حصريا خبز الدار بالفرينة خفيف كي القطن مع غدائي اليوم

ninafret · 2012-05-28, 15:06

السلام عليكن اليوم حبيت نقدملكم خبز الدار بطريقتي الخاصة
صدقوني هاد الخبز خفيف جدا جدا ومايتشبعش يبان مسكوتة وزيد يحمر الوجه ويتناسب مع العرضات والعزومات نتمنى تطبقوه وتردولي وانشاء الله نشوف تطبيقاتكم في القريب العاجل

المقادير
في صحن كبير ديري ثلاث بيضات مع نص كاس اينوكس زيت وملعقة كبيرة خميرة خميرة الخبز ومغرف ملح ومغرف كبيرة ونصف سكر زيدي فوقهم كاس وثلاث ارباع حليب سائل دافي وربع الكاس ماء زهر يعني زوج كيسان اينوكس بين الحليب وماء الزهر واللي ماتحبش ماء الزهر تعوضو بالحليب يعني زوج كيسان حليب

خلطي الكل مليح مليح بالباتور

وزيدي 1كلغ بالضبط فرينة من دون زيادة ولا نقصان وزيدي 1خميرة نتاع القاطو ومغرف ثانية من خميرة الخبز

خلطي من غير ماتعجني بملعقة خشبية رح تتحصلي على عجينة تلصق خليها في نفس الصحن

وغطيه بكيس

ثم بمنشفة

وخلي العجينة تتخمر نصف ساعة في مكان دافيء

ادهني زوج سنيوات نتاع الفرن بالزبدة وادهني يدك مليح بالزيت واقسمي العجينة على السنيوات الزوج

زيدي ادهني يدك وحلي العجينة في السنيوة حتى تولي قيسها سقميها مليح راهي تاخد شوية وقت لان العجينة طرية بزاف وايلاستيك

ادهني الوجه بصفار البيض ورشي الجلجلان والسينوج

زيدي خليها تتخمر مرة تانية ربع ساعة في مكان دافء وهدا امر مهم ويعمل فرق ثم انقبي القرصة بفرشيطة ودخليها تطيب

ماتاخدش وقت كثير

وهذا بعد ماطاب خفيف كي القطن وساهل ماهل وخير من اللي يتباع

ملاحضة استعملي الزيت في يدك لان العجينة شوية سائلة وتلصق في يدك ادا ما تستعمليش الزيت تغلبك معاها
ادا ماتحبيش الخبز الخشين نقصي شوية من العجينة قبل ما تحطيها في السنيوات تتحصلي عاى زوج قرصات كبار وقرصة صغيرة اعطيهالي ليا ههههههه
هاد الكمية تعملك زوج قرصات كي يجو ولادك ولا يجيوك الضياف يخلصوهم في زوج دقائق لانه فعلا مثل القاطو
اي استفسار انا في الخدمة

هدا غدايا اليوم حوت بطريقة جديدة وسهلة ومقرمشة مع بطاطا صوتي في الكوكوط وسلاطة وحميص وديسار
\
اما عن الحوت اغسلت الساردين واعصرت عليها حبة قارص وسنة توم مرحية خلط الكل وفي صحن حطيت كاس سميد احرش مع مغرف كموم وملح وزوج ملاعق فرينة ومرغدت حبات السردينة فيهم حتى تغلفو مليح وقليتهم في الزيت حتى تحمرو قطرتهم وقدمتهم وطعمهم روعة يقرمشو بطريقة رهيبة

soumsouma · 2012-05-28, 15:13

الوصفة من فضلك

ايمان16 · 2012-05-28, 15:29

صحيتي ياشاطرة

حنين الدلال · 2012-05-28, 15:46

يعطيك الصحة يا الشطورة

hamida2012 · 2012-05-28, 16:01

يعطيك الصحة يا الفحلة بصح وين راهي الوصفة

nina_65 · 2012-05-28, 17:32

منظره يشهي يعطيك الصحة

سَلْسَبِيّلْ · 2012-05-28, 17:57

الوصفة من فضلك باه نستفادو

salima 1984 · 2012-05-28, 18:09

يعطيك العافية على هاذوك ليدين لحنانات

بسكرة7 · 2012-05-28, 18:13

عندي مشكلة في خبز الدار مصلحليش خلاص جربت شحال من وصفة

هيا الزينونة باين روعة اعطيلنا الوصفة

بيان 5 · 2012-05-28, 18:14

يعطيك الصحة

habiba12 · 2012-05-28, 18:15

خرجلك ررررررررروعة الله يعطيك الصحة و بصحة عليكم من فضلك حطينا المقادير الخبز وشكرا مسبقا

doha djaz · 2012-05-28, 18:17

منفضلك الوصفة

amilaz · 2012-05-28, 18:29

الوصفة الوصفة الوصفة الوصفة الوصفة الوصفة الوصفة الوصفة الوصفة الوصفة الوصفة الوصفة شكراااااااااااا

الصوامعية · 2012-05-28, 18:48

يعطيك الصحة أختي

zahra manini · 2012-05-28, 19:11

يعطيك الصحة باين يهبل اعطيني الطريقة تعيشي و بالصحة و الراحة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري