سؤال

[ام اسماء واويس]

السلام عليكم واسعد الله صباحكم بكل خير
وحدة جايبيلها المهيبة اول مرة وميش عارفة واش تحطلهم قهوة ولا جي ووقتاش وكيفاش ووقتاش تدخل عليهم الطفلة لي عندها خبرة في هذ الامر تجاوبنا

[ام تقوى 34]

مافهمتكش اختي وضحي

[nesrinwarda]

السلام عليكم ورحمة الله وبركاته
نفيدك بالخبرة تاعي و كل واحد يدير كيما إحب.
كي يجو ناس دارك خليهم يقعدو شويا من بعد أدخلي سلمي عليهم أقعدي شويا معاهم من بعد جيبي القازوز مع باتيسري او les salees او حاجة أخرى.
من بعد حطي القهوة مع حلويات من الأفظل أنت حظريها خاطر إذا قالو شكون دار هذ الحلوة ما تنحرجيش.
كوني طبيعيه او ما تخافيش ، رب إنشاء الله إكملك بالخير

[sinda]

ربي يكمل ويتمم على خير كيما قالتلك أخت نسرين كي يقعدوا شوية أدخلي عليهم بأحلى حلة وأقعدي معاهم شوية ولكي الإختار إما تحطي العصير والفواكه واش عندك ولا تحطي القهوة والأفضل العصير هو الأول ومن بعد هزي وتكوني موجدة القاطو الفناجن يعني مستلزمات القهوة كامل باه ما تتعطليش وحطي ااسني أنتاعك بالطبع باه يعرفوا راكي فحلة وقومي بيهم مليح هي راكي تكوني خلعانة شوية لأول مرة تباني راح تعقبي الباك ههههههههههههه ومادذا بيك ديري هدية لأم راجلك حسب مقدورك والوكان خمار وديودورون والبنات خواتاتوا تزيد من قيمتك ورديلهم من القاطو لي درتي باينة راح يجيبولك وربي يهنيك أنا هكذا كنت ندير مبصح للأسف كاين ناس تقيميهم مايستاهلوش وماشي الناس كامل كيفكيف

[ام سام]

كيما
قاتلك الاخت sinda راهي وفات وكفات
تقدري تاني تحطي لاتاي مع المكسرات لا حبيتي تزوخي

[أم شهد*]

مفهمتش سؤالك ممكن توضحي اكثر باش نقدرو نساعدك اذا امكان