هل المساعدة .......

[مشكلتي]

يريد خطبتي شخص هو لا يملك عملا محددا ولا يملك حق الشرط والخاتم كما نقولو وانا بغيت لحلال

هل مساعدته ماديا لتسهيل امور الزواج وتيسيير الحلال يعني امر عادي ولا سيجعله يتكل عليا من بعد


مع العلم انو انسان مدين ومتخلق ومتربي وبغا العفاف وانا ايضا وقتنا صعيب بزاف لشاب في مقتبل العمر باه يكون كلش وحدو


خاصة مع عادات التي تكلف كثيرا وبعض العادات اصلا لا فائدة منها


انا قلت له تقدم لخطبتي ولا داعي لامور الذهب لاني مبغيتش نكلفو فوق طاقتو خاصة انو الذهب الان غالي قتلو خاتم واحد يكفي يعني لا داعي لخاتمين ولويز


هل صحيح اني طيحت بروحي كما يقولو ولا راني نسهل للحلال والله صدقوني حابة نتزوج ونتستر وباغية نكون اسرة واولاد؟؟


وهل لي تتنازل على بعض العادات تعتبر قللت من قيمة نفسها ؟؟؟

[منى6019]

السلام
سبق و طرح اخ او اخت مثل هذا الموضوع هنا
و لو ترين ردود الرجال..!!!!..
https://www.djelfa.info/vb/showthread.php?t=1989968

[زبدة ذايبة]

مافيها والو الحلال بل بالعكس

لكن يا أختي

مساعدة الرجل لأجل الزواج منك ستخل من النظام الذي وضعه الله كسنة كونية درجت عليها البشرية

عليه الصلاة والسلام حدد الزواج بالقدرة ( من استطاع منكم الباءة فليتزوج) والباءة هي القدرة على الزواج ماديا وبدنيا

فيك جانب طيب أنك تريدين مساعدته

لكن أرى أن تتركي المساعدة إلى حين وقتها بعد أن تصبحي زوجته

لكن

اسمحيلي نكتب بالدارجة

تبداي من ضرك انت اللي تشري الخاتم وانت اللي تشريلو الكبش وانت اللي تعطيلو المهر

هذا خطأ . كاين أمور عندنا في الشرع وعندنا في العرف ولما مايتعارضش العرف مع الشرع نطبقو العرف (العادات والتقاليد)

نتفهم حاجتك ومطلبك للزواج وهذا حق واحد ماينكرو عليك

لكن أنا نفكرلك في العاقبة اللي تكون من بعد

وحتى انت في قرارة نفسك ماراكيش مطمئنة للتنازلات اللي راكي رايحة تقدميها لهذا الإنسان

خليه يدير واجبو معاك ويبين روحو راه راجل أولا

والمساعدة تاعك راكي ملحقة على المصروف

ماتبدايش من ضرك تحطيلو لمخدة تحت راسو وهو مازال حاجة مادارها

خليه على حساب وش تقدر تملي عليه رجولتو

إذا كان راجل حر يطيح وينوض على جالك يدبر راسو باش حاجة ماتخصك

وإذا كان غير ذلك يبدى من الأول يتردد ويجيب السبايب

ماتتعلقيش فيه وخليه على رايو وراحتو قد ماشديتي فيه قد ماتنازلتي

وقد ماتنازلتي على جالو قد مايتنازل عليك بكل سهولة

روحي معاه وحدة وحدة . الحمد لله الجزائر فيها رجال صالحين

وإذا كان ماشي هذا كاين آخر وانت ومكتوبك .

[خالد عنابي2]

الا يملك عملا محددا فتلك مشكلة كبيرة

كيف سيعيل اسرته مستقبلا ؟

الاخلاق والتدين والعفاف امور اساسية ومطلوبة ولكنها لا تلغي الحاجة الى الخبز والحليب والدواء والسكن وغيرها من ضروريات الحياة في هذا العصر

لا عيب في تخفيف الشروط الى الحد الادنى ولكن على ان يكون قادرا على اعالة اسرته ولديه مصر دخل موثوق يفي بذلك

وليس لما تنجبي الاولاد يوليو عائلتك وعائلته هما لي يصرفو عليكم

في هذه الحالة هو لم يقدم لكي شيئا في الزواج بل فقط اخذ منكي رغباته الجنسية

[خالد عنابي2]

يعني السيد حيب ما فهمت لديه رغبات ملحة ولم يجد الحل سوى في الزواج ولكن دون ان يقدر عليه

لازملو يصوم فان الصوم له وجاء

الى ان يصبح قادرا على الزواج

[سفير الأيام]

بارك الله فيك وفي اهلك



على مراعاة ظروف الرجل لكن اختي في الشرط للتسهيل ما تطلبيش مهر غالي لانك تعلمين الاحوال الاجتماعية لغالبية الشباب لكن هدا لا يسمح ولا يحق لك الاستغناء عن المهر الدي هو شرط للزواج لازم يشري حسب طاقته والباقي متاخر حتى ربي يفرج عليه ان شاء الله

ثانيا


اللي حاب يتزوج وزوجته تساعده في كل شيء قبل الزواج اقول قبل الزواج

ليس برجل قد يتحمل المسؤولية مستقبلا وهدا عن تجربة لان الانثى لا تبحث عن دكر يشاركها انوثثها

[nidabaize]

كلام العضوه زبده ذايبه و العضو سفير الايام منطقي ولا تغرك الدين و الطيبه ليس معيار يقاس عليه و خاصه انه لا يعمل مشكل كبير الا ادا كنت عامله و تاكله على الخلصه نتاعك

[طيور الجنان]

اختي المشكل ماشي هنا في الخاتم و الويز و العرس ووو... المشكل كي تتزوجو و توليو مع بعض كيفاش راح يصرف عليك منين ؟؟؟ شكون راح يتحمل المسؤولية انت!!!!! و كي يرزقكم ربي باطفال شكون راح يقومهم؟؟؟ هذا هو المشكل ربي يجيبلك اللي فيه الخير ان شاء الله.

[riheb razane]

انشاء الله يربح عليك اعقلها وتوكل الرزق على ربي يما ادوهم بخير عليهم هما اتزوجو ولاو على الحديد ويما ادوهم عشاه معندوش ولات سلطانة زمانها المهم اكون شاطر ماشي فانيان واخطيط من هذه التقاليد البالية اقلهن مهر اكثرهن بركة يما جابلهم الخير والخمير وعاشاو متطلقين ربي اعافينا المهم الهناء ربي اهنيك واهنينا