استفسار من الرجال المتزوجين...ارجو الافادة

[صمت الرجوله]

السلام عليكم و رحمة الله
اخوتي عندي سؤال بسيط ...انا حاليا ابحث ان شاء الله عن زوجة لكن كما تعلمون تكاليف الزواج تؤرقني و قد تسببت في ترددي ,و ايضا العادات السخيفة تقض مضجعي...المهم كم يلزمنى من المال او كم كلفكم الزواج من الالف الى الياء وكم يكلف بالنسبة للشرق اذا امكن

[mouaib]

السلام عليكم اخي اولا وقبل كل شيء مبروك على اخي

انا حاليا متزوج والحمد لله
انا انصحك بما يلي

نحن شعب جزائري زوالي وسانصحك في سبيل الله ان شاء الله عز و جل
اولا الزواج ليس واجبا عليك ان تبذر الملايين لكي ترضي بين قوسين الجوارين و لافامي، وهذا مشكل نحن نسبح بداخله اي المعاندة، فلان دار العرس انا ندير خير منه
هذا خطا انا في عرسي قمت بكراء صالة اعراس ب 7 ملاين و 14 مليون تاع ماكلا من عند صاحب الفندق ل200 شخص و 2,5 مليون لغرفة العريسين لمدة ثلاثة ايام،
اعرض اللي تقدر عليه و ماتخصرش الدراهم اعرض اصحابك اللي قراب ولافامي تاوعك اللي قراب يعني الاخوال و الاعمام يجب عليك البحث عن الصالة الارخس سعرا وان تكون معزولة اي الرجال في مكان و النساء في مكان اخر وان كنت قادرا على الطهي في المنزل للضيوف فذلك احسن،
يجب عليك احصاء عدد الاشخاص المعروضين
انذار هام : قول للفاميلا مايجيبوش لحباب معاهم راني عارف الشعب الجزائري حنين

و بالتوفيق ان شاء الله

[rose de sable s]

نعم النصيحة
لما كل هذا يدير لعرس في دار و نساء عائلة هي لي طيب
ودراهم لخر يعمر بيها دارو احسن
دير لي تقدر عليه متشوفش للناس لان ناس تحكي تحكي في كل الاحوال
دير عشاء او غداء لاقرب عائلة و باقي سهرة في ليل و سلام

[صمت الرجوله]

المشاركة الأصلية كتبت بواسطة mouaib

السلام عليكم اخي اولا وقبل كل شيء مبروك على اخي

انا حاليا متزوج والحمد لله
انا انصحك بما يلي

نحن شعب جزائري زوالي وسانصحك في سبيل الله ان شاء الله عز و جل
اولا الزواج ليس واجبا عليك ان تبذر الملايين لكي ترضي بين قوسين الجوارين و لافامي، وهذا مشكل نحن نسبح بداخله اي المعاندة، فلان دار العرس انا ندير خير منه
هذا خطا انا في عرسي قمت بكراء صالة اعراس ب 7 ملاين و 14 مليون تاع ماكلا من عند صاحب الفندق ل200 شخص و 2,5 مليون لغرفة العريسين لمدة ثلاثة ايام،
اعرض اللي تقدر عليه و ماتخصرش الدراهم اعرض اصحابك اللي قراب ولافامي تاوعك اللي قراب يعني الاخوال و الاعمام يجب عليك البحث عن الصالة الارخس سعرا وان تكون معزولة اي الرجال في مكان و النساء في مكان اخر وان كنت قادرا على الطهي في المنزل للضيوف فذلك احسن،
يجب عليك احصاء عدد الاشخاص المعروضين
انذار هام : قول للفاميلا مايجيبوش لحباب معاهم
راني عارف الشعب الجزائري حنين

و بالتوفيق ان شاء الله

مشكور اخي على الاجابة وعلى الانذار الهام
اذا اخي انت صرفت 25 مليون على ليلة الدخلة برك , و ماذا عن المصاريف الاخرى لي سبقت العرس مثلا لا اعلم اذا كان عندكم حاجة حنا نسموها الجرية ...قالولي لازمك فيها لويز و حلي ذهب و مانيش عارف واش ثاني!!!!! و لازمك عشاء و العيد ...يعني حساب ما طلعت شوي حساب لقيتها رايحة 100 مليون باه نتزوج!!!!

[صمت الرجوله]

المشاركة الأصلية كتبت بواسطة rose de sable s

نعم النصيحة
لما كل هذا يدير لعرس في دار و نساء عائلة هي لي طيب
ودراهم لخر يعمر بيها دارو احسن
دير لي تقدر عليه متشوفش للناس لان ناس تحكي تحكي في كل الاحوال
دير عشاء او غداء لاقرب عائلة و باقي سهرة في ليل و سلام

مشكورة اختي...اضن عندك الحق فيما يخص العرس في الدار

[طبيبة سمية]

ربي يسهلك انت فقط انوي الحلال و اقصد بنت العائلة و ستكون من الثلاثة الذين حق على الله عونهم ° الشاب يريد العفاف ° فيما معناه يعني
ربي يسر امرك

[jiji17]

المشاركة الأصلية كتبت بواسطة okba abid charef

السلام عليكم و رحمة الله
اخوتي عندي سؤال بسيط ...انا حاليا ابحث ان شاء الله عن زوجة لكن كما تعلمون تكاليف الزواج تؤرقني و قد تسببت في ترددي ,و ايضا العادات السخيفة تقض مضجعي...المهم كم يلزمنى من المال او كم كلفكم الزواج من الالف الى الياء وكم يكلف بالنسبة للشرق اذا امكن لانه لسوء الحظ المهر مكلف في مدينتى قسنطينة بالمقارنة بولايات اخرى

ربي يعيينك اخويا ويسهلك أمورك
في الانتظار اصحاب الشرق يساعدو أخونا

[صمت الرجوله]

المشاركة الأصلية كتبت بواسطة طبيبة سمية

ربي يسهلك انت فقط انوي الحلال و اقصد بنت العائلة و ستكون من الثلاثة الذين حق على الله عونهم ° الشاب يريد العفاف ° فيما معناه يعني
ربي يسر امرك

ان شاء الله اختي انا ننوي للخير و ربي يعمل التاويل

[صمت الرجوله]

المشاركة الأصلية كتبت بواسطة jiji17

ربي يعيينك اخويا ويسهلك أمورك
في الانتظار اصحاب الشرق يساعدو أخونا

اللهم امين اختي و بارك الله فيك

[الصديق قروف]

اسلام عليكم
لست متزوج ساقول لك مااعرفه
انا من قالمة
اشرط 15 مليون مع الفليزة
‏ و المقياس او محزمة تحني عليهم لعروس نهار الحنة تعها من 25‎ ‎الى 100 مليون
‏ هداية الاعياد يقولو ضرك لازم تدي ذهب
‏ العشاء تاع صوف و اصوف للعروس
انعجة 3ملاين ولعشاء لليلة لحنة لعروس
دير لعشى تاع لعقد وصوف مع بعض


انا نقلك خاتم واحد يكفي و هداية لعيد نقص على قد ماتقدر يعني هداية رمزية و اشرط 15 مع الفليزة و اصوف بلاك قنطار بمليون و نعجة ولعشا لازمين
يعني تقريب 55 مليون مصاريف لعروسة فقط زائد لعشاء تاعل
ننصحف دير طباخ خير من طياب تاع نساء قادر يخليو معاريضك بلاعشاء ‏‎
ربي يسهل عليك وعلينا

[صمت الرجوله]

المشاركة الأصلية كتبت بواسطة الصديق قروف

اسلام عليكم
لست متزوج ساقول لك مااعرفه
انا من قالمة
اشرط 15 مليون مع الفليزة
‏ و المقياس او محزمة تحني عليهم لعروس نهار الحنة تعها من 25‎ ‎الى 100 مليون
‏ هداية الاعياد يقولو ضرك لازم تدي ذهب
‏ العشاء تاع صوف و اصوف للعروس
انعجة 3ملاين ولعشاء لليلة لحنة لعروس
دير لعشى تاع لعقد وصوف مع بعض


انا نقلك خاتم واحد يكفي و هداية لعيد نقص على قد ماتقدر يعني هداية رمزية و اشرط 15 مع الفليزة و اصوف بلاك قنطار بمليون و نعجة ولعشا لازمين
يعني تقريب 55 مليون مصاريف لعروسة فقط زائد لعشاء تاعل
ننصحف دير طباخ خير من طياب تاع نساء قادر يخليو معاريضك بلاعشاء ‏‎
ربي يسهل عليك وعلينا

الله يحفظك خويا و شكرا لانك تكلمت معي بلغة الارقام....و والله غير عندك حق فيما يخص الطباخ هاذي راحت من بالي
الله يجيب الخير برك الحال راه صعيب

[سجل أنا جزائري]

بالنسبة ليا محسبتش درت نورمال برك و نقصت وش قدرت


أنا من ولاية برج بالنسبة للشرط أهل زوجتي ما شرطو والو لانه من قبايلية داو غير 3000 دج و شرطو كبش للعشاء تعهم

ما نحكيلكش مصارف الخطبة و هدايا هدوك ما تقدرش تحسبهم يعني كل واحد و كيفاش بالنسبة ليا كون نحسب من خطبة حتى العرس جاتني 10 ملايين من طبق و خاتم خطوبة و لحم و هدايا ..
في العرس كاين اللي عانونيني مش وحدي كلش بلغة الأرقام كي نحسبلك

كريت صال ب 50000 دج + جهاز و ذهب العروسة 20 مليون ( انا درت طاقم ذهب لأنو مشرطو والو لازم نديرها ذهب) + كبش تع اهل العروسة ب 4.5 مليون + عشاء العرس تاعي و قاطو و لوازمه ب 25 مليون هكذاك ( كان عندي 300 شخص معروض) + غرفة جاتني هدية لكن دير 13 مليون + فستان العرسون ثاني جاني هدية يدير 2 ميليون + عشاء العروسة 2 مليون + كوستيم تعاك و حوايجك 2 ملايين + خاتم الزواج ب 4.5 مليون + شوف ادا مصارف بعد العرس تع فندق او شهر العسل

و نت دير حسابك و ما تحيرش روحك انا ثاني كنت كيفك نحسب و نقول كيفاش نجيب دراهم هذو كامل

لكن ربي يسهلك و يطرحلك البركة ما تعرفش كيفاش كي الل يجي يعاونوك ما كنت كامل تستناهو حتى تقول هذو كامل صرفتهم و انا ما علاباليش

نت واجد روحك شوي برك و و زدم راح تشوف شحال من حاجة تسهلك ان شاء الله

[aroua]

لي يدير لحساب يفضلوا
اخي في الله انوي نية حسنة نية بناء عائلة مسلمة وتوكل على الله والباقي يجي وحدو

[صمت الرجوله]

المشاركة الأصلية كتبت بواسطة سجل أنا جزائري

بالنسبة ليا محسبتش درت نورمال برك و نقصت وش قدرت


أنا من ولاية برج بالنسبة للشرط أهل زوجتي ما شرطو والو لانه من قبايلية داو غير 3000 دج و شرطو كبش للعشاء تعهم

ما نحكيلكش مصارف الخطبة و هدايا هدوك ما تقدرش تحسبهم يعني كل واحد و كيفاش بالنسبة ليا كون نحسب من خطبة حتى العرس جاتني 10 ملايين من طبق و خاتم خطوبة و لحم و هدايا ..
في العرس كاين اللي عانونيني مش وحدي كلش بلغة الأرقام كي نحسبلك

كريت صال ب 50000 دج + جهاز و ذهب العروسة 20 مليون ( انا درت طاقم ذهب لأنو مشرطو والو لازم نديرها ذهب) + كبش تع اهل العروسة ب 4.5 مليون + عشاء العرس تاعي و قاطو و لوازمه ب 25 مليون هكذاك ( كان عندي 300 شخص معروض) + غرفة جاتني هدية لكن دير 13 مليون + فستان العرسون ثاني جاني هدية يدير 2 ميليون + عشاء العروسة 2 مليون + كوستيم تعاك و حوايجك 2 ملايين + خاتم الزواج ب 4.5 مليون + شوف ادا مصارف بعد العرس تع فندق او شهر العسل

و نت دير حسابك و ما تحيرش روحك انا ثاني كنت كيفك نحسب و نقول كيفاش نجيب دراهم هذو كامل

لكن ربي يسهلك و يطرحلك البركة ما تعرفش كيفاش كي الل يجي يعاونوك ما كنت كامل تستناهو حتى تقول هذو كامل صرفتهم و انا ما علاباليش

نت واجد روحك شوي برك و و زدم راح تشوف شحال من حاجة تسهلك ان شاء الله

بارك الله فيك اخي فقد اديت و وفيت و كفيت...و مبروك عليك زواجك بمن قال فيها رسول الله صل الله عليه و سلم "اقلهن مهرا اكثرهن بركة"

[صمت الرجوله]

المشاركة الأصلية كتبت بواسطة aroua

لي يدير لحساب يفضلوا
اخي في الله انوي نية حسنة نية بناء عائلة مسلمة وتوكل على الله والباقي يجي وحدو

نعم اختي انا نويت ناسس اسرة مسلمة و ان احصن نفسي و ان شاء ربي يعاوني
............مشكورة