مشكلتي في الزواج

[lilasanna]

أنا فتاة 24 سنة تعرفت على شخص ملتزم حافظ لكتاب الله كاملا لديه ثقافة دينية جاء لخطبتي و لكن هو متزوج و زواجه غير مستمر لأسبابه الخاصة وليس لي دخل في مشكلته عندما تعرفت عليه كان تركها يعني ليس بسبي (السبب في الحفاظ على الشرف) زوجته ليست مطلقة و لا تعيش معه لمدت عام و لا يريد أن يأتي الطلاق منه بل منها لأنه يقول ليست لديها حقوق لدي و لا يريد استمرار معها عندما جاء لخطبتي أهلي رفضوه من أجل أن لديه إمرأة.

هل أقبل من أجل نفسي أم أرفض من أجل أهلي؟

[&حياتي بلا امل حطام&]

عليك بالاستخارة .انا لو كنت مكانك لاخترت طاعة والدي لانهم ادرى بمصلحتي ولي يخلي مرتو مش حاب يعيش معاها ومش مطلقها رايح انا ثاني يخليني مرة اخرى .الزواج مكتوب .

[يوسف سرار]

كيما قالت الاخت &حياتي بلا امل حطام& والديك رفضوه علاجال صلاحك ماشي علاجالهم و مادام عندو مشاكل مع زوجته و مش حاب طلاق رح يصرالك مشاكل
انا نقولك شوفي رأي الوالدين أفضل و أنتي و قرارك الشخصي أختي الكريمة

[lilasanna]

المشاركة الأصلية كتبت بواسطة &حياتي بلا امل حطام&

عليك بالاستخارة .انا لو كنت مكانك لاخترت طاعة والدي لانهم ادرى بمصلحتي ولي يخلي مرتو مش حاب يعيش معاها ومش مطلقها رايح انا ثاني يخليني مرة اخرى .الزواج مكتوب .

نعم أنا معك في كلامك لكن هو تركها بسبب الشرف و ليس هناك سبب أخر
يعني لو ماكان سبب الشرف ماكنت قبلت به

[imene nona]

السلام الاخت
الاخت انصحك بعدم التسرع و القيام بصلاة الاستخارة
الوةاج هو مشروع حياة و الخطا فيه تقريبا ممنوع
ربي يسرلك امورك

[kader001]

اهلك على حق ..فالواجب على من جاء لخطبتك أن يتخذ الإجراءات اللازمة أولا لإنهاء علاقة الزواج الأولى الفاشلة - التي سردتي انت بعضا من وقائعها- لان من لا يبادر إلى حل مشاكله لا يجب أن تأمنيه على مستقبلك فانه سوف يفعل بك ما يفعله بالزوجة التي كانت قبلك ..اسمعي نصائح اهلك في هذا الصدد ... سلام

["أحمد المحمدي"]

أختي شاوري مليح وصلّي صلاة الإستخارة واتأكّدي مليح على أسباب تركه لزوجته

وفي الأخير هذي حياتك أنتي مسؤولة عليها يعني أنت الشاف الكبير تاع حياتك ما تخلي حتى بونادم يدخل روحوا فيها

واتوكّلي على الله وان شاء الله ربّي يسهّلّك ويفرّج عليك

["أحمد المحمدي"]

المشاركة الأصلية كتبت بواسطة kader001

اهلك على حق ..فالواجب على من جاء لخطبتك أن يتخذ الإجراءات اللازمة أولا لإنهاء علاقة الزواج الأولى الفاشلة - التي سردتي انت بعضا من وقائعها- لان من لا يبادر إلى حل مشاكله لا يجب أن تأمنيه على مستقبلك فانه سوف يفعل بك ما يفعله بالزوجة التي كانت قبلك ..اسمعي نصائح اهلك في هذا الصدد ... سلام

ياك راهي تقول خيانة زوجية يعني هو لوكان يطلب الطلاق يخلص 17 مليون وهو ما راهش باغي يعطيلها 17 مليون على خطرش هي عاهرة وما تستاهلش

800دج وخسارة فيها اللي تخون راجلها وهذاك هو التّصرّف الصّحيح، هذا إذا ما كانش يكذب عليها باش تحسبو هو ناس ملاح وتقبل بيه

[YOU92DEV]

اسمحيلي ولكن هذا مش راجل

يطلقها ويجي يخطب

غدوة من غدوة يديرلك كيفها يخليك معلقة !!!

[nihal159]

إذا كان بسبب الشرف كما تقولين؛ كون راهو طلقها في نهارها؛ يخسر دراهمو و مايخسرش كرامتو؛ مخليها عام كامل و هي تلعب و توسّخلو في إسمو؟؟؟؟؟ جاتك أنتي منطقية؟؟؟؟؟؟؟؟؟ هل من المنطق راجل يخلي مرتو معلقة عام كامل؟؟؟؟؟ مش شهر أو شهرين؛ راهي عام كامل؛ فكري مليح؛ ممكن الزوجة راهي مضلومة و مش حابة ترفع عليه قضية طلاق باش ماتخسرش حقوقها هي أيضا.

["أحمد المحمدي"]

المشاركة الأصلية كتبت بواسطة you92dev

اسمحيلي ولكن هذا مش راجل

يطلقها ويجي يخطب

غدوة من غدوة يديرلك كيفها يخليك معلقة !!!

هي علاش ما تطلبش الطّلاق؟ يعني خانتو وباغيا تدّي الدّراهم ثاني!

راكي عارفا القانون تاع الجزائر كي داير

["أحمد المحمدي"]

المشاركة الأصلية كتبت بواسطة nihal159

إذا كان بسبب الشرف كما تقولين؛ كون راهو طلقها في نهارها؛ يخسر دراهمو و مايخسرش كرامتو؛ مخليها عام كامل و هي تلعب و توسّخلو في إسمو؟؟؟؟؟ جاتك أنتي منطقية؟؟؟؟؟؟؟؟؟ هل من المنطق راجل يخلي مرتو معلقة عام كامل؟؟؟؟؟ مش شهر أو شهرين؛ راهي عام كامل؛ فكري مليح؛ ممكن الزوجة راهي مضلومة و مش حابة ترفع عليه قضية طلاق باش ماتخسرش حقوقها هي أيضا.

نعم أختي معك حقّ، يجب أن تتأكّد أوّلا من صحّة كلامه ومن صدقه، كما قال الله تعالى: ﴿ يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ (6) ﴾

[dede2000]

هذا اصلا انسان ظالم واش تستناي منو
سبحان الله خلا زوجتو الاولي معلقة ماهي متزوجة فعلا وماهي مطلقة
ويحوس يطلقها بلا حقوق كما قال هو جي من عندها !!!!!
انا نقلك غير متفرحيش بيه
راح يجي نهار وتقولي
أكلت يوم أكل الثور الابيض

[noeddin]

المشكل هو انه ادا خسرت ولداك وحدث شيئ مستقبلا فلمن تشكي همك ، الخطوة الأوالى فيها كل شيئ ، وصلاة الإستخارة اختي

["أحمد المحمدي"]

المشاركة الأصلية كتبت بواسطة noeddin

المشكل هو انه ادا خسرت ولداك وحدث شيئ مستقبلا فلمن تشكي همك ، الخطوة الأوالى فيها كل شيئ ، وصلاة الإستخارة اختي

تشكي لوالديك نورمال علاش والديك راح يكّرهوك؟ والديك يمضغوك وما يصرطوكش كيما يقولو وإن شاء الله ما يوقع والو