كابوس الباكالوريا

**خليصة ** · 2015-03-01, 19:21

السلام معليكم
كيف الحال
هذا اول موضوع ليا هنا
المهم رايح نحكيلكم على الباك ليولا كو ليله يزورني جزء منو
تالمو طول الوقت او واحد الشعور يراود فيا
الا و هو انو نحس روحي اما مانيش رايحه نجيب الباك او نجيبو بمعدل مايدير والو لانو كنا نكون فوووور كي يلحق الصح
نندب للدعوى و نخلوط جدها سورتو كي سمعت بلي الباك زهر ثم بديت ننسي او نكسي
يعني ماشي مانيش نقرى مي نقرى و نقول باه كون منا و الفوق تتحقق توقعاتي مانلومش روحي
نقول اوموى انا درت الي عليا
المهم وليت الدروس الي نقراهم في القسم وليت ديما نامهم
لدرجت اني وليت نحل تمارين في النوم
ههههههههههههههههه
وي انعم ايه و الله اln ولالي كابوس حليت عليه في المنام راقده او حاطه روحي راني نحل في التمارين
زيد جاو الموافقات الخاصيين بشعبة الرياضيات *كيف كيف قالنا الاستاذ واعرين او او وليت نومهم و نحل تمارين فيهم
لدرجت تخمامي على الباك
ايماجينيو واش نمت

نمت روحي نعقب في الباك مادة الرياضيات * لاتيا نحل في تمرين على الهندسه او ندير في التمثيل الوشيطي تاع المستقيم
ثم رحت تمرين ثاني تاع الاعداد المركبه في التشابه او انا زعما ماقريتش التشابه نت زعما نتخيل هكا كيما صرات لايشان ي راح يجوز الدوفواغ

حسيت روحي بقيت غايسه او نحل في الهوى حتى صونات او خلاص الوقت او ماكملتش
او روحت للدار كاره ماهبيت نهدر مع حتى واحد

يعني مام في المنام اكدلي بلي رايحه نندبلها في الباك
و الله الباك هذا مشكل و لالي كوشمار

"~ انفال ~" · 2015-03-01, 20:13

هده كلها اوهام و تخيلات عليك بالتوكل على الله و حسن الظن به و بانه وحده القادر على تحقيق رغبتك في النجاح و بالمعدل الدي تريدين
تفائلوا خيرا تجدوه تفائلي بالخير و توكلي على الله و حاولي السيطرة على هته الافكار و الاوهام لانها لن تساعدك في شيئ سوا احباط معنوياتك
صحيح ان الباك محطة مهمة في حياتك و لكنه امتحان عادي مثل باقي الامتحانات
الجانب النفسي مهم جدا في هته المرحلة لدلك توكلي على الله حافظي على معنويات مرتفعة و بالتوفيق ان شاء الله
سلااام

nour beyane · 2015-03-01, 21:33

العلم أعطيه كلك يعطيك بعضو....والنجاح تضحيات وصعوبات لكن بالعزيمة والاصرار وقبلها الثقة بالله والتوكل عليه ونية طلب العلم.

بيلسان91 · 2015-03-02, 15:05

نهار تعقبيه وتديه تولي تضحكي على رووحك
كفاش كنتي تخمي فيه

بنت الجزائرية · 2015-03-02, 17:37

والله مام انا راهي تصرالي بزاااااااااااف لباك راه مهبلني

كايميرا1322 · 2015-03-02, 18:00

يا الجماعة والله ما كاينة حاجة - هذا هو التوتر و التخمام لي ما يخليكمش تدوه -
وهاذي حكايتي الشخصية - أنا عام جوزت الباك كنت جايحمن الأول تع العام ودايما عندي مشكل الغياب - الفصل الثالث والله العظيم بالاك قريتوا بمجموع أسبوع أو أسبوعين - كي قرب الباك سمحت فيه قلت من المستحيل نديه - كنت نشوف في صحابي يقراو ليل نهار و الدروس الخصوصية و الكتب الخارجية وأنا والوا so قلت العام لي من وراه نديه ان شاء الله ---- كي بقات سمانة قلت نراجع شوية باش نجيبوا على الأقل 8 أو 7 ومانديرش التبهديلة تع 5 - قريت ذيك السمانة ورحت جوزت الباك وانا ما دايرلوا حتى هم وحتى حساب لاني كنت مسمح فيه so كنت نروح بتحويسة نرجع بتحويسة ونرقد هاني - المهم الحمد لله جبتوا ب 10 - والأصحاب لي كانوا موسوسين به للأسف ما جابوهش ------- أنا ما نقولش خلي أسبوع وبدا تقرا او تغيب -- راك فاهم

كنزة88 · 2015-03-06, 15:49

اختي هذا التوتر ياك الخلعا تاع الباك غير ربي لي يعلم بيها المهم ننصحك بالصلاة ديما وتنحي من بالك الخوف وتتوكلي على ربي وديري في بالك بلي اذا درت وش عليك وقريتي ربي راح يعاونك ونتمنالك التوفيق

iyad199 · 2015-03-06, 17:51

ربي ينجحنا ان شاء الله

Chaima h · 2015-03-07, 14:19

انا حسبت غير انا لي هبلت و راني نجل معادلات و تمارين في المنام هههه مارانيش وحدي الحمد لله
و الله راح نهبل و قتاش يلجق الصيف و نريح ...

أنا جسر السعادة · 2015-03-07, 19:10

ريحي بالك و ماتعمريش راسك بالامور هاذو نت ديري اللي عليك و اللي بقى على ربي ادعيه برك انو ينجحك و ان شاء الله تتحقق طموحاتك كامل

yyoucef · 2015-03-08, 17:52

يبدو أن أحلامك ومستقبلك من عمل وزواج و.......و.......و.... بنيتها على البكالوريا أي أنك حلمت أن تكوني طبببة و تتزوجين وتشترين سكن و......و... فأنت قلقة وخائفة
يجب أن تعيد بناء احلامك من جديد بدون باك قولي لنفسك إذا لم أتحصل على الباك ماذا سأفعل ثم أعيد بناء أحلامك بدون باك
الحل :
أن تعيش في يومك فقط ولا تفكري في المستقبل اي ادرسي موادك اليومية وحاولي أن تفهميها وفقط ثم اشغلي نفسك بأشياء أخرى
فمن يضمن لك أنك يتعيشين لتك اللحظة
ومن يضمن لك أنك ستصيرين طبيبة
ومن يضمن لك انك ستسعدين بالطب