين دانتيل لستات فساتين اطفال اسماء مواليد اسماء مواليد بنات اسماء مواليد اولاد فساتين سهرات بي سي بلاك بيري برودكاست منتديات الرس اكس بي تسريحات فساتين منتديات طبخات مكياج صور يوتيوب العاب فلاش رمزيات فيس بوك رمزيات بلاك بيري خلفيات بلاك بيري واتس اب برودكاست بلاك بيري ازياء نسائية فطائر قصات صبغات حلويات رسائل

إلهام07 · 2013-01-22, 14:31

أنا موالفة نعاون ماما في ترقاد الزيتون من صغري .
الزيتون لازم تبدليلو الماء بزاف كيما قالو الأخوات نهار على نهار حتى كي وقيه تلقايه تنحاتلو لمرارة باش تحطيلو الليمون و الرند ...الخ.
أرجو أن أكون أفدتك

أم نور · 2013-01-22, 15:24

كيما قالولك الاخوات بدليلو الماء كل يوم اويوم بعد يوم حتى تنحيلو كامل المرارة
ومبعد ديريلو الملح والقارص والرند والزرودية مقطعة

رحيق الايمان · 2013-01-22, 15:41

اقتباس:

المشاركة الأصلية كتبت بواسطة مزيونهِ

شكر جزيلا للطرح القيم
ننتظر المزيد من الابداع من اقلامكم الرائعه
تحيتي وتقديري لكم
وددي قبل ردي .....!!

شكرا ليك اختي

رحيق الايمان · 2013-01-22, 15:42

انا سمانة و انا نبدلو يوميا في الماء من بعد كيما قلت كي طرى درتله حوايجه ضرك نورمال كي نرجع نبدلو الماء؟

الوهرانية 1 · 2013-01-22, 15:42

اقتباس:

المشاركة الأصلية كتبت بواسطة رحيق الايمان

اختي الوهرانية انا كنت نبدلو الماء يوم بيوم سمانة كاملة وكي لقيته طراء درت ليه الخل و الملح و رميت فيه الفلفل الحار و كعبة قارس و درت فيه بسباس و سنارية و شوفلور

حبيبتي ترقاد الزيتون مش في الطراوة في الحلاوة يعني كاين الزيتون الي تبدليلو الماء 21 يوم
تعرفي الزيتون انواع انتي ما خاسرى والو بدلي يوم بيوم وكي يحلى ديريلو الملح

شهـرزآد · 2013-01-22, 18:15

نتمنى يفيدوك

arwa05 · 2015-10-22, 15:34

مام انا ...صرالي كيفك اخت رحيق الايمان
شلحناه بالموس+كل يوم نبدلو عليه الماء مدة10 ايام
المرة الاخيرة زدت الملح مع الماء مدة 4رايام

فرغت داك الماء .........عاوت المرة الاخييييرة الماء الملح الخل القارص عصير و قشور و الثوم و الرند

عندو 3 اسمانات ومازال فيه المرورية
واش نديرو

dahbito · 2015-10-22, 18:21

اختي انا اتبعت طريقة شفتها في قناة سميرة وراني درتها والنتيجة مازال مي على حساب ماقالت مضمونة المهم اغسلي زيتون نتاعك وديريه في ماء لمدة 5 ايام مع تغيير الماء 2 مرات في اليوم اليوم الخامس رقديه في كيلة خل زوج كيلات ماء حفنة ملح والاحبيتي زيدي خضر معاه

رملاك · 2015-10-22, 22:56

سلاااااام
انا تاني راني درتو مي دوركا عمدو سمانة في الماء كل يوم نبدلو الماء
قولولي كيفاش نديرلو نبقا نبدل ولا نديرلو الخل و الملح
انا تاني شلحتو بالموس قولولي واش ندير قبل ما يفسدلي و يجيني مر