مشاكلي مع خطيبي

مشكلتي · 2017-01-12, 18:25

السلام عليكم
من فضلكم افيدوني باراائكم خطيبي من النوع الذي لا يحسن انتقاءكلمات جميلة في وقت اللحظات التي تجب فمثلا يكرر مرارا نفس الكلام في نفس اللحظة فامل احيانا ويظهر علي الانزعاج او اللامبالاة فارد بالمثل او اسكت ...
مشكلتي الثانية معه هو انه دائم التفكير فبرغم انني لست ثرثارة كبعض البنات يعني احاديثي مختصرة ولكنها تجلب في العادة الاهتمام اراه غير مركز فيما اقوله واحيانا يسكت في حين يجب عليه المناقشة !!
مشكلتي الاخرى متعلقة بناحية الجمال لطالما يخبرني انه ليس بوسيم وانما مقبول الشكل وهذا الامر يزعجني كثييييرا واراه نقص ثقة في نفس من هذه الناحية لاني اعرفه ليس بضعيف شخصية لكن في هذه النقطة بالذات لما نصل اليها يكرهني فيه ( اعلم اني لست بججميل )
يطلب مني ارتداء الوان محددة ولكن ابدا لم يخبرني ولو لمرة عن جمالي او يمدحني والمراة تحتاج بشده لرجل حياتها يتغزل بجمالها فماذا اقول انا هل لانه فاقد للثقة في هذه النقطة ام ماذا كذلك هو لا يحسن البتة ارتداء الملابس مع انه عشريني وشباب هاذا الجيل لهم البسة محترمة وجميلة جدا ولكنه يبدو مثل شباب جيل مضى وانتهى ولن اجرا في يوم اقول له غير ملابسك فهي لا تعجبني لمحت له بطرق عديدة عن ماراكات تعجبني لكن لا حياة لمن تنادي انا فقط التي افعل ما يريد

أم درين · 2017-01-12, 19:52

وعليكم السلام ورحمة الله وبركاته
نتي طلبتي آراءنا وهاذا رأيي بكل صراحة:
أولا: الكلام قبل الزواج لازمك تعرفي حكم الشرع فيه يا أخت
وتعرفي أضرارو أيضا ولوكان لاقدر الله فسخت الخطبة هذا بعد كل الاسرار اللي عطيتوها لبعض ومنبعد كي تزوجي من حق زوجك الجديد يكون المالك الوحيد لأسرارك ..
وقولك يا أختي الغالية حاجة المرأة الى *** هاذا الأمر يحدث بعد الزواج ولوكان جات المرأة تحصل عليه بسهولة بدون الزواج من أي خطيب يطبطب على باب دارها علاه كاين الزواج؟؟ كل وحدة تمدد فترة الخطوبة وراهي حاصلة على احتياجاتها بسهولة
كبري عقلك

هدانا الله واياكم

ابراهيم داود · 2017-01-12, 20:00

لا ادري ان كانت هذه المشكلة حقيقية ...ان كانت كذلك فمعذرة لكنه تبدين غير ناضجة من كلامك ومازلت تفكرين بطريقة عاطفية اساسها المسلسلات التركية ....بناء اسرة لا يقوم على الكلام الطويل في الهاتف ...اذ واضح جدا مما كتبته انك " تحكي بزاف في الهاتف مع خطيبك " وهذا السلوك " يجيح " ويجعل الكلام فارغا ومن ثم ينزل المستوى وربما تدخلون في الكلام في ما لا يجوز قبل الزواج.... وهذا الامر سيهدد العلاقة الزوجية فيما بعد.....المفروض انه بعد العقد الشرعي يمكنكم النقاش بوعي وعقل حول اساس بناء الاسرة ....اما النقاش حول علامات : شانيل ..ايغوبوس ..و غوشي...دولشي وغابانا... والموضة وتسريحات الشعر والالوان وسراويل الجينز الممزقة وآخر الهواتف التي صدرت فهو مجرد هراء 0لن يبني اسرة ابدا

sokalitnin · 2017-01-12, 20:10

اقتباس:

المشاركة الأصلية كتبت بواسطة أم درين

وعليكم السلام ورحمة الله وبركاته
نتي طلبتي آراءنا وهاذا رأيي بكل صراحة:
أولا: الكلام قبل الزواج لازمك تعرفي حكم الشرع فيه يا أخت
وتعرفي أضرارو أيضا ولوكان لاقدر الله فسخت الخطبة هذا بعد كل الاسرار اللي عطيتوها لبعض ومنبعد كي تزوجي من حق زوجك الجديد يكون المالك الوحيد لأسرارك ..
وقولك يا أختي الغالية حاجة المرأة الى *** هاذا الأمر يحدث بعد الزواج ولوكان جات المرأة تحصل عليه بسهولة بدون الزواج من أي خطيب يطبطب على باب دارها علاه كاين الزواج؟؟ كل وحدة تمدد فترة الخطوبة وراهي حاصلة على احتياجاتها بسهولة
بالنسبة لملابسو بعد الزواج الأمر يولي ساهل اقناعو

هدانا الله واياكم

شكرا اختي فردك يدل على معدنك وقوة شخصيتك والله اعلم كما اني اريد اضافة ان شباب اليوم يلبسون ملابس لا تسر العدو ولا الصديق انا لا اعلم كيف اعجبتي بالسراويل الممزقة والهابطة وفي الاخير نرجو ان لا تنزعجي من ردنا فهناك من له تجربة اكثر منك وجب عليك الاستفادة منها او طرحها وكل ما يقول الاخوة مجرد اراء وفقك الله واصلح لك خطيبك وجمع بينكما بخير ورزقك الذرية الصالحة

ع.عيسى · 2017-01-12, 20:23

حاجة لي مانيش فاهمها ، هذا النوع من الرجال يلي ما هوش عاجبك كيفاش مشيتي معاه واقبلتي بيه في بادئ الامر ، ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نور لاتراه · 2017-01-12, 21:32

السلام عليكم
الان بكل مافي الامر من مخالفات شرعية
فالاجدر الاصلاح وليس القطع
فلا يخفى علينا حال مجتمعنا من الدين
انصحكِ بمراجعة نفسكِ اولا
ثم الاطلاع على ما نوه به الاعضاء
بالتوفيق

زبدة ذايبة · 2017-01-13, 07:18

وش حبيتي يزيد يديرلك أكثر ؟؟؟؟؟

خطبك واختارك من بين الآلاف المؤلفة من البنات

هذا مازال ما رحتيش ليه وبديتي تحسبيلوا

إذا ماراكيش مقتنعة بيه خليه

مشكلتك عندك تصورات في ذهنك للرجل اللي كان راح يكون فارس الأحلام

وبديتي تقارني هذا المخلوق مع الأفكار اللي عندك في راسك على الرجل

هذا الأفكار مصدرها شاشة التليفزيون من مسلسلات وأفلام

يعطيولكم صورة الرجل المثالي اللي يتصرف مثل التوتو عند المرأة

ويلبس أحسن الملابس

ويعيش بطريقة معينة

ويفهم كلش

ويعرف يقول كلمات الغزل والحب للمرأة

ما أحلاه ( بطل) تشاهدينه على التلفاز

لكن عزيزتي

الزواج والواقع ماراهوش بهذ الطريقة

عندنا أمور لازم ناخذوها بعين الاعتبار

الزواج ماراهوش سيناريو يكتبوا شخص على أوراق

الواقع غير كل هذ الحكايات

معروف على الرجل الجزائري أنه لايعبر عن مشاعره مهما حصل

وإسألي أمك

واسألي المتزوجات

خطيبك هذا ماعندو حتى مشكل معاك

انتي اللي عندك المشكلة وراهي فيك على كل حال

عاودي امسحي من راسك هذيك التصورات والأفكار

لأنها رايحة تبعدك على السعادة الزوجية

كل أنسان فيه صفات مميزة ومختلفة عن الثاني

هو رجل وأنت إمرأة

هو عندو طريقة عاش بيها وتربى بيها

وانتي نفس الشي وزيادة على التربية كاين تأثير المسلسلات عليك

ماعندك حتى مشكل سوى أفكارك

وفي الأخير نقولك حاجة

إذا كان هذا الإنسان ماراهوش عاجبك خليه يروح لأنثى ثانية تكون قادرة طلع من عندو كلمات الحب والعاطفة اللي راكي حابة تسمعيهم انتي

وتكون قادرة تعاونوا يبدل طريقة الكلام وطريقة اللباس

وتكون قادرة تعطيلوا أكثر من تطلب منوا

وتكونلوا عون في هذه الدنيا

إذا قصر في أمور الدين تنبهوا

إذا غلط تستر عليه

وإذا ماعرفش توريلوا

وإذا مافهمش تساعفوا

وإذا ماكانش عندو تصبر عليه

وتكمل معاه حياتها إلى الممات

هكذا تكون المرأة الصالحة

إذا راكي تحوسي على واحد مثل المسلسلات التركية انتي ماتبذلي حتى جهد وهو الدرك يكون عليه مانظنش رايحة تلقايه

ماعنديش وش نزيد . ممكن الأعضاء يكون عندهم رأي آخر

نتمنالك التوفيق

lalib40 · 2017-01-13, 17:10

الزوجة تخير الملابس لزوجها .؟؟؟؟؟؟

ميرنا خليل · 2017-01-16, 10:04

انا مخطوبة و نضل نحكي مع خطيبي فتلفون خاطر هو يحب يعرف كلش مع من راكي وين راكي كي تخرجي قوليلي لبسي حجاب و بزااف بصح الحمدة لله معنديش معاه مشكلة و لكن الكلام فالهاتف اصبح مملا مراناش نلقاو واش نقولو

~~karimtito~~ · 2017-01-16, 12:09

ربي يجيب الخير للبلاد

imiouss · 2017-01-18, 21:47

نقولك حاجة واحدة استعدي الى ما بعد الزواج

sohaibdz · 2017-01-19, 12:09

الجهر بالمعصية سبحان الله !!!
اولا هذا ليس زوجك حتى تتكلمي معاه بهذا النوع من الكلام
ثانيا لازم تنحي من راسك هاذيك الصورة المثالية للزوج لانك يبدو انك تاثرتي بالافلام و المسلسلات التركية لان الكمال لله
ثالثا الزواج مسؤولية ونصف الدين و ليس كلام و لباس

oumi82 · 2017-01-24, 20:44

samhili khti ana wahda man nass manakdarch natzawaj b rajal kima hada s3iba chwiya hada ghir doka rah ydirlak hakda amala ki tatzawji bih kifach khami mlih f l avenir dyalak bien

samiaa2017 · 2017-01-25, 08:35

السلام عليكم
أختي أولا من الظاهر من كلامك و سامحين ان خانني التعبير أنك تهتمين بالمظاهر و صراحة تفكيرك ينقصه النضج .لا تنظري نظرة سطحية فالجوهر هو المهم في رايي ان تبحثي في تدينه لا في شكله و لباسه
و أسال الله لك كل التوفيق و الحياة السعيدة

ام ثينو · 2017-01-25, 18:28

السلام عليكم
الحقيقة ما لقيتش المشكل فيه هو المشكل فيك نتي نتي راح تتزوجي بيه ولا راح ديري بيه معرض ولا كولاكسيون لانو النوع لي راكي تحوسي عليه كاين عند مهند وما شابهه لكن تافه
نتي علاه تحوسي عليه واش يلبس ولا كيفاش يخمم حنا المراة هي لي تبع راجلها ماشي العكس
وكون يلبس و يولي حطة تحطينا مشكل وقولي خطيبي شايف روحو
هادا كوم وكلام الغزل كوم ثاني
يهديك ربي ابنتي واش من غزل راكي مخخخخخخخخخخخخخخخخخخخخخخططططططططططططططططططططططططططط طططططووووووووووووووووووووووبة ماكيش متزوجة لا يحق لا لك ولا له بمثل هده الامور
ما تقوليش راني رجعية ولا متخلفة لكن هداا هو الصحيح
فيما يخص المناقشات عادي انتي حاولي تتناقشي في مواضيع هو يحب يحكي فيهم ومدام ما جاوبكش او ماش معندوش واش يول لا انما جاوبك بطريقة خلاف وهي لا اريد المناقشة عن طريق السكوت
اختي الكريمة نحي عليك لحوايج هادو كل من راسك راهم تافهين وخليك عزيزة لا كلام غزل ولا رثاء نهار تروحي لدارو ديك الساعة اهدري
متقلقيش من كلامي