الضيف

عامر غزال · 2015-09-15, 21:28

كاين عفسة راهي محبستلي راسي و خربشتلي خيوط البصلة سيسائية تاعي علاه كي يجي كاش ضيف للدار من قريب او بعيد يخرجو واحد لمواعن و وحد الاشياء عمرهم ما تحطو فالطابلة ولا شفتهم فالدار... طباصا تقول مخدومين بالرخام و كيسان غير لي يحطوهم فلفيلمات و مغارف بمختلف الاحجام..زيد سرافت ملونين و غيرهم من الاواني الملكية هههه هذا كل بلا ما ندخل ف لي ديطاي تاع لماكلة و انواع و اشكال الكسرة و ديسير و أنواع المشروبات المهم من لخر كي تشوف طابلة لفطور تتوسوس تقول بلاك مانيش فالدار هههههههه ما فهمتش علاه يديرو هاكا ؟؟؟ زعما وجهنا لي ما يجيبش و لا ضيف هو لي عندو مكانة خاصة ولا بلاك كي يجي ضيف هاذوك لمواعن يخرجو تلقائيا شغل فاهمين الكود تحير والله من القنطة نولي نقول واش راحو ولا مزال ؟؟؟ غير تقولي يما راحو نهجم على طابلة كيما يهجم ميسي و نتمتع كيما الملك لابضعة ثواني بلاك طول باه يزيد يجي ضيف اخر و يصرا نفس الفيلم هههههههههههههه راك شايف

عامر غزال · 2015-09-15, 21:31

بورطابلك فقط.. العام 12 شهر و هو مفتوح و في كامل قواه العقلية و ريزو فيه 5 بار و مشارجي قاع و كلش حتى واحد ما يغلط يكلمك و لا يسقسي عليك و لا يشوف حوالك و لا يبعثلك حتى ميساج غلطة ... ساعات حتى تشك بلي كاش سيركوي راحت فيه و لا بالاك قفلولك la puce وانت ماكش جايب خبر من كثرة ديما ساكت و ما يصونيش ... بصح احكيلي نهار تسكرو غلطة ولا طيحلك الباتري ولا تدخل لمنطقة معزولة و شوف واش يصرا هههههههههههههههه كاين شي عباد بالاك من وقت معركة نافارين و ثورة زعاطشة ما كلموكش ولا سقسو عليك حتى تصدى نيميروهم فتيليفون في هاذاك نهار يتفكروك و تجيهم عليك جماعة لخدمة يكلمو..باباك يكلم..يماك تكلم..خاوتك يكلمو.. خالاتك عمامك..اصدقاء طفولة..لابوليس. ..لي بومبيي ههههه المهم تصرا لالارت عليك و ماشي محال تفوت في شريط قناة نهار ههههههههههه انت غير تفتحو ولا تدخل للريزو اول مكالمة تهز عليها تسمع الجملة المشهورة تاع "لواش راك داير تيليفون كي راك مسكرو " شغل انت كنت قافلو مدة 12 سنة او اكثر ههههههه قولولي برك كل ما عندكمش زهر كيفي ولا غير انا