موضوع مميز الجزء الثالث من وصفات حراير واش طيبتي اليوم - الصفحة 23

idron0 · 2016-05-19, 10:20

الايس كريم انا هي رزيقة

درت غلاص فريز بالطريقة العادية كاس بودرة شانتيلي و 3 ملاعق كبيرة فلان فراز او باطة فلان ذوق فراز مع 3 /4 كاس حليب بارد و كي طلعتهم مليح لازم يجي عاقد زدت فيه حوالي 20 حبة فراز مطحونة في الخلاط مع 1/4 كاس حليب و زدت طلعت مليح و الى المجمد . لازم تنحيها من المجمد بحوالي 5 دقائق قبل متسربيها . و كي سربيتها زدت فيها قطع فريز.

إضغط هنا لرؤية الصورة بحجمها الطبيعي.

وهادي

ثلاث اذواق شكولا فانيليا و فريز

إضغط هنا لرؤية الصورة بحجمها الطبيعي.

idron0 · 2016-05-19, 10:36

حريرتي جازيا ام البنات

حبة كبيرة بصل طماطم زوج حبات كبار حبة جزر وحبة بطاطا وحبة لفت حلو البصل والطماطم نرابيهم وبقية الخضر نقطعهم نزيد الحمص وشوية فول منفخين القصبر والكرافز ملعقة كبيرة سمن انا شخصيا نستعمل مدينة نزيد ملعقة زيت بلا ماننسى اللحم ممكن غنمي او دجاج حسب المتوفرونعمل التوابل راس الحانوت والفلفل الاسود عود قرفة ورقة رند شوية فلفل احمر ملح ونمرق نخليها تطيب من بعد نصفي القصبر واللحم وشوية حمص ونطحن الباقي وادا حبيتها خفيفة متطحنيش الخضر (الباطاطا والجزرو اللفت) صفيهم ردي القدر على النار وادا كان خاص الماء زيدي ضفيلها شوية كروية وشويه طماطم مصبرة وربيطة صغيرة قصبور ونحضر التغلية نحط ملعقة صغيرة تشيشة ولما تغلي القدرة نرمي الفرينة ونحرك
3ملاعق فرينة نحلهم بالماء ونخليها شوية ثقيلة ماشي بزاف شوية برك هدي هي لي نغلي بها ونحرك ونخليها تطيب ومرة على مرة ندور يدي فيها دوك دير كي الفرارة من فوق نقصي للنار باش ماتفيضش وتطيب على خاطرها عند التقديم هاداك الحمص واللحم لي صفيته نحطه في الغرافي ونفرغ الحريرة نرش شوية كروية وشوية قصبور مقطع وعصرة ليمون وشهية طيبة
ممكن في بلاصت التشيشة تعملي شوية فرميسال او فريك اولسان الطير او ما تعملي والو.

idron0 · 2016-05-21, 18:32

البريوش محشي بالكريمة ( منقول ) ام لجين هيثم

idron0 · 2016-05-21, 18:34

البودينغ بالتمر جازيا ام البنات

في الاول نحضر عصيدة التمر (لابيري تع التمر)200غ تمر منزوع العضم ومقطع نحطوه في كاسرول على النار ونضيف430 سل من الماءلما يطيب التمر نضيف ملعقة كبيرة بيكاربونات عندما يبرد الخليط شوية نطحنه حتى يولي عصيدة
في اناء نحط 80 غ مرغرين طرية+150 غ سكر ناعم ونخلط مليح ثم نضيف 2 بيض حبة بعد حبة ونواصل الخفق نضيف 35 غ كاكاو و150غ فرينةنخلط ثم نضيف عصيدة التمر ونخلط ثم نفرغه في قالب مغطى بورق الطهي والى الفرن مدة الطهي حوالي 45 دقيقة على درجة حرارة 180 درجة مئوية لما يطيب ويبرد زينيه بالشكولة ذائبة وبالصحة والراحة.

idron0 · 2016-05-21, 18:43

قاطو ساك مسكر اسيا 27

قاطو ساك مسكر على شكل هليلات شافتو اختي في النت و دارتو و انا سرقت تصيورات و حطيتهم خخخخ
دارت فيه 2 حبة بيض -2 كاس صغير سكر ناعم - 2 كاس صغير زيت -2 كاس صغير مايزينة - زاست 2 حبة ليمون و عصير ليمونة -1خميرة الحلوة - فرينة
السيرو :كاس سكر و كاس ماء و قطعة ليمون يغلو فوق نار قليلة 10 دقائق و ندخلوه يبرد
من بعد نديرو حبات الحلوة بعد ما تبرد في السيرو و نسكروها كيما نسكرو التشارك العادي
صحيح مخدوم بالزيت مي يجي طري بزاااااااف و بنة الليم فيه اممممممممم .

idron0 · 2016-05-22, 09:54

موسكوتشو 2 بيضات oum ibrahim

idron0 · 2016-05-22, 10:08

خبز البرغر ام ساجد

إضغط هنا لرؤية الصورة بحجمها الطبيعي.

idron0 · 2016-05-22, 10:12

شكشوكة الجريوات oum ibrahim

ديري بصل مقطع جوانح في مقلاة فيها زيت يتقلى زيدي عليه طماطم مقطعة و ثوم رابي و ملح و فلفل اسود قلي الكل وزيدي كورجات مقطعة دوائر غطي و خلي يطيب تقدري تقلي الكورجات من بعد تزيديهم في الاخير لكن انا درت كلش مع بعض جات خفيفة راهي ماتاخذش وقت في الطياب لما تشوفي الكل طاب ضربي البيض و فرغي عليها و غطيها حتى يطيب البيض و قدميها مع رشة معدنوس و الف صحة و هناء .

إضغط هنا لرؤية الصورة بحجمها الطبيعي.

idron0 · 2016-05-22, 10:34

بولات بالنواد كوكو oum habouba

إضغط هنا لرؤية الصورة بحجمها الطبيعي.

idron0 · 2016-05-22, 16:11

حلوة الطبقات لام وليد oum joujou

إضغط هنا لرؤية الصورة بحجمها الطبيعي.

ملاك ملاكي · 2016-05-22, 20:42

ربي يجازيك اختي الله يجعلها في ميزان حسناتك يااااااارب

Uaeec · 2016-05-22, 21:48

بارك الله فيك

nabila1986 · 2016-05-24, 09:34

ahlan inni abhath 3an al couscous mostghanmi idrouh b z3itra ou fliou ou lekrafes idirouh Ghir fi mostghanem ,rani nebheth ala el wasfa .moumkin al moussaada

idron0 · 2016-05-26, 11:45

كيكة بيضة واحدة لام وليد lahna moka

إضغط هنا لرؤية الصورة بحجمها الطبيعي.

idron0 · 2016-05-26, 18:53

عفسة اللوز والكاوكاو ......للاقتصاد الهام

حبيباتي بهذي الطريقة تقتصدو النصف يعني بدلا ماتشرو 100 ألف لوز تشريو غير 50ألف والطعم هوهو

حبيبتي شوفي ديما تلقاي وصفات معالجة الكاوكاو باش يصبح لوز كاذب بصح في الحق والله يبقى ثقيل وماشي بنين خلاص ويبان كاوكاو الصراحة ماتعجبنيش الطريقة أفضل نشري اللوز بالغلاء وندير حتى لو شوية وجي مليحة وبنينة وتحمر الوجه على مثلا بقلاوة بالكاوكاو ماتتكلش وثقيلة
مالا خممت في هذي العفسة وجربتها في مقروظ فلة والله وتباتي ماتفيقي بيه باللي كاوكاو بصح لازم تخلطيلو لوز يعني هذا هو السر اللي يخلي الخدعة ناجحة 100/100
شوفي ديري كيلة لوز بالقشرة ( لانو القشرة فيها نكهة ) وزيد تعاونك تغطي طعم الكاوكاو وكي تشوفي بعينك الخليط ( للي ماعلابالوش ) يحسبو جوز + لوز وهو لوز + كاوكاو
الطريقة هذي مليحة بالخصوص كي يكون عرس ولازم كمية كبيرة تقتصدي بصح الاقتصاد مايكونش على حساب الطعم لالا والله يبان كامل لوز زيجي بنين يهبل :
تبعيني ضرك :

كيلة لوز بالقشرة ( في وصفة فلة درت حوالي 200دج لوز الكيلو يدير 1100دج )
+ كيلة كاوكاو ماشي محمص لأنو لو يكون محمص خلاص طفرت ماتقدريش درقيه باللي كاوكاو لازم يكون ماشي محمص ومايهمش بالقشرة أو بدون المهم ماشي محمص

حطيهم في الروبو وأرحيهم مع بعض عادي واقسميهم على 4 أقسام متساوية وهزي قسم كيليه هذيك الكيلة ديري قدها سكر
يعني ديري 4 كيلات مكسرات بكيلة سكر عادي ( باش الحشو مايجيش يابس ومايجيش حلو بزاف لانو من بعد يتعسل ) هذي الكيلة نديرها في كل انواع القاطو

+ فاني ( رايحة تعطيك ريحة روعة وتغطي ريحة الكوكاو )
+ شوية قرفة ( راهي من الأسرار اللي تخبي طعم الكاوكاو وتخليه يشبه للوز )
+ اكستري نتاع اللوز الحلو وليس المر ضروري يكون حلو ( هذا ثاني سر مساعد جدا )
+ بللي بماء زهر يكون ريحتو مليحة ماشي هذاك اللي كي الماء.