تجهيزاتنا للشهر الفضيل

[arwa alaa]

اهلا رندة شكرا على الافكار

[رندة.]

أصبحنا و أصبح الملك لله و لا اله الا الله
وحده لا شريك له، له الملك وله الحمد وهو على كل شيء قدير

صباح الخير عليكم

[arwa alaa]

صباح الخير فراشات

[حياتي كلها امل]

صبحكم الله بكل خير شكرا رندا على الافكار الصدقة عندها اجر كبير خاصة في المناسبات مثل رمضان والاعياد تفرحي بيها قلب مسلم
مثل ماقالت جهينة تقدري حتى من فطورك تنوى كل يوم طبسي لجارتك او حتى الي تسكن مع اهل زوجها وسلفاتها تنوي كل يوم لبيت والله يخلي اثر كبير في النفس واجر اكبر ربي يقدرنا على فعل الخير

[arwa alaa]

اهلا ام هاجر

[arwa alaa]

اهلا ام هاجر

[جهينة اليقين]

صباح النور والسرور على احلى فراشات ربي يهنيكم
اصبحتو تهدرو على الصدقة وهي عبادة عظيمة عند الله

[جهينة اليقين]

لبنات اقترح عليكن نوع اخر من الصدقة وهي انواع كثيرة
كاين الي زوجها قدو قد روحو وكاين الي ما عندهاش دخل اخر وزوجها مسكين عندو عايلة كبيرة يصرف عليها وكاين الي زوجها بخيل يعني تقدر تتصدق بشكل اخر
تقدر تتصدق بيديها بحيث تعاون جارتها او سلفتها او عجوزتها في شغل البيت او تصنع لها قاطو او تدير لها مسمن تطيب لها فطور وتنوي ذلك صدقة في وجه الله واذا ما قدرتيش كلمة طيبة تواسي بها موجوع صدقة او ابتسامة في وجه الاخرين صدقة
كذلك نوع اخر كلنا مرينا بمرحلة الحماة واخوات الزوج هوم قاعدين وانت تخدمي انت خادمة خادمة احسبيها بذكاء انوي كل شئء في سبيل الله راح ترتاحي نفسيا واحتسبس اجر افطار صائم في رمضان وشوفي شحال راح تفطري من شخص واضربيها في ما لا نهاية من الاجر والله يضاعفها اضعافا مضاعفة وربي يتقبل منا ومنكم سائر الاعمال

[عروبة وطن]

صباح الخير لبنات ربي يقدركنا لى مافيه خير لنا.
وشكرا جهينة على هذه النصائح الثمينة .
والله استفدت الكثير منكم ربي يحفظكم

[رندة.]

كيما قلتو يا ام هاجر وجهينة أوجه الصدقة كثيرة وفي متناولنا كامل، ومليح نذكرّو بعضانا بيها، خاصة كيما قلتي يا جهينة المعاونة باليد للأهل ولا الجيران عندها أثر كبير وكيما تقول أمي حاجة ماتلصق في اليد، يعني كي تخدمي في دار العجوزة ولو أنهم يشوفو بلي يستغلوك، لازم الوحدة تحتسب الأجر من عند الله، وبالتالي راح تخدم وهي مرتاحة الخاطر وماهيش تستنى في أنهم يشكروها على خدمتها إلي غالبا مش راح تسمعو، بصح علابالها بلي الجزاء تاعها من عند رب العالمين وبطبيعة الحال راح يكون أعظم من كلمة شكر.

[جهينة اليقين]

نعم يا راندا راني حاسة وقلت لك جزت على هذا المرحلة الي تخدمي فيها بدون كلمة شكر او امتنان لكن قلت لكم على الاقل في هذا الشهر الكريم فلتضع الحرب اوزارها هههههههههههه ولتاخذو هدنة احنا رانا نتكلمو على اوجه متعددة باش نستفادو من هذا الشهر بايامه ولياليه و ما نضيعوش الاجر في التفاهات وهي قاعدة وانا نخدم فلنترفع على هذه التفاهات فالاجر عظيم والفرصة لا تعوض ولتناصح في الله اخواتي

[قرويجة]

السلام عليكم
مادام راكم تهدرو على الصدقة نقوللكم كيفاش نخرجها في رمضان في الخدمة تع زوجي كاين 22 شاب مش متزوجين يفوتو رمضان بعيد على دارهم أنا و جاراتي 6 كل وحدة قبل المغرب ب5 دقايق تبعث سنية فيها من كل شيئ طيباتو في هذاك اليوم وزوجة الشاف تبعثلهم سنية القهوة و الاتاي و التحلية ...إلخ

[قرويجة]

المشاركة الأصلية كتبت بواسطة randa2017

كيما قلتو يا ام هاجر وجهينة أوجه الصدقة كثيرة وفي متناولنا كامل، ومليح نذكرّو بعضانا بيها، خاصة كيما قلتي يا جهينة المعاونة باليد للأهل ولا الجيران عندها أثر كبير وكيما تقول أمي حاجة ماتلصق في اليد، يعني كي تخدمي في دار العجوزة ولو أنهم يشوفو بلي يستغلوك، لازم الوحدة تحتسب الأجر من عند الله، وبالتالي راح تخدم وهي مرتاحة الخاطر وماهيش تستنى في أنهم يشكروها على خدمتها إلي غالبا مش راح تسمعو، بصح علابالها بلي الجزاء تاعها من عند رب العالمين وبطبيعة الحال راح يكون أعظم من كلمة شكر.

السلام عليكم ختي رندة
صح لسان أمك لعزيزة وهذي كلمة تقولهالي ماما و تقولي ثاني متضنيش لي ميخدمش راح يربح صحتو و ميحكموهش الأمراض تقولي بالعكس تلقايه ديما تعبان و عندو الخمول و الصدع لكن لي يخدم يبقى ديما شباب و ناشط و تقولي الاحسن انت طيبي و ساربي وقولي تفضلو للطاولة تاكلو ومتكونيش أنت لي حتى يعرضوك باش تنفضي روحك وتنوضي تاكلي الله يعينا و يعين جميع الأخوات على أشغالهم

[توتة2008]

مساء الخير ....رب يعاون كل وحدة فيكم ويجازيها كل خير على افكار الخير اللي راكم تعطوهالنا

[جهينة اليقين]

المشاركة الأصلية كتبت بواسطة قرويجة

السلام عليكم
مادام راكم تهدرو على الصدقة نقوللكم كيفاش نخرجها في رمضان في الخدمة تع زوجي كاين 22 شاب مش متزوجين يفوتو رمضان بعيد على دارهم أنا و جاراتي 6 كل وحدة قبل المغرب ب5 دقايق تبعث سنية فيها من كل شيئ طيباتو في هذاك اليوم وزوجة الشاف تبعثلهم سنية القهوة و الاتاي و التحلية ...إلخ

بارك الله فيكم وجزاكم كل خير من فطر صائما له نفس الاجر ولا ينقص من اجر الصائم شيئا هكذا يجب ان يكون التكافل والتازر ويا سعدك يا فاعل الخير