تدابير تهم كل ربات البيوت

ام محمد ميدو · 2011-12-25, 15:22

اخواتي العزيزات هذه بعض الخبرات و الحلول لي تحتاجها ربات البيوت في حياتها اليومية ولي عندها مشاركة مرحبا بيها
نبدا بحاجة سامطة في التنظيف نتاعها ومقززةاذا تكسرتلك بيضة في الارض ذري عليها شوية ملح وبعد ساعة يسهل عليك تنظيفها
ولتنظيف بقع الشحم من غطاء المائدة حكي عليها الطبشور خليها تمتص الدسم ومن بعد اغسليها عادي
اذا عندك فناجيل ولا صحون فيهم تشققات ديريهم في اناء مليان حليب وديريها فوق النار تغلي من 30د الى 45د ان شاء الله راح تزول
هذا كافي لليوم

souad kamel · 2011-12-25, 16:25

مشككككورة وننتظر المزيد

ام محمد ميدو · 2011-12-26, 09:56

* اذا وضعت سنة ثوم في تربة الخاصة بنباتات الزينة راح تبعدي عليها الفطريات
ما تخليش اناء العصير بدون غطاء لان فيتامين c يفسد بتعرضه للهواء
قشرة الموز رائعة لتنظيف الجلد افركي بيها الاحذية او المفروشات المصنوعة من الجلد الاسمر للتخلص من البقع الداكنة

يتبـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــع

أم ياسين الزهراء · 2011-12-26, 13:20

افكارك مليحة بصح ردي بالك الماعون المشقق نهنا عليه الرسول ارميه افضل

ام محمد ميدو · 2011-12-27, 13:33

اقتباس:

المشاركة الأصلية كتبت بواسطة أم ياسين الزهراء

افكارك مليحة بصح ردي بالك الماعون المشقق نهنا عليه الرسول ارميه افضل

والله اعلم ذلك عزيزتي انا لي قصدتو انو في كثير من الاحيان يكون عند الواحدة منا طقم عزيز عليها وتكون حاطاتو برك ديكور هذي طريقة باش ما ترميهش

ام محمد ميدو · 2011-12-27, 13:44

سلام بنات نكملو مع بعض
الرطوبة تهدد السكر الرطب و السكر مكعبات لتفادي ذلك حطي قطعة ورق نشاف في قاع العلبة لي فيها السكر
باش تنظفي الملاحة نتاعك ديري قطرات خل في ماء سخون واغسلي الملاحة ثم شلليها مليح ونشفيها بالسيشوار
وباش تتفاداي الرطوبة في الملح ديري حبات روز في الملاحة و غيريها مرة على مرة

أم ياسين الزهراء · 2011-12-28, 11:54

بارك الله فيك اختي العزيزة

omanis · 2011-12-28, 12:09

بارك الله فيك اختي نصائح جد قيمة و مفيدة ربنا يجعله في منيران حسناتك

emily21 · 2011-12-28, 20:50

مشكورة أختي على النصائح

هاجر 76 · 2011-12-28, 21:01

شكرااااااااااااااا اختى بارك الله فيك نصائح مهمة

safiii · 2011-12-28, 21:56

ام محمد ميدو · 2012-01-02, 09:51

نورتن صفحتي عزيزاتي و اسعدني جدا مروركن شكرا

ام محمد ميدو · 2012-01-02, 10:10

* اذا عندك فناجيل اتاي حساسين او اي اواني زجاجية و بمجرد ديري فيها حاجة سخونة تتطرطق ديريهم في كسكاس و فوريهم ان شاء الله تتخلصي من المشكل
* كي تشري كوكوت او اي اناء المنيوم قبل ما تستعمليه فيضي فيه الحليب ثم اغسليه بالماء السخون هكذا تحافظي على لونها
* باش تنقي الصدا من السكين اقسمي بصلة على زوج و ذري عليها سكر رطب
وامسحي بيها الموس نتاعك

ام محمد ميدو · 2012-01-12, 15:31

نواصل على بركة الله
- لازالة البقع فوق كيسان الاتاي مع طول الاستعمال ديريها في ماء مع الصابو وغليها نص ساعة وراح ترجع جديدة
- باش تتخلصي من الغبار في مزهريات اورد المجفف خرجيها من النافذة او في البالكون ونظفيها بالسيشوار
-اذا تقطرلك شمع فوق ملابسك ديري ورق الجورنان ومري فوقه المكواة والجورنان راح يمتص البقعة

ام محمد ميدو · 2012-01-16, 15:26

* باش تحدي سراويل كلاسيك ديري ورقة نتاع جورنال وحدي فوقها بلا ماء ولا بخار نتيجة مذهلة
* للتخلص من رائحة الدهان من الغرف قطعي بصل وارميه في الارض او جيبي اناء وحطي فيه الحليب وحطيه في وسط الغرفة
* اذا عندك بقع دم في ملابسك حطيهم يترنخو 24 ساعة في مشروب غازي من الاحسن كوكا ثم اغسليهم عادي