تركني قبل شهر من زواجنا - الصفحة 2

amina2688 · 2013-07-13, 13:24

كان الله في عونك وربي يعطيك القوة والصبر
اكيد عندوا مشكل اختي الفاضلة وربي وحدوا يعرف بهذه المشكلة,اكيد هي اكبر من ان مراة كلمها لمدة اسبوع بدلتلوا تفكيروا,نظن المشكل اعمق ...لذا لازم تصبري
وكان الله في عونك

maya bouharoun · 2013-07-13, 13:37

اختي هذا لازملو رقية بما انو مازال في البداية راح ما يطولش و يرتاح نشالله اما اذا خليتوه طول راح يكون صعيب يرتاح حتى بالرقية و من الاحسن تخرجوه مدة من المدينة لي عايش فيها كاين لي رتاح بعد ما بعد توكلي على ربي و صلي الاستخارة لكن انا لو مكانك نصبر معاه و احمدي ربي لي داركم قالولك اصبري

evaevalle · 2013-07-13, 13:43

اصبري و على ربي توكلي
كيما قالك ابوك كاين رجال اخافوا من المسؤولية احبوا يهربوا
و انا ندبر عليك دري جماعة و شوفي و اش اقولوا و ديريه

نبض القلووب · 2013-07-13, 13:51

اختي لعزيزة حكايتك اثرت عليا بزاف ربي يصبرك ويسهلك امرو
اختي المرأة كي تحط في راسها حاجة راهي ديرها بالاط هادي الي تخدم مع راجلك حاطاتو في بالها وكشما دارتلو سحور قلباتو عليك و فسدتلو مشورع زواجو
مادام امو ماهيش راضيا بهاذا الشئ عيطيلها قوليلها ترقيلو في حاجة من حوايجو ولا ديرلو الفاسوخ راهو يفسخ السحر يا اختي ماتفرطيش فيه لأخر لحظة اتفاهمي ان و ماماه واجبدي روحك ماتبقايش تعيطيلو طول ابقاي على اتصال مع ماماه برك حتى تحلو المشكل ربي ايسهلك وايهنيك ويبعد عليك ولاد الحرام صحا بعد لفطور اخيتي

سليلة ذات النطاقين · 2013-07-13, 14:09

بالاك تخليه بسهولة تعاوتي انت والعائلة اهدرو معاه رقيوه وخاصة ادعولو الدعاء ثم الدعاء

بسمة تحدي · 2013-07-13, 14:31

وش بيهم الرجال تع ضوك والله الواحد راسو يحبس

كيفاش ينكرو العشرة ثم ثم

شوفي يا اختي قوليلو يرقي يمكن حسد او عين ا

لان الحسد راه اعراضو خطيرة بزاااااف

والا خطيبك هذا راه يمر بضروف صعبة غير ربي اليعلم بيها

التمسيلو الاعذار ومتتسرعيش بش تفسخي

وانتي ضوك متقعديش تبكي وتتحصري

احمدي ربي على هذا الابتلاء لانه اكيد ربي حب يقولك حاجة يمكن انتي دايرة ذنوب ومعاصي

وربي حب يطهرك منها استغفري استغفري وانتي قاعدة استغفري وتخذمي شغل استغفري

اكثري من الاستغفار والله راح تحسي براحة الباااااااااااال

وتاني تقربي لربي سبحانو متقعديش تشتكي لناس روحي صلي ركعتين وشتكي لربي وحدو

هو القادر يخرجك من هذا الهم

واتصدقي واكثري من الدعاااااااء

وان شاء الله فترة بك وتجوز

وتاكدي ان بعد العسر يسر

كي تدعي قولي

اللهم فرج عنا كل هم وغم واخرجني من كل حزن وكرب وفرج عني ما قد ضاق به صدري وقلت في حيلتي

بسمة تحدي · 2013-07-13, 14:36

اقتباس:

المشاركة الأصلية كتبت بواسطة لذريق

السلام عليكم أختي الكريمة
رمضان كريم و ان شاء الله تزول الازمة و تعود المياه الى مجاريها
فقط انصحك لا تتعجلي الامر .........فهذا كاش شيطان او شيطانة اراد التفريق بينكما فالتفريق لا يكون الا من شياطين الانس او الجن و ما اكثرهم في وقتنا
هي كاش وحدة استغلت انشغالك في التجهيز و عمرتلوا راسو.......و ربما تركك له لمدة سممت افكاره و ربما صار عاطفيا جدا و ربما قلة تواصلك او عدم وجودك معه اثر فيه نفسيا فاستغلت الفتاة الامر و فعلت فعلتها
لكن انصحك التريت في الامر و محاولة كسب ثقته من جديد..........فهو قد أخطأ في حقك و لكن ان تركتيه فربما سيزيد في الابتعاد عنك اكثر و ربما يبادر الى امر لا تحمد عقباه
لذا تواصلي معه و حاولي استغلال كل قنوات الاتصال من اخواته او امه لكي يكون في اطار التزامه الادبي امامهم
و لا تتركيه فشياطين الانس همها التفريق ............و كوني اذكى منهم و حافظي على هذا الخطيب فلم يبقى الكثير على الزفاف
و بما اننا في شهر فضيل فأكثري الدعاء و إلجئي الى الله
ممكن اذا لم يكن في الامر احراج محاولة احد افراد عائلتكم دعوته على الافطار لترطيب الجو و اعادة الامور الى نصابها دون التطرق نهائيا للمسألة....فربما هو احس بخطئه و لم يعرف كيفية الرجوع..........لذا عليك بالمبادرة اليه و ارجاعه و جعل الامور عادية و انت تعرفينه فكوني ذكية و شاطرة في استرجاعه
اسأل الله الكريم الرحمان الرحيم ان يثوب هذا الاخ الى رشده و ان يصرف عنه كل كائد و حاسد و يرزقه العودة اليك و يتم الله لكما امر الزواج و يجعلكما من اسعد الازواج
ثقي ان الامور تحل بروية و بتفكير سديد و عدم التسرع....فنحن في وقت سهل الافساد فيه و لكن صعب الاصلاح...و اذا كان و لا بد فالصفح اولى الامور و استقطاب الخطيب بذكائك و بدون لوم و عتاب سيفي بالغرض و الدور الكبير لك انت ......فلا تبطئي في محاولة اعادته اليك و لا تعاتبيه الان مطلقا...فلربما هو خائف و غيره يريد استغلال الامر ............فبذكائك ارجعيه الى حنانك و امسحي عن عقله كل الوساوس و كوني خير بنات حواء لكي تكسبي قلب الخطيب
و انصحك الا تعيدي غلق الهاتف في وجهه فهي فرصة له لكي لا يسمعك و يزين له الطرف الاخر الشر و الانفصال
بل اذا غضب او اخطأ افتحي كل قنوات الحوار و تريثي و تكلمي معه بهدوء و حتما سيرجع لانه وجدك في الوقت الذي كان محتاجا إليك و اما فعلك بغلق الهاتف فهو الذي ادى به الى الابتعاد رغم خطئه
لذا لا تقلقي و تريثي و حاولي الاتصال به و لا تلوميه و تحدثي معه في اي امر لكي يحس ان علاقتكما لا تزال عادية...فقط هو يشعر بانه اخطأ و لا يعلم ما يفعل
ان شاء الله تعود الامور الى احسن ما كانت عليه
ربي يوفقكم للخير و يجمع بينكم عن قريب
كوني ذكية
اجذبيه نحوك بكل ما اوتيتي من قوة فان غفلتي انت فلن تغفل غيرك
لا تلوميه
لا تعنفيه
اتركي الامور عاية
كلميه كسابق عهدك
اعطيه ثقة انه معك دائما و كانه لم يحدث شيئ
اعرفي كيفية كسب ثقته المنهارة بسبب افعاله
لا تغفلي عنه بسبب انشغالاته فهي سبب بعده و خطئه
ان شاء الله نسمع اخبار خير
ان شاء الله لي دعوة لكم بظهر الغيب بان ترجع الامور اى افضل مما كانت عليه
اسأل الله ان يبدل حزنك فرحا و بشائرا و سعادة و بهجة و ان يزيح عنك الهم و الغم و ان يرزقك هذا الخطيب زوجا و يجعلكما صالحين
بارك الله فيك و اقر عينيك بما تحبين
ســـــــــــــــــــــــــــــــلام

بارك الله فيك والله

كلامك كله رزانة وقمة

ياريت صاحبة الموضوع تعمل بيه

Assouma 93 · 2013-07-13, 14:38

يا اختي اصبري عليه و متقلقيش روحك لازم توقفي معاه بلاك كاش ماصرالو لا سمح الله انت اصبري و ما عندك ما خسرت و ربي يكون في عونك ان شاء الله

simmou · 2013-07-13, 15:52

شكرا اخواتي راني صبرت لحد الياس راني حاكمة في ربي والله تقلب عليا 180 درجة لو نقلكم ان صوتي اصبح يزعجه كثيرا وكانه شيطان في اذنه ومن شدة تعبي اخبرته ان كل شيء انتهى وان يتم فسخ الخطوبة ربي يعوضني باحسن منو انشاء الله .اذا رجع عقلو راه يعرف باب دارنا يطلب السماح وانا نخمم.

سرور · 2013-07-13, 16:02

ربي صبر ختي ربي يكون في عونك

wafwaf8471 · 2013-07-13, 16:16

istakhiri rabaki w sali w id3i a3tilo forsa yfaker wa3ti l rouhik inti tani forsa ib3di 3lih w choufi ida kane mishoure 3awnih w ida kane labasse alih ngolhalik franchment hada raho samih fik w mademe rakommakhtobine barke ya3ni makomche 3akdine akhtik mino khiro fi ghiro mata3rfilkhir wine rabi m3ak bonne courage okhti

samia90hbb · 2013-07-13, 16:42

نسال الله العافية

* الحلم سكر * · 2013-07-13, 22:07

السلام عليكم
ربي معاك اختي مي ما نعرف علاه ذكرتني قصتك بحكاية طرحت مرة هنا
تقريبا نفس الحكاية تركها قبل مدة و اكتشفت انو السبب انو فعلا اخلاقو ماشي مليحة خلاص بنات و و و

انا لي نقولهولك اتحري وراه انتي و اهلك بالاك تزيدي تعرفي حوايج اخرى في هدا الزمان و الله كلشي ممكن
و اذا حكاية رقية ساهلة يرقيوه اهلو و كيما قلتي راهم يعرفو داركم

بردي قلبك اتحري عليه مليح مليح ... واجهي و استفسؤي منو بعبارات و اسئلة صريحة
حابة تكلمي الفتاة الاخرى اذا حاسة لي قادرة توصلي لحاجة كلميها و استفسري

المهم ما تخليش في قلبك و خلي عندك ثقة في ربي سبحانه كاين حوايج تبانلك غلقت بيها ابواب لكن كيما يقولو هي بداية و مفاتيح لمل هو اجمل باذن الله

ربي معاك و راني ندعيلك من قلبي يفرج همك و يوفقك للي فيه الخير و يرزقك نعمة الرضا و القناعة

وفية زاد · 2013-07-13, 22:55

رب يهديه و يفرج عليك
اصبري اختي ان شاء الله مايكون غير الخير

rahim ghaza · 2013-07-13, 23:57

الله يكون معك ويفرج همك
واللي فيه الخير مرحبا